Read Ndebele-IBhayibhili Elingcwele 2006 Izaga 24 Bible Online

Izaga 24 - Ndebele-IBhayibhili Elingcwele 2006 bible

Izaga 24

¹Ungabi lamhawu ngabantu ababi, ungaloyisi ukuba labo.

²Ngoba inhliziyo yabo iceba udlakela, lezindebe zabo zikhuluma uhlupho.

³Ngenhlakanipho indlu iyakhiwa, langokuqedisisa iqiniswe.

⁴Langolwazi amakamelo agcwaliswa ngempahla zonke eziligugu lezimnandi.

⁵Umuntu ohlakaniphileyo ulamandla, lomuntu ololwazi uqinisa amandla.

⁶Ngoba ngezeluleko ezihlakaniphileyo ungalawula impi yakho, lokukhululwa kusebunengini babeluleki.

⁷Inhlakanipho enkulu iphakeme esiwuleni; esangweni kasivuli umlomo waso.

⁸Oceba ukwenza okubi, bazambiza ngokuthi ngumnikazi wamacebo amabi.

⁹Umcabango wobuwula yisono, lesideleli siyisinengiso emuntwini.

¹⁰Uba uzitshengisa uxega ngosuku lokuhlupheka, amandla akho mancinyane.

¹¹Bophule abasiwa ekufeni, ngoba batatalikela ekubulaweni nxa ugodla.

¹²Uba usithi: Khangela besingakwazi; ohlola izinhliziyo yena kayiku ku nanzelela yini? Olondoloza umphefumulo wakho yena uza kw azi; njalo uzabuyisela emuntwini njengokomsebenzi wakhe.

¹³Dlana uluju, ndodana yami, ngoba lulungile, lohlanga loluju lumnandi elwangeni lwakho.

¹⁴Lunjalo ulwazi lwenhlakanipho emphefumulweni wakho; uba uluthola, kuzakuba lomvuzo, lethemba lakho kaliyikuqunywa.

¹⁵Wena okhohlakeleyo, ungacathameli umuzi wolungileyo; ungachithi indawo yakhe yokuphumula.

¹⁶Ngoba olungileyo uzakuwa kasikhombisa, avuke; kodwa abakhohlakeleyo bazakhubeka ebubini.

¹⁷Ungathokozi ngokuwa kwesitha sakho, lekukhubekeni kwaso inhliziyo yakho kayingajabuli;

¹⁸hlezi i Nkosi ikubone, kube kubi emehlweni ayo, iphendule ulaka lwayo ilususe kuso.

¹⁹Ungazikhathazi ngenxa yabenzi bobubi, ungabi lamhawu ngabakhohlakeleyo;

²⁰ngoba omubi kayikuba lomvuzo; isibane sabakhohlakeleyo sizacitshwa.

²¹Ndodana yami, yesaba uJehova lenkosi; ungahlanganyeli labaguqukayo;

²²ngoba incithakalo yabo izavuka masinyane; njalo ngubani owazi ukuchitheka kwabo bobabili?

²³Lala ngawabahlakaniphileyo. Ukunaka ubuso kusahlulelo kakulunganga.

²⁴Othi kokhohlakeleyo: Wena ulungile; abantu bazamqalekisa, izizwe zizamthukuthelela.

²⁵Kodwa kulabo aba m khuzayo kuzakuba lentokozo, lesibusiso esihle sizabehlela.

²⁶Uzakwanga indebe zalowo ophendula ngamazwi aqondileyo.

²⁷Lungisa umsebenzi wakho ngaphandle, uzilungiselele wona ensimini, emva kwalokho wakhe indlu yakho.

²⁸Ungabi ngumfakazi umelene lomakhelwane wakho kungelasizatho, kumbe ukhohlise ngendebe zakho.

²⁹Ungathi: Njengokwenza kwakhe kimi ngizakwenza njalo kuye; ngizaphindisela emuntwini njengokomsebenzi wakhe.

³⁰Ngedlula ensimini yevila, lesivinini somuntu oswele ingqondo;

³¹khangela-ke, konke kwakumile ameva, imbabazane yayisibekele ubuso bakho, lomthangala wakho wamatshe udilikile.

³²Mina-ke nga ku khangela, nga ku beka enhliziyweni yami; nga ku bona, ngemukela imfundiso.

³³Ubuthongo obuncinyane, ukuwozela okuncinyane, ukusonga izandla okuncinyane ukuthi kulalwe,

³⁴besebusiza ubuyanga bakho njeng esihambi, lenswelo zakho njengomuntu olesihlangu.