Read Ndebele-IBhayibhili Elingcwele 2006 Izaga 26 Bible Online

Izaga 26 - Ndebele-IBhayibhili Elingcwele 2006 bible

Izaga 26

¹Njengeliqhwa elikhithikayo ehlobo lanjengezulu ngesikhathi sokuvuna, ngokunjalo udumo kalusifanelanga isithutha.

²Njengenyoni ekuzulazuleni, njengenkonjane ekuphapheni, ngokunjalo isiqalekiso kungelasizatho kasiyikufika.

³Isiswepu ngesebhiza, itomu ngelikababhemi, loswazi ngolomhlane wezithutha.

⁴Ungaphenduli isithutha ngokobuthutha baso, hlezi lawe ufanane laso.

⁵Phendula isithutha ngokobuthutha baso, hlezi sibe ngesihlakaniphileyo emehlweni aso.

⁶Othumela amazwi ngesandla sesithutha, uquma inyawo, unatha isihluku.

⁷Imilenze yesiqhuli iyalengalenga; sinjalo isaga emlonyeni wezithutha.

⁸Njengokubophela ilitshe esavutheni, unjalo onika udumo esithutheni.

⁹Njeng ameva enyuka esandleni sesidakwa sinjalo isaga emlonyeni wezithutha.

¹⁰Oqatsha isithutha loqatsha abadlulayo unjengomtshoki ociba wonke.

¹¹Njengenja ebuyela emahlanzweni ayo ngokunjalo isithutha siphinda ubuthutha baso.

¹²Uyabona yini umuntu ohlakaniphileyo emehlweni akhe? Kulethemba elikhulu esithutheni kulaye.

¹³Olivila uthi: Kulesilwane endleleni; isilwane sisezitaladeni.

¹⁴Isivalo siphenduka ngamabhanti aso, ngokunjalo ivila embhedeni walo.

¹⁵Ivila lifihla isandla salo emganwini, liyavilapha ukusibuyisela emlonyeni walo.

¹⁶Ivila lihlakaniphile emehlweni alo okwedlula abayisikhombisa abangaphendula nge nhlakanipho.

¹⁷Odlulayo ethukuthela ngengxabano engeyisiyo eyakhe ungobamba indlebe zenja.

¹⁸Njengohlanya oluphosa izikhuni ezivuthayo, imitshoko, lokufa,

¹⁹unjalo umuntu okhohlisa umakhelwane wakhe, abesesithi: Kangisomi yini?

²⁰Uba kungelankuni umlilo uyacitsha; njalo uba kungelakunyeya, ukuxabana kuyathula.

²¹Njeng amalahle emalahleni avuthayo, lenkuni emlilweni, unjalo umuntu wenkani ngowokubasa ingxabano.

²²Amazwi onyeyayo anjengezibondlo ezehlela kokungaphakathi kwesisu.

²³Indebe ezivuthayo lenhliziyo embi kungamanyele esiliva ahuqa ukhamba.

²⁴Ozondayo uyazenzisa ngezindebe zakhe, kodwa ufaka inkohliso ngaphakathi kwakhe.

²⁵Lapho esenza ilizwi lakhe libe ngelomusa, ungamkholwa, ngoba izinengiso eziyisikhombisa zisenhliziyweni yakhe.

²⁶Inzondo isibekelwa ngenkohliso; ububi bakhe buzakwembulwa ebandleni.

²⁷Ogebhayo umgodi uzawela kuwo, logiqa ilitshe, lizabuyela kuye.

²⁸Ulimi lwamanga luzonda olubachobozayo, lomlomo obutshelezi usebenza incithakalo.