Read Ndebele-IBhayibhili Elingcwele 2006 Izaga 27 Bible Online

Izaga 27 - Ndebele-IBhayibhili Elingcwele 2006 bible

Izaga 27

¹Ungazincomi ngosuku lwakusasa, ngoba kawazi ukuthi usuku luzazalani.

²Owemzini kakudumise, njalo hatshi umlomo wakho; owezizwe, njalo hatshi indebe zakho.

³Ilitshe linzima, letshebetshebe liyasinda, kodwa ulaka lwesithutha lunzima kulakho kokubili.

⁴Ulaka lulolunya, lentukuthelo iyisikhukhula; kodwa ngubani ongema phambi komona?

⁵Kungcono ukukhuzwa ngokusobala kulothando lwensitha.

⁶Amanxeba omngane athembekile, kodwa ukwanga kwesitha kunengi.

⁷Umphefumulo osuthiyo unyathelela phansi uhlanga loluju, kodwa k umphefumulo olambileyo konke okubabayo kumnandi.

⁸Njengenyoni eduha isuka esidlekeni sayo unjalo umuntu oduha esuka endaweni yakhe.

⁹Amafutha lempepha kuthokozisa inhliziyo; kunjalo ubumnandi bomngane womuntu ngenxa yeseluleko somphefumulo.

¹⁰Ungadeli umngane wakho lomngane kayihlo; njalo ungangeni endlini yomfowenu ngosuku lwencithakalo yakho; kungcono umakhelwane oseduze kulomfowenu okhatshana.

¹¹Hlakanipha, ndodana yami, uthokozise inhliziyo yami, ukuze ngibe lempendulo kongisolayo.

¹²Okhaliphileyo uyabona ububi acatshe, kodwa abangelalwazi bayaqhubeka bajeziswe.

¹³Thatha isigqoko soyisibambiso ngenxa yowemzini, umthathele isibambiso ngenxa yowesifazana wezizwe.

¹⁴Obusisa umngane wakhe ngelizwi elikhulu evuka ekuseni kakhulu, kuzathiwa yisiqalekiso kuye.

¹⁵Ukuchophelela ngosuku lwezulu eliqhubekayo lowesifazana oxabanayo kuyafanana.

¹⁶Omfihlayo ufihla umoya, lamagcobo esandla sakhe sokunene ayabiza.

¹⁷Insimbi ilolwa ngensimbi; ngokunjalo umuntu ulola ubuso bomngane wakhe.

¹⁸Olondoloza isihlahla somkhiwa uzakudla isithelo saso; lolinda inkosi yakhe uzadunyiswa.

¹⁹Njeng e manz ini ubuso busebusweni, ngokunjalo inhliziyo yomuntu isemuntwini.

²⁰Isihogo lencithakalo kakusuthi, ngokunjalo amehlo omuntu kawasuthi.

²¹Imbiza yokucenga ngeyesiliva, lesithando somlilo ngesegolide; kunjalo umuntu ngokokudunyiswa kwakhe.

²²Lanxa ugiga isithutha ngomgigo engigeni phakathi kwengqoloyi, ubuthutha baso kabuyikusuka kuso.

²³Yazi lokwazi ubuso bezimvu zakho, beka inhliziyo yakho kumihlambi yakho,

²⁴ngoba inotho kayisiyaphakade; kumbe umqhele ube sesizukulwaneni lesizukulwana yini?

²⁵Utshani buyasuswa, lohlaza lubonakale, kubuthwe lemibhida yezintaba.

²⁶Amawundlu angawezigqoko zakho, lezimpongo ziyintengo yesiqinti.

²⁷Kuzakuba lochago lwezimbuzi olwanele ukudla kwakho lokudla kwendlu yakho lempilo yencekukazi zakho.