Read Ndebele-IBhayibhili Elingcwele 2006 Izaga 3 Bible Online

Izaga 3 - Ndebele-IBhayibhili Elingcwele 2006 bible

Izaga 3

¹Ndodana yami, ungakhohlwa umlayo wami, kodwa inhliziyo yakho kayigcine imilayo yami.

²Ngoba yengezelela kuwe ubude bezinsuku leminyaka yempilo lokuthula.

³Umusa lothembeko kakungakutshiyi, kubophele entanyeni yakho, ukubhale esibhebheni senhliziyo yakho.

⁴Ngalokho uzathola umusa lokuqedisisa okuhle emehlweni kaNkulunkulu labantu.

⁵Themba e Nkosi ni ngenhliziyo yakho yonke, ungeyami ekuqedisiseni kwakho.

⁶Ivume endleleni zakho zonke, yona-ke izaqondisa imikhondo yakho.

⁷Ungabi ngohlakaniphileyo emehlweni akho; yesabe i Nkosi, usuke ebubini.

⁸Kuzakuba yikwelatshwa kwenkaba yakho, lokunathwayo kwamathambo akho.

⁹Hlonipha i Nkosi ngemfuyo yakho, langezithelo zakho zokuqala zesivuno sakho sonke.

¹⁰Khona iziphala zakho zizagcwaliswa ngenala, lezikhamelo zakho zewayini ziphuphume iwayini elitsha.

¹¹Ndodana yami, ungadeleli ukulaya kwe Nkosi, unganengwa yikukhuza kwayo.

¹²Ngoba i Nkosi iyamlaya emthandayo, yebo, njengoyise indodana athokoza ngayo.

¹³Ubusisiwe umuntu o thola inhlakanipho, lomuntu o zuza ukuqedisisa.

¹⁴Ngoba inzuzo yakho ingcono kulenzuzo yesiliva, lesivuno sakho kulegolide.

¹⁵Kuligugu elidlula amatshe aligugu, lakho konke ongakufisa kakulinganiswa lakho.

¹⁶Ubude bezinsuku busesandleni sakho sokunene, kwesokhohlo sakho inotho lodumo.

¹⁷Izindlela zakho zizindlela zentokozo, lemikhondo yakho yonke iyikuthula.

¹⁸Kuyisihlahla sempilo kwabakubambayo, lobambelela kukho ubusisiwe.

¹⁹Ngenhlakanipho i Nkosi yasekela umhlaba; yamisa amazulu ngokuqedisisa.

²⁰Ngolwazi lwayo izinziki zaqhekezwa, lamayezi athonta amazolo.

²¹Ndodana yami, kakungasuki emehlweni akho; gcina inhlakanipho eqotho lengqondo.

²²Njalo kuzakuba yimpilo yomphefumulo wakho, lesisa entanyeni yakho.

²³Khona uzahamba indlela yakho uvikelekile, lonyawo lwakho kaluyikukhubeka.

²⁴Nxa ulala phansi, kawuyikwesaba, yebo, uzalala, lobuthongo bakho buzakuba mnandi.

²⁵Ungesabi uvalo olujumayo, kumbe ukuchitheka kwababi nxa kufika.

²⁶Ngoba i Nkosi izakuba sethembeni lakho, igcine unyawo lwakho ukuze lungabanjwa.

²⁷Ungagodleli umninikho okuhle nxa kusemandleni esandla sakho ukukwenza.

²⁸Ungathi kumakhelwane wakho: Hamba, ubuye, kusasa ngizakunika; nxa ulakho.

²⁹Ungacebi okubi ngomakhelwane wakho, ngoba yena uhlala lawe evikelekile.

³⁰Ungaphikisani lomuntu kungelasizatho, nxa engakonanga.

³¹Ungahawukeli umuntu oyisidlwangudlwangu; ungakhethi leyodwa yezindlela zakhe.

³²Ngoba ophambeneyo uyisinengiso e Nkosi ni, kodwa imfihlo yayo ikwabaqotho.

³³Isiqalekiso se Nkosi sisendlini yomubi, kodwa iyawubusisa umuzi wabalungileyo.

³⁴Isibili, yona iyabeyisa abeyisayo, kodwa inika umusa kwabathobekileyo.

³⁵Abahlakaniphileyo bazakudla ilifa lodumo, kodwa iphakamisa abayizithutha ehlazweni.