Read Ndebele-IBhayibhili Elingcwele 2006 Izaga 9 Bible Online

Izaga 9 - Ndebele-IBhayibhili Elingcwele 2006 bible

Izaga 9

¹Inhlakanipho enkulu yakhe indlu yayo, ibaze insika zayo eziyisikhombisa.

²Ihlabe okuhlatshwayo kwayo, ixubanise iwayini layo, futhi yalungisa itafula layo.

³Ithume incekukazi zayo, iyamemeza engqongeni zendawo eziphakemeyo zomuzi zisithi:

⁴Loba ngubani ongelalwazi? Kaphendukele lapha; oswele ingqondo, ithi kuye:

⁵Wozani, lidle okwesinkwa sami, linathe okwewayini e ngi li xubanisileyo.

⁶Yekelani abangelalwazi liphile, lihambe ngokuqonda ngendlela yokuqedisisa.

⁷Osola isiklolodi uzizuzela ihlazo, lokhuza okhohlakeleyo u zi zuz ela isici.

⁸Ungasoli isiklolodi, hlezi sikuzonde; sola ohlakaniphileyo, njalo uzakuthanda.

⁹Nika ohlakaniphileyo, njalo uzakuba lokhu ehlakanipha; fundisa olungileyo, njalo uzakwandisa ukufunda.

¹⁰Ukuyesaba i Nkosi kuyikuqala kwenhlakanipho, lolwazi lwabangcwele luyikuqedisisa.

¹¹Ngoba ngami insuku zakho zizakwandiswa, leminyaka yempilo yengezelelwe kuwe.

¹²Uba uhlakaniphile, uzakuba uzihlakaniphele; uba ukloloda, uzakuthwala wedwa.

¹³Owesifazana oyisithutha ulomsindo, kalangqondo, kazi lutho.

¹⁴Ngoba uhlala emnyango wendlu yakhe, esihlalweni, e ndaw eni eziphakemeyo zomuzi,

¹⁵ukubiza abadlulayo ngendlela, abahamba beqondile emikhondweni yabo, esithi:

¹⁶Loba ngubani ongelalwazi? Kaphendukele lapha; loswele ingqondo, uthi kuye:

¹⁷Amanzi ebiweyo amnandi, lesinkwa sensitha siyahlabusa.

¹⁸Kodwa kazi ukuthi abafileyo balapho; abanxusiweyo bakhe basenzikini yesihogo.