Read Ndebele-IBhayibhili Elingcwele 2006 Umtjhumayeli 1 Bible Online

Umtjhumayeli 1 - Ndebele-IBhayibhili Elingcwele 2006 bible

Umtjhumayeli 1

¹Amazwi omTshumayeli, indodana kaDavida, inkosi eJerusalema.

²Ize leze, kutsho umTshumayeli, ize leze, konke kuyize.

³Kuyinzuzoni emuntwini emtshikatshikeni wakhe wonke awutshikatshika ngaphansi kwelanga?

⁴Isizukulwana siyedlula, lesizukulwana size, kodwa umhlaba umi kuze kube nininini.

⁵Lelanga liyaphuma, lelanga litshone, litshetshela endaweni lapho eliphuma khona.

⁶Umoya uya eningizimu, ujikele enyakatho, ujikajike uhambe, lomoya ubuyele ekubhodeni kwawo.

⁷Yonke imifula iya olwandle, kodwa ulwandle kalugcwali; endaweni lapho imifula evela khona, ibuyele iye khona.

⁸Zonke izinto ziyadinisa; kakulamuntu olakho ukukukhuluma. Ilihlo kalisuthi ngokubona, lendlebe kayigcwaliswa yikuzwa.

⁹Okwake kwaba khona yilokho okuzakuba khona, lokwake kwenziwa yilokho okuzakwenziwa; njalo kakulalutho olutsha ngaphansi kwelanga.

¹⁰Kungaba khona ulutho yini okungathiwa ngalo: Khangela, lokhu kutsha! Kwakuvele kukhona endulo engaphambi kwethu.

¹¹Kakukho ukukhunjulwa kwezinto zakuqala; njalo lezinto ezizayo ezizakuba khona kakuyikuba khona ukukhunjulwa kwazo lalabo abazakuba khona emva kwalokho.

¹²Mina mTshumayeli ngangiyinkosi phezu kukaIsrayeli eJerusalema.

¹³Ngasenginikela inhliziyo yami ukudinga lokuhlolisisa ngokuhlakanipha ngakho konke okwenziwayo ngaphansi kwamazulu; lumtshikatshika onzima uNkulunkulu uwunike abantwana babantu ukuthi baphatheke ngawo.

¹⁴Ngiyibonile yonke imisebenzi eyenziwayo ngaphansi kwelanga; khangela-ke, konke kuyize lokukhathazeka komoya.

¹⁵Okugobileyo kakulakuqondiswa; lokuswelekayo kakulakubalwa.

¹⁶Ngakhuluma mina lenhliziyo yami ngisithi: Khangela, mina ngikhulile ngandisa inhlakanipho phezu kwabo bonke ababephambi kwami eJerusalema; njalo inhliziyo yami ibonile kakhulu inhlakanipho lolwazi.

¹⁷Nganginikela inhliziyo yami ukwazi inhlakanipho, lokwazi ukuhlanya lobuthutha, ngabona ukuthi lalokhu yikukhathazeka komoya.

¹⁸Ngoba kunhlakanipho enengi kulokukhathazeka okunengi, lowandisa ulwazi wandisa usizi.