Read Ndebele-IBhayibhili Elingcwele 2006 Umtjhumayeli 10 Bible Online

Umtjhumayeli 10 - Ndebele-IBhayibhili Elingcwele 2006 bible

Umtjhumayeli 10

¹Impukane ezifileyo zinukisa zibilise amagcobo omthaki; ubuthutha obuncinyane benza njalo k ohloniphekayo ngenxa yenhlakanipho lo dumo.

²Inhliziyo yohlakaniphileyo ingakwesokunene sakhe, kodwa inhliziyo yesithutha ingakwesokhohlo saso.

³Yebo-ke lapho oyisithutha ehamba endleleni, ingqondo yakhe iyasilela, uthi kuye wonke uyisithutha.

⁴Uba umoya wombusi ukuvukela, ungatshiyi indawo yakho, ngoba ukuthobeka kuyathulisa iziphambeko ezinkulu.

⁵Kulobubi e ngibubone ngaphansi kwelanga, njengesiphosiso esiphuma ebusweni bombusi:

⁶Ubuwula bubekwa ezindaweni eziphakemeyo kakhulu, labanothileyo bahlala endaweni ephansi.

⁷Ngibonile izigqili zigade amabhiza, leziphathamandla zihamba njengezigqili emhlabeni.

⁸Ogebha umgodi uzawela kuwo; lodiliza umthangala, inyoka izamluma.

⁹Osusa amatshe uzalinyazwa yiwo; obanda izigodo uzakuba sengozini ngazo.

¹⁰Uba insimbi ibuthundu njalo engaloli ubukhali, ngakho ufanele engezelele amandla; kodwa inhlakanipho yinhle ukulungisa.

¹¹Uba inyoka iluma kungelakulunjwa, kakulanzuzo kungcitshi yolimi.

¹²Amazwi omlomo ohlakaniphileyo alomusa, kodwa indebe zesithutha ziyasiginya.

¹³Ukuqala kwamazwi omlomo waso kuyibuthutha, lokucina komlomo waso kuyibuhlanya obubi,

¹⁴njalo isithutha sandisa amazwi. Umuntu kazi okuzakuba khona; lalokho okuzakuba khona emva kwakhe, ngubani ongamtshela khona?

¹⁵Umtshikatshika wesithuthandini uyasidinisa, ngoba kasazi ukuya emzini.

¹⁶Maye kuwe, lizwe, onkosi yakho ingumntwana, leziphathamandla zakho zidla ekuseni!

¹⁷Ubusisiwe, lizwe, onkosi yakho iyindodana yabakhulu, leziphathamandla zakho zidla ngesikhathi esifaneleyo, zidl ela ukuqina, hatshi ukudakwa.

¹⁸Ngobuvila obukhulu intungo ziyabhensa, langokuyekethisa izandla indlu iyanethela.

¹⁹Idili lenzelwa uhleko, lewayini lithokozisa impilo; kodwa imali iyimpendulo yakho konke.

²⁰Lemcabangweni wakho ungayithuki inkosi, lekamelweni lakho lokulala ungamthuki onothileyo; ngoba inyoni yamazulu izathwala ilizwi, lokulamaphiko kubike udaba.