Read Ndebele-IBhayibhili Elingcwele 2006 Umtjhumayeli 5 Bible Online

Umtjhumayeli 5 - Ndebele-IBhayibhili Elingcwele 2006 bible

Umtjhumayeli 5

¹Gcina unyawo lwakho nxa usiya endlini kaNkulunkulu; sondelela ukulalela kulokunikela umhlatshelo wezithutha, ngoba kazazi ukuthi zenza okubi.

²Ungabi lamawala ngomlomo wakho, lenhliziyo yakho ingaphangisi ukukhupha ilizwi phambi kukaNkulunkulu; ngoba uNkulunkulu usemazulwini, wena-ke usemhlabeni, ngakho amazwi akho kawabe malutshwana.

³Ngoba iphupho liza ngobunengi bomsebenzi, lelizwi lesithutha ngobunengi bamazwi.

⁴Lapho ufunga isifungo kuNkulunkulu, ungaphuzi ukusikhokha, ngoba kakulantokozo kuziwula; khokha lokho okufungileyo.

⁵Kungcono ukuthi ungafungi kulokuthi ufunge ungakhokhi.

⁶Ungavumeli umlomo wakho ukuthi wenze inyama yakho yone, futhi ungatsho phambi kwengilosi ukuthi bekuyisiphosiso; uNkulunkulu uzathukuthelelani ilizwi lakho, achithe umsebenzi wezandla zakho?

⁷Ngoba ebunengini bamaphupho lamazwi kukhona lokuyize okunengi, kodwa mesabe uNkulunkulu.

⁸Uba ubona ucindezelo lomyanga lokuphanjulwa kokulunga lesahlulelo ngodlakela esabelweni, ungamangali ngalinto, ngoba ophezulu kophezulu uyananzelela, njalo kulabaphezulu phezu kwabo.

⁹Lenzuzo yomhlabathi ngeyabo bonke; inkosi isetshenzelwa yinsimu.

¹⁰Othanda imali kayikweneliswa yimali, njalo othanda okunengi kayi kweneliswa yikwanda; lokhu lakho kuyize.

¹¹Ekwandeni kokuhle, bayanda abakudlayo; njalo kulenzuzo bani kubanini bakho, ngaphandle koku ku buka ngamehlo abo?

¹²Bumnandi ubuthongo besisebenzi loba sisidla okulutshwana loba okunengi; kodwa ukusutha kwesinothi kakusivumeli ukulala.

¹³Kukhona ububi obubuhlungu e sengibubonile ngaphansi kwelanga: Inotho egcinelwe abaniniyo kube yibubi kibo.

¹⁴Kodwa leyonotho ichitheka ngomsebenzi omubi: Esezala umntwana, kungaselalutho esandleni sakhe.

¹⁵Njengokuphuma kwakhe esiswini sikanina, uzabuyela eze ehamba njengokuza kwakhe; njalo kayikuthatha lutho lomtshikatshika wakhe angahamba lalo esandleni sakhe.

¹⁶Lokhu lakho kuyibubi obubuhlungu, kukho konke njengokufika kwakhe ngokunjalo uzahamba. Njalo ulenzuzo bani owatshikatshikela umoya?

¹⁷Njalo insuku zakhe zonke udlela emnyameni, e losizi olukhulu, lomkhuhlane wakhe, lokuthukuthela?

¹⁸Khangela, engikubonileyo mina, kulungile okuhle ukudla lokunatha lokubona okuhle emtshikatshikeni wakhe wonke awutshikatshikayo ngaphansi kwelanga, e nani ni lensuku zempilo yakhe uNkulunkulu amnike zona, ngoba kuyisabelo sakhe.

¹⁹Laye wonke umuntu, uNkulunkulu amnike inotho lengcebo, wamnika amandla okudla kukho, lokuthatha isabelo sakhe, lokuthokoza emtshikatshikeni wakhe - lokhu kuyisipho sikaNkulunkulu.

²⁰Ngoba kayikukhumbula kakhulu insuku zempilo yakhe, ngoba uNkulunkulu u m phendula ngentokozo yenhliziyo yakhe.