Read Ndebele-IBhayibhili Elingcwele 2006 Ingoma Yeengoma 1 Bible Online

Ingoma Yeengoma 1 - Ndebele-IBhayibhili Elingcwele 2006 bible

Ingoma Yeengoma 1

¹Ingoma yezingoma engekaSolomoni.

²Kangange ngokwanga komlomo wakhe; ngoba uthando lwakho lungcono kulewayini.

³Ngenxa yephunga lamagcobo akho amnandi, ibizo lakho li nje ngamagcobo athululiweyo; ngakho-ke izintombi ziyakuthanda.

⁴Ngidonsa, sizagijima emva kwakho; inkosi ingingenise emakamelweni ayo; sizajabula sithokoze kuwe, sikhumbule uthando lwakho okwedlula iwayini; abaqondileyo bayakuthanda.

⁵Ngimnyama, kodwa ngimuhle, madodakazi eJerusalema, njengamathente eKedari, njengamakhetheni kaSolomoni.

⁶Lingangibukeli ngoba ngimnyama, ngoba ilanga lingitshisile. Abantwana bakamama bangizondela, bangenza umlindikazi wezivini; isivini sami esingesami kangisilindanga.

⁷Ngitshela, wena umphefumulo wami okuthandayo, ukuthi welusela ngaphi, uphumuza ngaphi umhlambi emini; ngoba kungani ngizakuba njengozulayo ngasemihlanjini yabangane bakho?

⁸Uba ungazi, wena omuhle kakhulu phakathi kwabesifazana, phuma wena ngezinyathelo zomhlambi, welusele amazinyane akho phansi kwamadumba abelusi.

⁹Ngikufananise lebhizakazi ezinqoleni zikaFaro, mngane wami.

¹⁰Izihlathi zakho zinhle phakathi kwemiceciso, intamo yakho ngezigqizo.

¹¹Sizakwenzela imiceciso yegolide lamaqhubu esiliva.

¹²Inkosi isesetafuleni layo ledili inadi* yami yakhupha iphunga layo.

¹³Isithandwa sami kimi siyisamba semure*; sizalala phakathi kwamabele ami ebusuku.

¹⁴Isithandwa sami kimi silihlukuzo lesihlahla sehena* ezivinini zeEngedi.

¹⁵Khangela, umuhle, mngane wami, khangela, umuhle, amehlo akho angawamajuba.

¹⁶Khangela, umuhle, sithandwa sami, isibili uyathokozisa. Lombheda wethu uluhlaza.

¹⁷Imijabo yezindlu zethu yimisedari, intungo zethu ngezefire*.