Read Ndebele-IBhayibhili Elingcwele 2006 Ingoma Yeengoma 2 Bible Online

Ingoma Yeengoma 2 - Ndebele-IBhayibhili Elingcwele 2006 bible

Ingoma Yeengoma 2

¹Ngilirozi leSharoni, umduze wezigodi.

²Njengomduze phakathi kwameva, unjalo umngane wami phakathi kwamadodakazi.

³Njengesihlahla sama-aphula phakathi kwezihlahla zeganga, sinjalo isithandwa sami phakathi kwamadodana. Ngahlala emthunzini waso ngathokoza kakhulu, lesithelo saso simnandi ekunambitheni kwami.

⁴Sangisa endlini yewayini, lesiboniso saso phezu kwami siluthando.

⁵Ngisekelani ngeziphiso zewayini, lingiqinise ngama-aphula, ngoba ngigul isw a lu thando.

⁶Isandla saso sokhohlo singaphansi kwekhanda lami, lesokunene saso siyangigona.

⁷Ngiyalifungisa, madodakazi eJerusalema, ngemiziki kumbe ngezimpala zeganga, ukuze lingaphazamisi lingavusi uthando luze luthande.

⁸Ilizwi lesithandwa sami! Khangela sona siyeza, siseqa phezu kwezintaba, siqolotsha phezu kwamaqaqa.

⁹Isithandwa sami sinjengomziki kumbe njengethole lendluzele. Khangela simi ngemva komduli wethu, silunguza emawindini, sizibonakalisa eminxibeni yewindi.

¹⁰Isithandwa sami saphendula sathi kimi: Vuka wena, mngane wami, omuhle wami, a si hambe wena.

¹¹Ngoba khangela, ubusika sebudlulile, izulu seliphelile, lihambile.

¹²Amaluba ayabonakala emhlabeni, isikhathi sokuhlabelela se sifikile, lelizwi lejuba liyezwakala elizweni lakithi.

¹³Isihlahla somkhiwa sivuthisa imikhiwa yaso eluhlaza, lamavini ale mpoko aletha iphunga elimnandi. Vuka wena, mngane wami, omuhle wami wena, si hambe.

¹⁴Juba lami, elis engoxweni yedwala, ekusithekeni kweliwa, ngitshengisa ubuso bakho, ngizwise ilizwi lakho, ngoba ilizwi lakho limnandi, lobuso bakho buyabukeka.

¹⁵Sibambeleni amakhanka, amakhanka amancinyane, ona izivini, ngoba izivini zethu zile zimpoko.

¹⁶Isithandwa sami ngesami, lami ngingowaso, eselusa phakathi kwemiduze.

¹⁷Kuze kube semadabukakusa, lamathunzi abaleke, phenduka, sithandwa sami, ube njengomziki kumbe njengethole lendluzele phezu kwezintaba zeBhetheri.