Read Ndebele-IBhayibhili Elingcwele 2006 Ingoma Yeengoma 7 Bible Online

Ingoma Yeengoma 7 - Ndebele-IBhayibhili Elingcwele 2006 bible

Ingoma Yeengoma 7

¹Zinhle kangakanani izinyawo zakho emanyathelweni, ndodakazi yenkosana! Amalunga amathangazi akho anjengemiceciso, umsebenzi wezandla zengcitshi.

²Inkaba yakho i njengo mganu oyingubhe ongasweli iwayini elixutshanisiweyo. Isisu sakho si njenge nqumbi yengqoloyi ezingelezelwe yimiduze.

³Amabele akho womabili anjengabantwana bomziki, abangamaphahla empala.

⁴Intamo yakho injengomphotshongo wempondo zendlovu. Amehlo akho ayiziziba zeHeshiboni ngasesangweni leBeti-Rabimi. Impumulo yakho injengomphotshongo weLebhanoni okhangelene leDamaseko.

⁵Ikhanda lakho phezu kwakho linjengeKharmeli, lenwele zekhanda lakho zinjengokuyibubende; inkosi ibotshwe emikhandlweni.

⁶Umuhle kangakanani, njalo uthandeka kangakanani, thando, ezinjabulweni.

⁷Lobu ubude bakho bunjengesihlahla selala, lamabele akho njengamaxha.

⁸Ngathi: Ngizakhwela esihlahleni selala ngibambe ingatsha zaso. Khathesi-ke amabele akho azakuba njengamahlukuzo evini, lephunga lamakhala akho linjengama-aphula,

⁹lolwanga lwakho lunjengewayini elihle eliya kusithandwa sami kakuhle, kusenza indebe zabaleleyo zikhulume.

¹⁰Ngingowesithandwa sami, lesifiso saso singakimi.

¹¹Woza, sithandwa sami, kasiphumele egangeni, silale ebusuku emizaneni;

¹²kasivuke ngovivi siye ezivinini, sibone ukuthi amavini asehluma, ekhupha impoko, lokuthi amapomegranati* akhahlele yini. Lapho ngizakunika uthando lwami.

¹³Amamandrake* akhupha iphunga elimnandi, langasemasangweni ethu kukhona zonke inhlobo zezithelo ezimnandi kakhulu, ezintsha lezindala, e ngizibekele wena, sithandwa sami.