Read Ndebele-IBhayibhili Elingcwele 2006 U-Isaya 16 Bible Online

U-Isaya 16 - Ndebele-IBhayibhili Elingcwele 2006 bible

U-Isaya 16

¹Thumelani iwundlu kumbusi welizwe lilisusa eSela lisiya enkangala, entabeni yendodakazi yeZiyoni.

²Ngoba kuzakuthi amadodakazi akoMowabi emazibukweni eArinoni abe njengenyoni ezulazulayo exotshwe e sidlek eni.

³Lethani iseluleko, lenze isinqumo; wenze isithunzi sakho sibe njengobusuku phakathi kwemini, ufihle abaxotshiweyo, ungavezi obalekayo;

⁴Abaxotshiweyo bami kabahlale njengabezizwe phakathi kwakho, Mowabi; ube yisiphephelo kibo ebusweni bomchithi; ngoba umcindezeli usekucineni, lokuchitheka sekunyamalele, lonyathezela phansi usephelile elizweni.

⁵Njalo kuzamiswa isihlalo sobukhosi ngomusa, njalo ahlale kiso ngobuqotho ethenteni likaDavida umahluleli odinga isahlulelo, lophangisisa ukulunga.

⁶Sizwile ngokuziphakamisa kukaMowabi, uyazigqaja kakhulu; ukuzikhukhumeza kwakhe, lokuziqhenya kwakhe, lolaka lwakhe, ukuwumana kwakhe kakunjalo.

⁷Ngakho uMowabi uzaqhinqela uMowabi isililo, bonke baqhinqe isililo; libubulele izinkwa zezithelo zevini zeKiri-Haresethi; isibili batshayiwe.

⁸Ngoba amasimu eHeshiboni ayabuna, ivini leSibima; amakhosi ezizwe atshayele phansi amahlukuzo evini awo; afinyelele eJazeri, azulazule e nkangala, ingatsha zawo zeluliwe, zachapha ulwandle.

⁹Ngenxa yalokho ngizakhala inyembezi ngokukhala kweJazeri ngevini leSibima; ngikuthambise ngezinyembezi zami, Heshiboni lawe Eleyale; ngoba ukujabulela izithelo zakho zehlobo lesivuno sakho sekuwile.

¹⁰Intokozo lenjabulo sekususiwe ensimini ethelayo, lezivinini kakuhlatshelwa ngoma; kakulakumemeza; kakulamnyatheli onyathela iwayini ezikhamelweni zewayini; ngimisile ukumemeza kwenjabulo.

¹¹Ngenxa yalokho imibilini yami iyakhala njengechacho ngoMowabi, lengaphakathi yami ngeKiri-Haresi.

¹²Kuzakuthi sekubonakele ukuthi uMowabi uzidinisile endaweni ephakemeyo, khona ezangena endlini yakhe engcwele ukukhuleka, kodwa kayikuphumelela.

¹³Leli yilizwi i Nkosi elikhulume ngoMowabi kusukela kulesosikhathi.

¹⁴Kodwa khathesi i Nkosi ikhuluma isithi: Phakathi kweminyaka emithathu, njengeminyaka yoqatshiweyo, udumo lukaMowabi luzadelelwa, elexuku elikhulu; lensali izakuba nlutshwana, incane, ingelamandla.