Read Ndebele-IBhayibhili Elingcwele 2006 U-Isaya 19 Bible Online

U-Isaya 19 - Ndebele-IBhayibhili Elingcwele 2006 bible

U-Isaya 19

¹Umthwalo weGibhithe. Khangela, i Nkosi igade eyezini elilejubane, izakuza eGibhithe; lezithombe zeGibhithe zizathuthumela phambi kwayo, lenhliziyo yamaGibhithe incibilike phakathi kwawo.

²Njalo ngizacija amaGibhithe amelane lamaGibhithe, ukuthi alwe, lowo lalowo emelene lomfowabo, lalowo lalowo emelene lomakhelwane wakhe, umuzi umelene lomuzi, umbuso umelene lombuso.

³Lomoya wamaGibhithe uzathululwa phakathi kwawo, njalo ngizaginya icebo lawo; babesebebuza izithombe zawo, labathakathi, labalamadlozi, labalumbayo.

⁴Sengizavalela amaGibhithe esandleni samakhosi alukhuni; lenkosi elolaka izabusa phezu kwawo, kutsho iNkosi uJehova wamabandla.

⁵Lamanzi elwandle azacitsha, lomfula wome utshe.

⁶Lemifula izanuka yetshe, lezifudlana zeGibhithe zizacitsha; imihlanga lebhuma kubune.

⁷Imihlanga ezifuleni, emilonyeni yezifula, lakho konke okuhlanyelweyo kwezifula kuzakoma, kuphetshethwe, kungabe kusaba khona.

⁸Njalo abagoli benhlanzi bazakhala balile, labo bonke abaphosa ingwegwe zokuthiya inhlanzi esifuleni; labendlala imbule ebusweni bamanzi bazaphela amandla.

⁹Labasebenzi ngefikalisi elicolekileyo labeluka okumhlophe bazakuba lenhloni.

¹⁰Njalo bazachithwa e zisekel weni zayo, labo bonke abasebenza ngokuqatshwa bazadana emphefumulweni.

¹¹Isibili, iziphathamandla zeZowani ziyizithutha, iseluleko sabeluleki abahlakaniphileyo bakaFaro siyibuthutha. Litsho njani kuFaro lithi: Ngiyindodana yabahlakaniphileyo, indodana yamakhosi endulo?

¹²Pho, bangaphi abahlakaniphileyo bakho? Yebo, ake bakutshele, kabakwazi lokho i Nkosi yamabandla ekucebileyo ngeGibhithe.

¹³Iziphathamandla zeZowani sezibe yizithutha, iziphathamandla zeNofi zikhohlisiwe; bazaduhisa iGibhithe abazinsika zezizwe zayo.

¹⁴I Nkosi ithulule umoya ophambeneyo phakathi kwayo; baduhise iGibhithe kukho konke ukwenza kwayo, njengodakiweyo ediyazela ekuhlanzeni kwakhe.

¹⁵Njalo kakuyikuba khona umsebenzi weGibhithe okungawenza inhloko kumbe umsila, ugatsha loba umhlanga.

¹⁶Ngalolosuku iGibhithe izakuba njengabesifazana; izathuthumela yesabe ngenxa yokuzunguza kwesandla se Nkosi yamabandla esizunguza phezu kwayo.

¹⁷Lelizwe lakoJuda lizakuba yisesabiso eGibhithe; wonke ozakhuluma ngalo uzakwethuka yena ngokwakhe ngenxa yecebo le Nkosi yamabandla elicebileyo imelene layo.

¹⁸Ngalolosuku kuzakuba lemizi emihlanu elizweni leGibhithe ekhuluma ulimi lweKhanani, lefungayo e Nkosi ni yamabandla. Omunye uzakuthiwa ngumuzi wokubhujiswa.

¹⁹Ngalolosuku i Nkosi izakuba lelathi phakathi kwelizwe leGibhithe, lensika ye Nkosi emngceleni wayo.

²⁰Njalo izakuba yisibonakaliso lobufakazi be Nkosi yamabandla elizweni leGibhithe, ngoba bazakhala e Nkosi ni ngenxa yabacindezeli, njalo izathuma kubo umsindisi lomkhulu ozabakhulula.

²¹Le Nkosi izakwaziwa kumaGibhithe; njalo amaGibhithe azayazi i Nkosi ngalolosuku, azakwenza umhlatshelo lomnikelo, afunge isifungo e Nkosi ni, a si khokhe.

²²Le Nkosi izatshaya iGibhithe, itshaye ibuye isilise; bazaphendukela e Nkosi ni, ezancengeka ngabo, ibasilise.

²³Ngalolosuku kuzakuba lomgwaqo omkhulu osuka eGibhithe usiya eAsiriya, ukuze amaAsiriya eze eGibhithe, lamaGibhithe eAsiriya; lamaGibhithe akhonze lamaAsiriya.

²⁴Ngalolosuku uIsrayeli uzakuba ngowesithathu leGibhithe leAsiriya, isibusiso phakathi komhlaba,

²⁵ezababusisa i Nkosi yamabandla isithi: Ibusisiwe iGibhithe abantu bami, leAsiriya umsebenzi wezandla zami, loIsrayeli ilifa lami.