Read Ndebele-IBhayibhili Elingcwele 2006 U-Isaya 27 Bible Online

U-Isaya 27 - Ndebele-IBhayibhili Elingcwele 2006 bible

U-Isaya 27

¹Ngalolosuku i Nkosi ngenkemba yayo elukhuni lenkulu lelamandla izajezisa uLeviyathani*, inyoka ebalekayo, ngitsho uLeviyathani inyoka egoqanayo, ibulale umgobho oselwandle.

²Ngalolosuku hlabelelani ngaso isivini sewayini elibomvu.

³Mina Nkosi, ngiyasilondoloza, ngiyasithelela isikhathi sonke; hlezi kube khona osonayo ngisilondoloze ebusuku lemini.

⁴Ukuthukuthela kakukho kimi. Ngubani ongabeka ukhula oluhlabayo lameva kumelane lami empini? Bengizamatsha ngidabule phakathi kwakho, ngikutshise kanyekanye.

⁵Kumbe kabambelele emandleni ami, enze ukuthula lami; uzakwenza ukuthula lami.

⁶Izakwenza abavela koJakobe bagxile, uIsrayeli uzahluma, akhahlele, agcwalise ubuso bomhlaba ngezithelo.

⁷Imtshayile yini njengokutshaya kwayo oyitshayayo? Ubulewe yini njengokubulawa kwababulewe nguye?

⁸Ngokulinganisa, ekukuxotsheni izaphikisana lakho; izakususa ngomoya wayo olukhuni ngosuku lomoya wempumalanga.

⁹Ngakho ngalokhu isiphambeko sikaJakobe sizahlawulelwa; lalokhu kuyisithelo sonke sokususa isono sakhe, lapho esenza ukuthi wonke amatshe elathi abe njengamatshe ekalaga avuthuziweyo, izixuku lezithombe kakuyikuma.

¹⁰Ngoba umuzi obiyelweyo uzakuba wodwa, indawo yokuhlala ixotshwe, itshiywe njengenkangala; lapho ithole lizakudla khona, lilale khona, liqede izingatsha zawo.

¹¹Lapho ingatsha zawo sezomile zizakwephulwa; abesifazana beze bazibase; ngoba bangabantu abangaqedisisiyo; ngakho-ke lowo owabenzayo kayikubahawukela, lowababumbayo kayikubatshengisa umusa.

¹²Kuzakuthi-ke ngalolosuku i Nkosi ibhule kusukela esifudlaneni somfula kuze kube semfuleni weGibhithe; lina lizabuthwa ngamunye ngamunye, bantwana bakoIsrayeli.

¹³Kuzakuthi-ke ngalolosuku kuvuthelwe uphondo olukhulu, lalabo ababebhubhe elizweni leAsiriya labaxotshelwe elizweni leGibhithe, bazabuya bayikhonze i Nkosi entabeni engcwele eJerusalema.