Read Ndebele-IBhayibhili Elingcwele 2006 U-Isaya 28 Bible Online

U-Isaya 28 - Ndebele-IBhayibhili Elingcwele 2006 bible

U-Isaya 28

¹Maye kumqhele wokuzigqaja wezidakwa zakoEfrayimi, obuhle benkazimulo yazo buliluba elibunayo, eliphezu kwekhanda lezihotsha ezivundileyo zalabo abatshaywe liwayini.

²Khangela, iNkosi ilaye olamandla loqinileyo, ozaphosela emhlabeni ngesandla, njengezulu lesiphepho elilesiqhotho, isiphepho esichithayo, njengempophoma yamanzi alamandla akhukhulayo.

³Umqhele wokuziqgaja wezidakwa zakoEfrayimi uzanyathelwa phansi ngezinyawo,

⁴lobuhle benkazimulo yakhe, obuphezu kwekhanda lesihotsha esivunde kakhulu, buzakuba liluba elibunayo, njengesithelo esivuthwe masinyane kungakafiki ihlobo; okuthi osibonileyo asibone, sisesesandleni sakhe asiginye.

⁵Ngalolosuku i Nkosi yamabandla izakuba ngumqhele wenkazimulo, lesidlodlo sobuhle kunsali yabantu bayo,

⁶lomoya wesahlulelo kulowo ohlalela isahlulelo, lamandla kulabo ababuyisela impi esangweni.

⁷Lalaba baduhile ngenxa yewayini, langenxa yokunathwayo okulamandla baphambukile; umpristi lomprofethi baduhile ngenxa yokunathwayo okulamandla, baginywe liwayini, baphambukile ngenxa yokunathwayo okulamandla; bayaduha emibonweni, bakhubeke kusahlulelo.

⁸Ngoba wonke amatafula agcwele amahlanzo lo kungcola, kakulandawo engangcolanga.

⁹Izafundisa bani ulwazi, njalo izakwenza bani aqedisise umbiko? Abalunyuliweyo echagweni, abakhunyuliweyo emabeleni.

¹⁰Ngoba umthetho phezu komthetho, umthetho phezu komthetho; umzila phezu komzila, umzila phezu komzila; lapha okuncinyane, laphayana okuncinyane.

¹¹Ngoba ngendebe eziklolodayo, langolunye ulimi izakhuluma kulababantu,

¹²ethi kubo: Lokhu yikuphumula, phumuzani abadiniweyo; lalokhu yikuvuselela; kodwa kabathandanga ukuzwa.

¹³Kodwa ilizwi le Nkosi lizakuba kibo umthetho phezu komthetho, umthetho phezu komthetho; umzila phezu komzila, umzila phezu komzila; lapha kancinyane, laphayana kancinyane; ukuze bahambe, bawe nyovane, bephuke, bathiywe, bathunjwe.

¹⁴Ngakho zwanini ilizwi le Nkosi, bantu abaklolodayo, elibusa lababantu abaseJerusalema.

¹⁵Ngoba lithe: Senze isivumelwano lokufa, njalo senze isivumelwano lesihogo; lapho isiswepu esiphuphumayo sisedlula, kakuyikufika kithi; ngoba senze amanga aba yisiphephelo sethu, sacatsha ngaphansi kwenkohliso.

¹⁶Ngakho itsho njalo iNkosi uJehova: Khangela, ngibeka eZiyoni ilitshe lesisekelo, ilitshe elihloliweyo, ilitshe lengonsi eliligugu, isisekelo esisekelweyo; okholwayo kayikuphangisa.

¹⁷Isahlulelo laso ngizasibeka entanjeni, lokulunga entanjeni yokuqondisa; lesiqhotho sizakhukhula isiphephelo samanga; lamanzi agabhele indawo yokucatsha.

¹⁸Lesivumelwano senu lokufa sizaphela, lesivumelwano senu lesihogo kasiyikuma; lapho isiswepu esikhukhulayo sisedlula, khona lizanyathelelwa phansi yikho.

¹⁹Kusukela esikhathini sokwedlula kwaso, sizalithatha; ngoba ukusa ngokusa sizakwedlula, emini lebusuku; njalo kuzakuba ngokwesabisayo kuphela ukuqedisisa umbiko.

²⁰Ngoba umbheda mfitshane kakhulu ukuthi umuntu azelule kuwo, lengubo yincinyane kakhulu ukuthi umuntu azigoqele ngayo.

²¹Ngoba i Nkosi izavuka njengentab eni yePerazimi, ithukuthele njengesigodi ni seGibeyoni, ukuze yenze umsebenzi wayo, umsebenzi wayo ongejwayelekanga, yenze isenzo sayo, isenzo sayo esingejwayelekanga.

²²Ngakho-ke lingahleki usulu, hlezi izibopho zenu ziqiniswe; ngoba ngizwile eNkosini uJehova wamabandla ngo kuqedwa okuqunywe phezu komhlaba wonke.

²³Bekani indlebe, lizwe ilizwi lami; lalelani lizwe inkulumo yami.

²⁴Umlimi ulimela ukuhlanyela lonke usuku yini? Uyavula abhuqe umhlabathi wakhe yini?

²⁵Lapho esewuhlelembile ubuso bawo, kaphosi yini amafitshizi*, ahlakaze ikumini*, afake emizileni ingqoloyi lebhali*, lespelite* endaweni ekhethelwe yona?

²⁶Ngoba uNkulunkulu wakhe uyamazisa ngendlela, amfundise.

²⁷Ngoba amafitshizi kawabhulwa ngobhulo, levili lenqola kaliphendulwa phezu kwekumini; kodwa amafitshizi atshaywa ngoswazi, lekumini ngentonga.

²⁸Amabele esinkwa ayachotshozwa; ngoba kayikuhlala ewabhula kokuphela, loba ewachoboza nge vili lenqola yakhe, njalo kawachobozi ngamabhiza akhe.

²⁹Lalokhu kuvela e Nkosi ni yamabandla; iyamangalisa ekwelulekeni, yinkulu ekusebenzeni.