Read Ndebele-IBhayibhili Elingcwele 2006 U-Isaya 29 Bible Online

U-Isaya 29 - Ndebele-IBhayibhili Elingcwele 2006 bible

U-Isaya 29

¹Maye kuAriyeli, iAriyeli umuzi uDavida amisa kuwo inkamba! Yengezelelani umnyaka emnyakeni; kayibhode imikhosi.

²Kanti ngizayicindezela iAriyeli, njalo kube khona ukulila losizi; kuzakuba njengeAriyeli kimi.

³Njalo ngizamisa inkamba inhlangothi zakho zonke, ngikuvimbezele ngedundulu, ngikumisele izinqaba ezimelene lawe.

⁴Njalo uzakwehliselwa phansi, ukhulume usemhlabathini, lenkulumo yakho izakuba phansi ethulini, lelizwi lakho lizakuba njengeloledlozi liphuma emhlabathini, lenkulumo yakho ibe ngumlozwi ophuma othulini.

⁵Njalo ixuku labezizwe bakho lizakuba njengothuli olucholekileyo, lexuku labalesihluku libe njengamakhoba adlulayo. Yebo, kuzahle kube masinyane.

⁶Uzakwethekelelwa yi Nkosi yamabandla ngokuduma, langokuzamazama komhlaba, lomsindo omkhulu, isivunguzane, lesiphepho, lelangabi lomlilo oqothulayo.

⁷Lexuku lezizwe zonke elilwa limelene leAriyeli, ngitsho zonke ezilwa zimelene layo lezinqaba zayo, leziyicindezelayo, zizakuba njengephupho, umbono webusuku.

⁸Kuzakuba lanjengolambileyo ephupha; khangela-ke, uyadla, kodwa aphaphame, lomphefumulo wakhe ungelalutho; loba njengowomileyo ephupha, khangela-ke, uyanatha, kodwa aphaphame, khangela-ke uphelelwa ngamandla, lomphefumulo wakhe uyalangatha; lizakuba njalo ixuku lazo zonke izizwe ezilwa zimelene lentaba iZiyoni.

⁹Manini, lithithibale; ziphumphuthekiseni liphumphutheke; badakiwe, kodwa hatshi ngewayini; bayadiyazela, kodwa hatshi ngenxa yokunathwayo okulamandla.

¹⁰Ngoba i Nkosi ithululele phezu kwenu umoya wobuthongo obunzima, yavala amehlo enu; abaprofethi lezinhloko zenu, ababoni, ibagubuzele.

¹¹Lawo wonke umbono usube kini njengamazwi ogwalo olunanyekiweyo okuthi balunika owazi umbhalo, besithi: Bala lokhu siyakuncenga; yena athi: Ngingeke, ngoba lunanyekiwe.

¹²Ugwalo beselunikwa ongazi umbhalo, besithi: Bala lokhu, siyakuncenga; yena athi: Kangiwazi umbhalo.

¹³INkosi yasisithi: Ngenxa yokuthi lababantu besondela ngomlomo wabo langezindebe zabo bengihlonipha, kodwa babeka inhliziyo zabo khatshana lami, lokungesaba kwabo kufundiswa ngumlayo wabantu;

¹⁴ngakho, khangela, ngizaqhubeka ukuphatha lababantu ngokumangalisayo, umsebenzi omangalisayo lesimanga; ngoba inhlakanipho yabahlakaniphileyo babo izaphela, lokuqedisisa kwabaqedisisayo babo kucatshe.

¹⁵Maye kulabo abajula besuka e Nkosi ni ukuze bafihle icebo labo, lemisebenzi yabo isemnyameni, bathi: Ngubani osibonayo? Njalo ngubani osaziyo?

¹⁶Ukugonqomisa kwenu kuthiwa kunjengebumba lombumbi! Ngoba umsebenzi uzakutsho yini ngaye owenzileyo ukuthi: Kangenzanga? Kumbe okubunjiweyo kungatsho yini ngombumbi wakho ukuthi: Kaqedisisi?

¹⁷Kakuseyi sikha tshana esifitshane yini, ukuthi iLebhanoni liphendulwe libe yinsimu ethelayo, lensimu ethelayo ithiwe injengehlathi?

¹⁸Njalo ngalolosuku izacuthe zizakuzwa amazwi ogwalo, lamehlo eziphofu abone ekufiphaleni lemnyameni.

¹⁹Abathobekileyo labo bazakwandisa intokozo e Nkosi ni, labangabayanga ebantwini bathokoze koNgcwele kaIsrayeli.

²⁰Ngoba olesihluku kayikuba khona, lodelelayo uqediwe, labo bonke abalindele okubi bazaqunywa;

²¹abenza umuntu one ngelizwi, bambekele umjibila okhuzayo esangweni, baphambule olungileyo ngento engelutho.

²²Ngakho itsho njalo i Nkosi eyahlenga uAbrahama, ngendlu kaJakobe: Khathesi uJakobe kayikuba lanhloni, lobuso bakhe khathesi kabuyikuhloba.

²³Ngoba lapho ebona abantwana bakhe, umsebenzi wezandla zami, phakathi kwakhe, bazangcwelisa ibizo lami; bangcwelise oNgcwele kaJakobe, besabe uNkulunkulu kaIsrayeli.

²⁴Lalabo abaduhayo emoyeni bazakwazi ukuqedisisa, labangungunayo bazafunda imfundiso.