Read Ndebele-IBhayibhili Elingcwele 2006 U-Isaya 31 Bible Online

U-Isaya 31 - Ndebele-IBhayibhili Elingcwele 2006 bible

U-Isaya 31

¹Maye kulabo abehlela usizo eGibhithe, abeyama emabhizeni, bethemba izinqola ngoba zizinengi, labagadi bamabhiza ngoba belamandla kakhulu, kodwa bengakhangeli koNgcwele kaIsrayeli, njalo bengadingi i Nkosi !

²Kanti layo ihlakaniphile, izaletha ububi, njalo kayiyikuwabuyisa amazwi ayo; kodwa izavukela indlu yabenzi bobubi, njalo imelene losizo lwabenzi beziphambeko.

³Ngoba amaGibhithe angabantu, kabasuNkulunkulu, lamabhiza awo ayinyama, kawasimoya. Lapho i Nkosi izakwelula isandla sayo, osizayo uzakhubeka losizwayo uzakuwa phansi, njalo baphele kanyekanye.

⁴Ngoba i Nkosi itsho njalo kimi: Njengesilwane lebhongo lesilwane kubhongela phezu kwempango yakho, lapho ixuku labelusi libizelwe ukumelana laso, kasiyikwesaba ilizwi labo, njalo kasiyikuzithoba ngenxa yomsindo wabo; ngokunjalo i Nkosi yamabandla izakwehla ukulwela intaba yeZiyoni loqaqa lwayo.

⁵Njengenyoni eziphaphayo, ngokunjalo i Nkosi yamabandla izavikela iJerusalema; ivikela, iza y ophula; isedlula, iyikhulule.

⁶Phendukelani ku yo abantwana bakoIsrayeli abahlubuke ngokujulileyo kuyo.

⁷Ngoba ngalolosuku bazalahla, wonke umuntu izithombe zakhe zesiliva lezithombe zakhe zegolide, ozandla zenu zilenzele zona ukuba yisono.

⁸ISiriya izakuwa-ke ngenkemba engeyisiyo yomuntu olamandla, lenkemba engeyisiyo yomuntukazana izayiqeda; kodwa izabalekela inkemba, kuthi amajaha ayo abe yizibhalwa.

⁹Izakwedlulela edwaleni layo ngokwesaba, leziphathamandla zayo zesabe uphawu, itsho i Nkosi, omlilo wayo useZiyoni, lesithando sayo siseJerusalema.