Read Ndebele-IBhayibhili Elingcwele 2006 U-Isaya 38 Bible Online

U-Isaya 38 - Ndebele-IBhayibhili Elingcwele 2006 bible

U-Isaya 38

¹Ngalezonsuku uHezekhiya wagula waphos’ukufa. UIsaya indodana kaAmozi umprofethi wasefika kuye, wathi kuye: Itsho njalo i Nkosi: Layezela indlu yakho, ngoba uzakufa, kawuyikuphila.

²UHezekhiya wasephendulela ubuso bakhe ngasemdulini, wakhuleka e Nkosi ni,

³wasesithi: Ngiyakuncenga, Nkosi, ake ukhumbule, ukuthi ngihambe phambi kwakho ngobuqotho langenhliziyo epheleleyo, ngenza okulungileyo emehlweni akho. UHezekhiya wasekhala inyembezi ngokukhala okukhulu.

⁴Kwasekufika ilizwi le Nkosi kuIsaya, lisithi:

⁵Hamba, uthi kuHezekhiya: Itsho njalo i Nkosi uNkulunkulu kaDavida uyihlo: Ngiwuzwile umkhuleko wakho, ngibonile inyembezi zakho; khangela, ngizakwengezelela iminyaka elitshumi lanhlanu ensukwini zakho,

⁶ngikukhulule wena lalumuzi esandleni senkosi yeAsiriya, ngiwuvikele lumuzi.

⁷Lalesi yisibonakaliso kuwe esivela e Nkosi ni, esokuthi i Nkosi izayenza le into eyikhulumileyo.

⁸Khangela, ngizabuyisela emuva isithunzi sezinyathelo esesehlile ezinyathelweni zikaAhazi zelanga, izinyathelo ezilitshumi emuva. Ilanga laselibuyela emuva izinyathelo ezilitshumi, ngezinyathelo elalehle ngazo.

⁹Umbhalo kaHezekhiya inkosi yakoJuda lapho egula, esesile emkhuhlaneni wakhe.

¹⁰Mina ngathi: Ekuqunyweni kwezinsuku zami ngizakuya emasangweni engcwaba; ngemukwe insali yeminyaka yami.

¹¹Ngathi: Kangiyikubona uJehova, uJehova elizweni labaphilayo; kangisayikubona muntu labahlali bomhlaba.

¹²Isizukulwana sami sesisukile, sasuswa kimi njengethente lomelusi; ngiqume impilo yami njengomeluki; uzangiquma njengomkhuhlane ocikizayo; kusukela emini kuze kube sebusuku uzangiqeda.

¹³Ngabalisa kwaze kwaba sekuseni; njengesilwane, ngokunjalo uzakwephula amathambo ami wonke; kusukela emini kuze kube sebusuku uzangiqeda.

¹⁴Njengenkonjane kumbe ihemu, ngokunjalo ngatshiyoza ngilila njengejuba, amehlo ami afiphala ngokukhangela phezulu. Nkosi, ngicindezelwe; woba yisibambiso sami.

¹⁵Ngingathini? Ikhulumile kimi, yona uqobo ikwenzile. Ngizahamba kabuthakathaka yonke iminyaka yami ekubabeni komphefumulo wami.

¹⁶Nkosi, ngalezizinto bayaphila, lakuzo zonke lezizinto kulempilo yomoya wami. Njalo uzangelapha, ungiphilise.

¹⁷Khangela, kulokuthula ngibe lokubaba okukhulu, kodwa wena uwuthandile umphefumulo wami wawukhulula egodini lencithakalo, ngoba uphosele ngemva komhlana wakho zonke izono zami.

¹⁸Ngoba ingcwaba lingekubonge, ukufa ku nge kudumise, labo abehlela emgodini bangethembele iqiniso lakho.

¹⁹Ophilayo, ophilayo, yena uzakudumisa, njengami lamuhla; uyise uzakwazisa abantwana iqiniso lakho.

²⁰I Nkosi yayilungele ukungisindisa, ngakho sizahlabelela ingoma zami ngamachacho insuku zonke zempilo yethu endlini ye Nkosi.

²¹Ngoba uIsaya wayethe: Kabathathe isigaqa somkhiwa, basifake njengomnameko phezu kwethumba, uzasila.

²²UHezekhiya laye wayethe: Siyini isibonakaliso sokuthi ngizakwenyukela endlini ye Nkosi?