Read Ndebele-IBhayibhili Elingcwele 2006 U-Isaya 39 Bible Online

U-Isaya 39 - Ndebele-IBhayibhili Elingcwele 2006 bible

U-Isaya 39

¹Ngalesosikhathi uMerodaki-Baladani, indodana kaBaladani inkosi yeBhabhiloni, wathumela izincwadi lesipho kuHezekhiya, ngoba wayezwile ukuthi ubekade egula, useqinile.

²UHezekhiya wasethokoza ngazo, wabatshengisa indlu yokuligugu kwakhe, isiliva, legolide, lamakha, lamafutha amahle, lendlu yonke yezikhali zakhe, lakho konke okwatholakala kokuligugu kwakhe; kakubanga lutho endlini yakhe lembusweni wakhe wonke uHezekhiya angabatshengisanga lona.

³Wasefika uIsaya umprofethi enkosini uHezekhiya, wathi kuyo: Atheni lamadoda? Futhi avele ngaphi esiza kuwe? UHezekhiya wasesithi: Avele elizweni elikhatshana esiza kimi, eBhabhiloni.

⁴Wasesithi: Aboneni endlini yakho? UHezekhiya wasesithi: Abone konke okusendlini yami; kakulalutho phakathi kokuligugu kwami engingawatshengisanga lona.

⁵UIsaya wasesithi kuHezekhiya: Zwana ilizwi le Nkosi yamabandla.

⁶Khangela, insuku ziyeza lapho konke okusendlini yakho, lalokho oyihlo abakubuthelelayo kuze kube lamuhla, kuzathwalelwa eBhabhiloni; kakuyikusala lutho, kutsho i Nkosi.

⁷Lemadodaneni akho azaphuma kuwe, ozawazala, bazathatha; njalo abe ngabathenwa esigodlweni senkosi yeBhabhiloni.

⁸UHezekhiya wasesithi kuIsaya: Ilizwi le Nkosi olikhulumileyo lilungile. Wathi futhi: Ngoba kuzakuba lokuthula leqiniso ensukwini zami.