Read Ndebele-IBhayibhili Elingcwele 2006 U-Isaya 41 Bible Online

U-Isaya 41 - Ndebele-IBhayibhili Elingcwele 2006 bible

U-Isaya 41

¹Thulani phambi kwami, zihlenge, kakuthi abantu bavuselele amandla; kabasondele; bakhulume-ke; kasisondele kanyekanye kusahlulelo.

²Ngubani owavusa olungileyo ngasempumalanga? Wambizela enyaweni lwakhe, wanikela izizwe phambi kwakhe, wa m enza wabusa phezu kwamakhosi, wawanikela enkembeni yakhe njengothuli, edandilini lakhe njengezibi eziqhutshelwayo.

³Waxotshana lawo, wedlula ephephile, ngendlela angayihambanga ngenyawo zakhe.

⁴Ngubani okusebenzileyo, wa kw enza, ebiza izizukulwana kwasekuqaleni? Mina i Nkosi ngingowokuqala, njalo ngilabokucina; nginguye.

⁵Izihlenge zakubona, zesaba; imikhawulo yomhlaba yathuthumela; yasondela, yafika.

⁶Basiza, ngulowo lalowo umakhelwane wakhe, wathi kumfowabo: Qina!

⁷Umbazi waseqinisa umkhandi wegolide, ololonga ngesando lowo otshaya isikhandelo, esithi: Se kulungele ukunuselwa; wakuqinisa ngezipikili ukuze kunganyikinyeki.

⁸Kodwa wena Israyeli, nceku yami, Jakobe engikukhethileyo, nzalo kaAbrahama isithandwa sami,

⁹wena engakubambayo kwasemikhawulweni yomhlaba, ngakubiza ezikhulwini zawo, ngathi kuwe: Uyinceku yami, ngikukhethile, kangikulahlanga;

¹⁰ungesabi, ngoba ngilawe, ungathalathalazi, ngoba mina nginguNkulunkulu wakho; ngizakuqinisa, yebo ngizakusiza, yebo ngizakusekela ngesandla sami sokunene sokulunga kwami.

¹¹Khangela bonke abakuthukuthelelayo bazayangeka badaniswe, bazakuba njengento engesilutho; lalabo abalwa lawe bazabhubha.

¹²Uzabadinga, ungabatholi; labo abaphikisana lawe bazakuba njengento engesilutho, lalabo abalwa lawe bazakuba njengeze.

¹³Ngoba mina Nkosi, uNkulunkulu wakho, ngibamba isandla sakho sokunene, ngisithi kuwe: Ungesabi, mina ngizakusiza.

¹⁴Ungesabi, mpethu Jakobe, bantu bakoIsrayeli; mina ngizakusiza, kutsho i Nkosi, lomhlengi wakho, oNgcwele kaIsrayeli.

¹⁵Khangela, ngizakwenza ube lubhulo olutsha olubukhali nhlangothi mbili; uzabhula izintaba uzichoboze, wenze amaqaqa abe njengamakhoba;

¹⁶uzawela, lomoya uzawasusa, lesivunguzane siwachithachithe; njalo wena uthokoze nge Nkosi, uzidumise ngoNgcwele kaIsrayeli.

¹⁷Abayanga labaswelayo badinga amanzi, kodwa engekho, ulimi lwabo lome ngokoma, mina Nkosi ngizabaphendula; mina Nkulunkulu kaIsrayeli kangiyikubadela.

¹⁸Ngizavula imifula emadundulwini, lemithombo phakathi kwezigodi; ngizakwenza inkangala ibe yisiziba samanzi, lomhlabathi owomileyo iziphethu zamanzi.

¹⁹Ngizamisa enkangala umsedari, isihlahla sesinga, lemiteli*, lesihlahla samafutha, ngibeke egwaduleni isihlahla sefiri, lomangwe, lomsayiphuresi* ndawonye;

²⁰ukuze babone, bazi, baqaphelise, baqedisise kanyekanye, ukuthi isandla se Nkosi sikwenzile lokhu, loNgcwele kaIsrayeli ukudalile.

²¹Sondezani indaba yenu, itsho i Nkosi, lilethe izizatho zenu eziqinileyo, itsho iNkosi kaJakobe.

²²Kabasondeze, basitshele okuzakwenzakala; kabakhulume izinto zamandulo, ukuthi ziyini, ukuze si zi beke enhliziyweni yethu, sazi isiphetho sazo; loba yenza sizwe izinto ezizayo.

²³Tshonini izinto ezizakuza emva kwalokhu, ukuze sazi ukuthi lingonkulunkulu; yebo, yenzani okuhle kumbe lenze okubi, ukuze simangale, sikhangele kanyekanye.

²⁴Khangelani, livela kokungekho, lomsebenzi wenu uvela emayeni; uyisinengiso olikhethayo.

²⁵Ngimvusile o vela enyakatho, njalo uzafika, evela lapho eliphuma khona ilanga uzabiza ibizo lami; njalo uzakwehlela phezu kweziphathamandla njengodaka, lanjengombumbi evoxa ibumba.

²⁶Ngubani owakubikayo kwasekuqaleni, ukuze sazi? langaphambili ukuze sitsho ukuthi: U lungile? Yebo, kakho obikayo, yebo, kakho ozwakalisayo, yebo, kakho owezwayo amazwi enu.

²⁷Owokuqala uzakuthi eZiyoni: Khangela, bakhangele; njalo ngizanika iJerusalema oletha izindaba ezinhle.

²⁸Ngoba ngakhangela, njalo kwakungelamuntu, laphakathi kwabo kungekho umeluleki, ukuthi, lapho ngibabuza, baphendule ilizwi.

²⁹Khangela, bonke bayize; imisebenzi yabo kayisilutho; izithombe zabo ezibunjiweyo zingumoya lokusanganiseka.