Read Ndebele-IBhayibhili Elingcwele 2006 U-Isaya 44 Bible Online

U-Isaya 44 - Ndebele-IBhayibhili Elingcwele 2006 bible

U-Isaya 44

¹Kodwa khathesi zwana, Jakobe nceku yami, lawe Israyeli engikukhethileyo.

²Itsho njalo I Nkosi eyakwenzayo, yakubumba kusukela esiswini, ezakusiza: Ungesabi, Jakobe, nceku yami, lawe Jeshuruni engikukhethileyo.

³Ngoba ngizathela amanzi phezu kwakhe owomileyo, lezikhukhula emhlabathini owomileyo; ngizathela uMoya wami phezu kwenzalo yakho, lesibusiso sami phezu kwabantwana bakho.

⁴Bazahluma phakathi kotshani, njengeminyezane ngasezifuleni zamanzi.

⁵Omunye uzakuthi: Mina ngingowe Nkosi; lomunye azibize ngebizo likaJakobe, lomunye abhale e sandl eni sakhe ukuthi: Nging owe Nkosi; a zi bonge ngebizo likaIsrayeli.

⁶Utsho njalo uJehova, inkosi yakoIsrayeli, loMhlengi wakhe, i Nkosi yamabandla: Ngingowokuqala njalo ngingowokucina; njalo ngaphandle kwami kakho uNkulunkulu.

⁷Njalo ngubani ongabiza njengami, akumemezele, angihlelele khona, kusukela ngimisa abantu bendulo? Lezinto ezizayo, lezizakuza, kabazimemezele kubo.

⁸Lingatshaywa luvalo, lingesabi; kangilitshelanga yini kusukela ngalesosikhathi, ngakumemezela? Njalo lina lingabafakazi bami. Kukhona yini uNkulunkulu ngaphandle kwami? Yebo, kalikho iDwala elinjengami, kangilazi.

⁹Bonke ababumbi bezithombe ezibaziweyo bayize, lezinto zabo ezithandekayo kazisizi lutho; labo bangabafakazi babo, kababoni, kabazi; ukuze bayangeke.

¹⁰Ngubani obumbe unkulunkulu, loba wabumba ngokuncibilikisa isithombe esibaziweyo esingasizi lutho?

¹¹Khangela, bonke abangane bakhe bazayangeka; lababazi bangababantu; kababuthane bonke, basukume, bazakwesaba, bayangeke kanyekanye.

¹²Umkhandi wensimbi ukhanda ihloka, asebenze emalahleni, alibumbe ngezando, alisebenze ngamandla engalo yakhe; yebo, alambe, aze aphele amandla; kanathi manzi, aze adinwe.

¹³Umbazi welula intambo yokulinganisa, adwebe ngosungulo, asenze ngezancele, asidwebe ngensimbi ecijileyo, asenze ngomfanekiso womuntu, ngokobuhle bomuntu, ukuze sihlale endlini.

¹⁴Uzigamulela imisedari, athathe umsayiphuresi* lesihlahla se-okhi*, aziqinisela sona phakathi kwezihlahla zegusu, ahlanyele umfire*, lezulu li wu khulise.

¹⁵Kuzakuba-ke ngokomuntu ukuthi akubase, njalo uzathatha kukho, othe, yebo akubase, abhake isinkwa; yebo enze unkulunkulu, amkhonze, enze isithombe esibaziweyo, akhothame kuso.

¹⁶Atshise ingxenye eyodwa kwezimbili yakho emlilweni; ngengxenye eyodwa kwezimbili yakho adle inyama, ose amawoso asuthe; yebo, uyotha athi: Alala! ngiyakhudumala, ngiwubonile umlilo.

¹⁷Njalo insali yakho ayenze unkulunkulu, isithombe sakhe esibaziweyo; akhothame kuso, asikhonze, akhuleke kuso athi: Ngophula, ngoba ungunkulunkulu wami.

¹⁸Kabazanga, kabaqedisisanga; ngoba ebhade amehlo abo ukuze bangaboni; inhliziyo zabo ukuze bangaqedisisi.

¹⁹Kakho obuyela enhliziyweni yakhe, njalo kakulalwazi njalo kakulakuqedisisa kokuthi: Ngibasile ingxenye eyodwa kwezimbili yakho emlilweni, yebo ngibhake isinkwa phezu kwamalahle akho, ngosa inyama, ngayidla; kambe ngizakwenza insali yakho isinengiso yini? Ngizakhothamela kokuvela esihlahleni yini?

²⁰Udla umlotha; inhliziyo ekhohlisiweyo imphambule, okokuthi angekhulule umphefumulo wakhe njalo kathi: Kakulamanga yini esandleni sami sokunene?

²¹Khumbula lezizinto, Jakobe, lawe Israyeli, ngoba uyinceku yami; ngikubumbile, uyinceku yami. Wena Israyeli, kawuyikukhohlakala yimi.

²²Ngesule iziphambeko zakho njengeyezi elinzima, lanjengeyezi izono zakho; buyela kimi, ngoba ngikuhlengile.

²³Hlabelelani, mazulu, ngoba i Nkosi ikwenzile; memezani, zindawo eziphansi zomhlaba; qhamukani lihlabele, zintaba, gusu, laso sonke isihlahla esiphakathi kwakho; ngoba i Nkosi imhlengile uJakobe, yazidumisa koIsrayeli.

²⁴Itsho njalo i Nkosi, uMhlengi wakho, leyakubumba kwasesiswini: Ngiyi Nkosi eyenza zonke izinto; eyendlala amazulu iyodwa; eyeneka umhlaba iyodwa;

²⁵efubisa izibonakaliso zabaqambimanga; enze izanuse zihlanye; ebuyisela emuva abahlakaniphileyo; enze ulwazi lwabo lube yibuthutha;

²⁶eqinisa ilizwi lenceku yayo; ifeze amacebo ezithunywa zayo; ethi kuyo iJerusalema: Uzahlalwa; lemizini yakoJuda: Lizakwakhiwa; futhi ngizavusa amanxiwa ayo;

²⁷etshoyo enzikini: Tshana; njalo ngizakomisa imifula yakho;

²⁸etshoyo ngoKurosi: Ungumelusi wami, uzaphelelisa intokozo yami yonke; ithi lakuJerusalema: Kayakhiwe; l e thempeli ni: Isisekelo sakho kasibekwe.