Read Ndebele-IBhayibhili Elingcwele 2006 U-Isaya 48 Bible Online

U-Isaya 48 - Ndebele-IBhayibhili Elingcwele 2006 bible

U-Isaya 48

¹Zwanini lokhu, lina ndlu kaJakobe, elabizwa ngebizo likaIsrayeli, elaphuma emanzini akoJuda, elifunga ngebizo le Nkosi, elikhuluma ngoNkulunkulu kaIsrayeli, kungeyisikho ngeqiniso, njalo kungeyisikho ngokulunga.

²Ngoba bazibiza ngokuthi ba ngabomuzi oyingcwele, beseyama kuNkulunkulu kaIsrayeli; i Nkosi yamabandla libizo lakhe.

³Ngamemezela izinto zamandulo kwasekuqaleni, zaphuma emlonyeni wami, ngazizwakalisa, ngenza masinyane, zafika.

⁴Ngoba ngangisazi ukuthi ulukhuni, lentamo yakho ngumsipha wensimbi, lebunzi lakho lithusi,

⁵Ngitsho kwasekuqaleni ngamemezela kuwe, kungakenzakali ngakwenza wa ku zwa, hlezi uthi: Isithombe sami sizenzile, lesithombe sami esibaziweyo, lesithombe sami esibunjwe ngokuncibilikisa sikulayile.

⁶Usuzwile, khangela konke lokhu; njalo kaliyikukumemezela yini? Ngikwenze uzwe izinto ezintsha kusukela khathesi, lezinto ezifihlakeleyo obungazazi.

⁷Zidalwe khathesi, kungeyisikho ekuqaleni; ngitsho lungakafiki lolusuku ungakezwa langazo, hlezi uthi: Khangela, bengizazi.

⁸Yebo, kawuzwanga; yebo, kawazanga; yebo, kusukela ngalesosikhathi indlebe yakho yayingavulekanga; ngoba bengisazi ukuthi uzakwenza lokwenza ngenkohliso, wabizwa ngokuthi uyisiphambuki kusukela esizalweni.

⁹Ngenxa yebizo lami ngizaphuzisa ulaka lwami, la ngenxa yodumo lwami ngizibambe ngawe, ukuze ngingakuqumi.

¹⁰Khangela, ngikuhlolile, kodwa hatshi ngesiliva, ngikukhethile esithandweni somlilo senhlupheko.

¹¹Ngenxa yami, ngenxa yami ngiyakwenza; ngoba ibizo lami lingangcoliswa njani? Njalo kangiyikunika udumo lwami komunye.

¹²Ngilalela, Jakobe, lawe Israyeli obiziweyo wami: Nginguye, ngingowokuqala, njalo ngingowokucina.

¹³Isandla sami laso sabeka isisekelo somhlaba, lesandla sami sokunene sendlale amazulu; lapho ngikubiza, kuyasukuma kanyekanye.

¹⁴Buthanani lina lonke, lizwe; ngubani phakathi kwabo omemezele lezizinto? I Nkosi imthandile, izakwenza intando yayo eBhabhiloni, lengalo yayo izakuba phezu kw amaKhaladiya.

¹⁵Mina uqobo ngikhulumile; yebo ngambiza, ngimlethile, njalo uzaphumelelisa indlela yakhe.

¹⁶Sondelani kimi, lizwe lokhu; kangikhulumanga ensitha kusukela ekuqaleni; kusukela kulesosikhathi kusenzeka, ngikhona. Khathesi-ke iNkosi uJehova kanye loMoya wayo ingithumile.

¹⁷Itsho njalo i Nkosi, uMhlengi wakho, oNgcwele kaIsrayeli: Ngiyi Nkosi, uNkulunkulu wakho, ekufundisa okukusizayo, ekukhokhela ngendlela ofanele ukuthi uhambe ngayo.

¹⁸Kungathi ngabe walalela imilayo yami! Khona ukuthula kwakho kwakuzakuba njengomfula, lokulunga kwakho njengamagagasi olwandle.

¹⁹Inzalo yakho layo yayizakuba njengetshebetshebe, lomdeni wemibilini yakho njengokhethe lwalo; ibizo lwawo belingayikuqunywa kumbe lichithwe lisuke phambi kwami.

²⁰Phumani eBhabhiloni, libalekele amaKhaladiya, limemeze ngelizwi lokuhlabelela, likuzwakalise, likuphumisele kuze kube semkhawulweni womhlaba, lithi: I Nkosi ihlengile inceku yayo uJakobe.

²¹Njalo kabomanga ibakhokhela bedabula izinkangala; yenza amanzi abagelezela evela edwaleni, futhi yaqhekeza idwala, lamanzi ampompoza.

²²Kakulakuthula, itsho I Nkosi, kwabakhohlakeleyo.