Read Ndebele-IBhayibhili Elingcwele 2006 U-Isaya 53 Bible Online

U-Isaya 53 - Ndebele-IBhayibhili Elingcwele 2006 bible

U-Isaya 53

¹Ngubani owayengakholwa esikuzwileyo? Amandla e Nkosi embulelwa bani?

²Ngoba inceku yakhula njengehlumela phambi kwayo, lanjengempande emhlabathini owomileyo; yayingelasithunzi lobuhle ukuthi siyibuke, yayingabukeki ukuthi siyifune.

³Yadelelwa, yaliwa ngabantu, yaba ngumuntu wezinhlupheko, ijwayele umkhuhlane; yaba njengomuntu owenza abantu ukuthi bangamkhangeli, yeyiswa, kasiyinanzanga.

⁴Isibili yathwala eyethu imikhuhlane, yathwala insizi zethu. Kanti thina sathi itshayiwe, itshayiwe nguNkulunkulu, njalo ihlutshiwe.

⁵Kodwa yalinyazwa ngenxa yeziphambeko zethu, yachotshozwa ngenxa yobubi bethu, ukujeziswa kokuthula kwethu kwakuphezu kwayo, langemivimvinya yayo siyasiliswa thina.

⁶Thina sonke njengezimvu siduhile; saphenduka lowo lalowo ngendlela yakhe; njalo i Nkosi yehlisele phezu kwayo ububi bethu sonke.

⁷Yacindezelwa, yahlutshwa, kanti kayivulanga umlomo wayo yalethwa ekuhlatshweni njengewundlu, lanjengemvu ethuleyo phambi kwabagundi bayo kayivulanga umlomo wayo.

⁸Yabotshwa yagwetshwa, yasiwa ekufeni; ngubani owananza isiphetho sayo? Ngoba yaqunywa yasuka elizweni labaphilayo, itshaywa ngenxa yeziphambeko zabantu bami.

⁹Bayingcwabela phakathi kwababi, ekufeni kwayo yayilomuntu onothileyo, ngoba yona ingenzanga okubi, kungekho inkohliso emlonyeni wayo.

¹⁰Kanti i Nkosi yathanda ukuyichoboza, ya yi hlupha. Uba umphefumulo wayo usenza umnikelo wecala, izabona inzalo yayo, yelule izinsuku, lentando ye Nkosi izaphumelela esandleni sayo.

¹¹Izabona okuvela ekuhluphekeni komphefumulo wayo, yeneliswe; ngolwazi lwayo inceku yami elungileyo izalungisisa abanengi, ngoba izono zabo yona izazithwala.

¹²Ngakho ngizayabela kanye labakhulu, yehlukaniselane impango labalamandla; ngoba yathululela umphefumulo wayo ekufeni, yabalwa kanye lezoni; njalo yona yathwala izono zabanengi, yalabhelela izoni.