Read Ndebele-IBhayibhili Elingcwele 2006 U-Isaya 55 Bible Online

U-Isaya 55 - Ndebele-IBhayibhili Elingcwele 2006 bible

U-Isaya 55

¹We lina lonke elomileyo, wozani kukha amanzi, laye ongelamali keze, athenge ukudla, adle. Wozani lithenge iwayini lochago okungabizi mali.

²Lichithelani imali yenu kulokho okungeyisikho ukudla, lamaholo enu kulokho okungenelisiyo? Ngizwisisani, lidle okuhle, lizithokozise ngezibondlo.

³Lalelani, lize kimi, lizwe ukuze liphile; ngizakwenza lani isivumelwano esilaphakade, ngothando olwathenjiswa kuDavida.

⁴Khangela, ngimnikile abe ngumfakazi ebantwini, umkhokheli lomlawuli ebantwini.

⁵Khangela, uzabiza isizwe ongasaziyo, lesizwe esingakwazi sizagijimela kuwe, ngenxa ye Nkosi, uNkulunkulu wakho, langoNgcwele kaIsrayeli, ngoba ikudumisile.

⁶Dingani i Nkosi iselokutholwa, likhuleke kuyo iseseduze;

⁷omubi katshiye indlela yakhe, lomuntu ongalunganga imicabango yakhe; kabuyele e Nkosi ni, njalo izakuba lomusa kuye, lakuNkulunkulu wethu, ngoba uyathethelela ngokukhulu.

⁸Ngoba imicabango yami kayifanani leyenu, lendlela zami kazifanani lezenu, kutsho i Nkosi.

⁹Ngoba njengamazulu ephakeme kulomhlaba, ngokunjalo indlela zami ziphakeme kulezenu, lemicabango yami kulemicabango yenu.

¹⁰Ngoba njengalokhu izulu lisehla leliqhwa elikhithikayo livela emazulwini, kungabuyeli khona kodwa kuthambisa umhlaba, kuwenze ukuthi uthele uhlume, unike inhlanyelo kumhlanyeli, lokudla kodlayo,

¹¹lizakuba njalo ilizwi lami eliphuma emlonyeni wami; kaliyikubuyela kimi lize, kodwa lizafeza lokho engikufisayo, liphumelelise lokho engilithumele khona.

¹²Lizaphuma lina ngentokozo, liholwe ngokuthula; izintaba lamaqaqa kuzahlokoma ngokuhlabela phambi kwenu, lezihlahla zonke zeganga ziqakeze izandla zazo.

¹³Endaweni yameva kuzamila ifiri*, lendaweni yokhula kumile umtshekisane; lokhu kuzayenzela i Nkosi udumo, kube yisikhumbuzo esilaphakade esingayikususwa.