Read Ndebele-IBhayibhili Elingcwele 2006 U-Isaya 56 Bible Online

U-Isaya 56 - Ndebele-IBhayibhili Elingcwele 2006 bible

U-Isaya 56

¹I Nkosi ithi: Nanzelela okufaneleyo, wenze ukulunga, ngoba usindiso lwami luseduze ukufika, lokukhulula kwami kuzabonakaliswa.

²Ubusisiwe umuntu owenza lokhu, lendodana yomuntu ebambelela kukho, ogcina isabatha angalingcolisi, logcina isandla sakhe ukuthi singenzi loba yikuphi okubi.

³Owezizweni ozihlanganise le Nkosi kangatsho ukuthi: Isibili i Nkosi izangehlukanisa labantu bayo; lomthenwa ungatsho ukuthi: Mina ngiyisihlahla esomileyo.

⁴Ngoba itsho njalo i Nkosi kubathenwa abagcina amasabatha ami, abakhetha engikuthandayo, ababambelela esivumelwaneni sami.

⁵Ngizabanika endlini yami langaphakathi kwemiduli yami isikhumbuzo lebizo elilaphakade elingayikukhohlakala.

⁶Labantwana bowemzini abazihlanganisa le Nkosi ukuyikhonza lokuthanda ibizo le Nkosi, ukuba zinceku zayo, wonke ogcina isabatha engalingcolisi, bebambelela esivumelwaneni sami.

⁷Labo ngizabaletha entabeni yami engcwele, ngibathokozise endlini yami yomkhuleko; iminikelo yabo yokutshiswa lemihlatshelo yabo izakwemukeleka elathini lami, ngoba indlu yami izabizwa ngokuthi yindlu yomkhuleko yezizwe zonke.

⁸INkosi uJehova obuyisa abathunjiweyo bakoIsrayeli ithi: Ngisezabuyisa abanye futhi ngaphandle kwalabo asebebuyisiwe.

⁹Lina lonke zilo zeganga, lani lonke zilo zehlathi, wozani lidle.

¹⁰Abalindi babo bonke bayiziphofu, kabalakwazi; bonke banjengezinja eziyizimungulu ezingakwaziyo ukukhonkotha; balala nje baphuphe, bathanda ubuthongo.

¹¹Banjengezinja eziyizihwaba, ezingasuthiyo; yebo, bangabelusi abangaziyo; bonke bazenzela abakuthandayo, kube ngulowo lalowo enanzelela eyakhe inzuzo.

¹²Bathi: Wozani, ngizaletha iwayini, sizazigcwalisa okunathwayo okulamandla; lakusasa kuzakuba njalo, kube lenjabulo enkulu.