Read Ndebele-IBhayibhili Elingcwele 2006 Ulevitikusi 19 Bible Online

Ulevitikusi 19 - Ndebele-IBhayibhili Elingcwele 2006 bible

Ulevitikusi 19

¹I Nkosi yasikhuluma kuMozisi isithi:

²Tshono kunhlangano yonke yabantwana bakoIsrayeli uthi kubo: Banini ngcwele, ngoba mina i Nkosi uNkulunkulu wenu ngingcwele.

³Yesabani, ngulowo lalowo, unina loyise. Gcinani-ke amasabatha ami. Ngiyi Nkosi uNkulunkulu wenu.

⁴Lingaphendukeli ezithombeni, lingazenzeli onkulunkulu ababunjwe ngokuncibilikisa. Ngiyi Nkosi uNkulunkulu wenu.

⁵Njalo nxa linikela umhlatshelo weminikelo yokuthula e Nkosi ni, liwunikele ngokuthanda kwenu.

⁶Uzadliwa ngosuku lokunikela kwenu langakusasa; kodwa okuseleyo ngosuku lwesithathu kuzatshiswa ngomlilo.

⁷Uba kudliwa lokudliwa ngosuku lwesithathu, kuzakuba yisinengiso; kakuyikwemukeleka.

⁸Ngakho okudlayo uzathwala ububi bakhe, ngoba ungcolise okungcwele kwe Nkosi; lalowomphefumulo uzaqunywa usuke ebantwini bawo.

⁹Lalapho livuna isivuno selizwe lakini, ungavuni ngokupheleleyo umngcele wensimu yakho; futhi ungabuthi okuseleyo kwesivuno sakho.

¹⁰Ungakhothozi isivini sakho; futhi ungabuthi okuwileyo kwesivini sakho; uzakutshiyela abayanga labemzini. Ngiyi Nkosi uNkulunkulu wenu.

¹¹Lingebi, lingaphathi ngenkohliso, omunye lomakhelwane wakhe.

¹²Lingafungi ngamanga ngebizo lami, uze ungcolise ibizo likaNkulunkulu wakho. Ngiyi Nkosi.

¹³Ungacindezeli umakhelwane wakho, unga m phangi. Iholo loqatshiweyo lingahlali kuwe ubusuku kuze kube sekuseni.

¹⁴Ungaqalekisi isacuthe, ungafaki isikhubekiso phambi kwesiphofu, kodwa wesabe uNkulunkulu wakho. Ngiyi Nkosi.

¹⁵Ungenzi ukungalungi ekwahluleleni; ungemukeli ubuso bomyanga, ungahloniphi ubuso bomkhulu, yahlulela umakhelwane wakho ngokulunga.

¹⁶Ungahambahambi njeng omnyundi phakathi kwabantu bakini; ungamelani legazi lomakhelwane wakho. Ngiyi Nkosi.

¹⁷Ungazondi umfowenu enhliziyweni yakho; umkhuze lokumkhuza umakhelwane wakho, ungathwali isono ngenxa yakhe.

¹⁸Ungaphindiseli, ungabi lasikhwili labantwana babantu bakini; kodwa thanda umakhelwane wakho njengalokhu uzi thanda wena. Ngiyi Nkosi.

¹⁹Gcinani izimiso zami. Ungavumeli izifuyo zakho zikhwelwe yimihlobo emibili. Ungahlanyeli insimu yakho ngenhlobo ezimbili. Lesigqoko esemihlobo emibili exubeneyo singezi phezu kwakho.

²⁰Lendoda, nxa ilala lomfazi, eyisigqilikazi esikhombileyo, esingahlengwanga lokuhlengwa, kumbe singanikwanga inkululeko, kuzakuba lesijeziso. Kabayikubulawa, ngoba sasingakhululwanga.

²¹Njalo izaletha umnikelo wayo wecala e Nkosi ni, emnyango wethente lenhlangano, inqama ibe ngumnikelo wecala.

²²Njalo umpristi uzayenzela inhlawulo yokuthula ngenqama yomnikelo wecala phambi kwe Nkosi ngesono sayo esonileyo, izathethelelwa-ke esonweni sayo esonileyo.

²³Lalapho selifikile elizweni, lihlanyele zonke izihlahla zokudla, lizathatha ijwabu lazo, eliy isithelo sazo, njengesingasokwanga; iminyaka emithathu sizakuba singasokwanga kini, singadliwa.

²⁴Kodwa ngomnyaka wesine sonke isithelo sazo sizakuba ngcwele, sibe yindumiso e Nkosi ni.

²⁵Langomnyaka wesihlanu lingadla isithelo sazo, ukuze zilengezelelele isivuno sazo. Ngiyi Nkosi uNkulunkulu wenu.

²⁶Lingadli lutho olulegazi. Lingenzi imilingo, lingachasisi ngemibono.

²⁷Lingageli amagumbi ekhanda lenu, ungoni amagumbi endevu zakho.

²⁸Lingazicabi enyameni yenu ngenxa yofileyo, lingafaki phezu kwenu uphawu lokuzisika. Ngiyi Nkosi.

²⁹Ungangcolisi indodakazi yakho ngokuyenza ibe liwule, hlezi ilizwe liphinge, lelizwe ligcwale inkohlakalo.

³⁰Gcinani amasabatha ami, lihloniphe indlu yami engcwele. Ngiyi Nkosi.

³¹Lingaphendukeli kulabo abalamadlozi lakwabalumbayo; lingabadingi ukuze lingcoliswe yibo. Ngiyi Nkosi uNkulunkulu wenu.

³²Sukumela impunga, uhloniphe ubuso bomdala, wesabe uNkulunkulu wakho. Ngiyi Nkosi.

³³Futhi nxa owezizweni ehlala njengowezizwe lawe elizweni lakini, lingamcindezeli.

³⁴Owezizweni ohlala njengowezizwe lani uzakuba kini njengozalwa elizweni phakathi kwenu, umthande njengalokhu uzi thanda wena; ngoba lalingabezizweni elizweni leGibhithe. Ngiyi Nkosi uNkulunkulu wenu.

³⁵Lingenzi ukungalungi ekwahluleleni, ebudeni, esisindweni, lesilinganisweni.

³⁶Banini lezikali zokulinganisa ezilungileyo, izilinganiso ezilungileyo, i-efa* elilungileyo, lehini* elilungileyo. Ngiyi Nkosi uNkulunkulu wenu owalikhupha elizweni leGibhithe.

³⁷Ngakho gcinani zonke izimiso zami lezehlulelo zami zonke, lizenze. Ngiyi Nkosi.