Read Ndebele-IBhayibhili Elingcwele 2006 Ulevitikusi 22 Bible Online

Ulevitikusi 22 - Ndebele-IBhayibhili Elingcwele 2006 bible

Ulevitikusi 22

¹I Nkosi yasikhuluma kuMozisi isithi:

²Tshono kuAroni lakumadodana akhe ukuthi bazehlukanise lezinto ezingcwele zabantwana bakoIsrayeli abangingcwelisela zona, ukuze bangangcolisi ibizo lami elingcwele; ngiyi Nkosi.

³Tshono kibo uthi: Loba nguwuphi umuntu ezizukulwaneni zenu owenzalo yenu yonke osondela ezintweni ezingcwele, abantwana bakoIsrayeli abazingcwelisela i Nkosi, nxa ukungcola kwakhe kuphezu kwakhe, lowomuntu uzaqunywa asuke phambi kwami. Ngiyi Nkosi.

⁴Ngulowo lalowo owenzalo kaAroni, ongumlephero, loba olokugobhoza, kangadli ezintweni ezingcwele aze ahlambuluke. Lothinta lakuphi okungcoliswe yisidumbu, kumbe indoda okuphuma kuyo ubudoda bokuhlangana,

⁵kumbe loba ngubani othinta loba yiyiphi into ehuquzelayo, angcoliswa yiyo, kumbe umuntu angcoliswa nguye, ngakho konke ukungcola kwakhe,

⁶umuntu othinta lokhu uzakuba ngongcolileyo kuze kuhlwe, angadli okwezinto ezingcwele ngaphandle kokuthi ageze umzimba wakhe ngamanzi.

⁷Nxa selitshonile ilanga uzahlambuluka; lemva kwalokho angadla okwezinto ezingcwele, ngoba kuyikudla kwakhe.

⁸Ingcuba lokudatshuliweyo kangakudli ukuzingcolisa ngakho. Ngiyi Nkosi.

⁹Ngakho bazagcina umlayo wami, ukuze bangathwali isono ngawo, bafele kuso, sebewungcolisile. Ngiyi Nkosi ebangcwelisayo.

¹⁰Njalo kakho owemzini ozakudla into engcwele. Ohlala lompristi loyisisebenzi esiqatshiweyo kangadli into engcwele.

¹¹Kodwa uba umpristi ethenga umuntu eyintengo yemali yakhe, yena angadla okwayo, lozelwe emzini wakhe, bona bangadla okokudla kwakhe.

¹²Lendodakazi yompristi, uba isiba ngeyendoda yemzini, yona kayingadli okomnikelo wezinto ezingcwele.

¹³Kodwa indodakazi yompristi, nxa ingumfelokazi loba ingelahliweyo ingelanzalo, isibuyele emzini kayise njengebutsheni bayo, izakudla okokudla kukayise; kanti kakho owemzini ongadla kukho.

¹⁴Njalo nxa umuntu esidla into engcwele ngokungazi, uzakwengezelela kuyo ingxenye yesihlanu yayo, anike umpristi into engcwele.

¹⁵Njalo kabayikungcolisa izinto ezingcwele zabantwana bakoIsrayeli abaziphakamisela i Nkosi,

¹⁶babenze bathwale ububi becala, lapho besidla izinto zabo ezingcwele; ngoba ngiyi Nkosi ebangcwelisayo.

¹⁷I Nkosi yasikhuluma kuMozisi isithi:

¹⁸Tshono kuAroni, lakumadodana akhe, lakubo bonke abantwana bakoIsrayeli, uthi kubo: Ngulowo lalowo owendlu kaIsrayeli, lowabezizweni koIsrayeli, ozanikela umnikelo wakhe ngezithembiso zabo zonke, langokweminikelo yabo yonke yesihle, abazayinikela e Nkosi ni kube ngumnikelo wokutshiswa,

¹⁹ngenhliziyo yenu enhle, iduna elingelasici, elezinkomo, elezimvu, loba elembuzi.

²⁰Linganikeli loba ngakuphi okulesici kukho, ngoba kakuyikwemukeleka kini.

²¹Umuntu, nxa enikela-ke umhlatshelo weminikelo yokuthula e Nkosi ni wesithembiso esikhethekileyo loba womnikelo wesihle, enkomeni loba ezimvini, kumele uphelele ukuze wemukeleke, kungabi lasici kuwo.

²²Eziyiziphofu, kumbe ezephukileyo, kumbe eziyizilima, kumbe ezilensumpa, kumbe eziloqweqwe, kumbe ezilamathumba, linganikeli lezi e Nkosi ni, futhi linganikeli kulezi umnikelo owenziwe ngomlilo e Nkosi ni phezu kwelathi.

²³Kodwa inkunzi loba imvu elesitho eselulekileyo kumbe esidundubeleyo lingayinikela ibe ngumnikelo wesihle; kodwa kayiyikwemukeleka ukuba ngeyesithembiso.

²⁴Njalo linganikeli e Nkosi ni okuhluzukileyo kumbe okugxotshiweyo loba okudatshuliweyo loba okuqunyiweyo; lingakwenzi elizweni lakini.

²⁵Ngokuvela esandleni sowemzini linganikeli isinkwa sikaNkulunkulu wenu okuvela kuzo zonke lezi; ngoba ukonakala kwazo kukuzo, isici sikuzo, kaziyikwemukeleka kini.

²⁶I Nkosi yasikhuluma kuMozisi isithi:

²⁷Nxa kuzalwa inkunzi loba imvu loba imbuzi, izakuba ngaphansi kukanina insuku eziyisikhombisa. Njalo kusukela kusuku lwesificaminwembili njalo kusiya phambili izakwemukeleka ibe ngumnikelo, umnikelo owenzelwe i Nkosi ngomlilo.

²⁸Kodwa inkomokazi loba imvukazi lingayihlabi lomntwana wayo ngasuku lunye.

²⁹Njalo nxa lihlabela i Nkosi umhlatshelo wokubonga, lizawuhlaba ngokukhululeka kwenu.

³⁰Uzadliwa ngalolosuku, lingatshiyi okwawo kuze kube sekuseni. Ngiyi Nkosi.

³¹Ngakho gcinani imilayo yami, liyenze. Ngiyi Nkosi.

³²Njalo lingalingcolisi ibizo lami elingcwele, kodwa ngizangcweliswa phakathi kwabantwana bakoIsrayeli. Ngiyi Nkosi elingcwelisayo,

³³eyalikhupha elizweni leGibhithe ukuze ngibe nguNkulunkulu wenu. Ngiyi Nkosi.