Read Ndebele-IBhayibhili Elingcwele 2006 Ulevitikusi 23 Bible Online

Ulevitikusi 23 - Ndebele-IBhayibhili Elingcwele 2006 bible

Ulevitikusi 23

¹I Nkosi yasikhuluma kuMozisi isithi:

²Tshono ebantwaneni bakoIsrayeli uthi kubo: Imikhosi emisiweyo ye Nkosi elizayimemezela ibe zinhlangano ezibiziweyo ezingcwele, le yimikhosi yami emisiweyo.

³Umsebenzi uzakwenziwa insuku eziyisithupha; kodwa usuku lwesikhombisa lulisabatha lokuphumula, inhlangano ebiziweyo engcwele; lingenzi lamsebenzi; lulisabatha e Nkosi ni kuyo yonke imizi yenu.

⁴Le yimikhosi emisiweyo ye Nkosi, inhlangano ezibiziweyo ezingcwele elizazimemezela ngesikhathi sazo esimisiweyo.

⁵Ngenyanga yokuqala ngolwetshumi lane lwenyanga kusihlwa kuliphasika le Nkosi.

⁶Langosuku lwetshumi lanhlanu lwaleyonyanga kulomkhosi wesinkwa esingelamvubelo e Nkosi ni; dlanini isinkwa esingelamvubelo insuku eziyisikhombisa.

⁷Ngosuku lokuqala lizakuba lenhlangano ebiziweyo engcwele; lingenzi lamsebenzi wezisebenzi.

⁸Kodwa lizanikela umnikelo owenzelwe i Nkosi ngomlilo insuku eziyisikhombisa. Ngosuku lwesikhombisa kuzakuba khona inhlangano ebiziweyo engcwele; lingenzi lamsebenzi wezisebenzi.

⁹I Nkosi yasikhuluma kuMozisi isithi:

¹⁰Tshono ebantwaneni bakoIsrayeli uthi kubo: Lapho selifikile elizweni engilinika lona, livune isivuno salo, lethani isithungo sezithelo zokuqala zesivuno senu kumpristi,

¹¹njalo azunguze isithungo phambi kwe Nkosi ukuze lemukeleke. Umpristi uzasizunguza ngosuku olulandela isabatha.

¹²Ngosuku elizunguza ngalo isithungo, nikelani iwundlu elingelasici elilomnyaka owodwa, libe ngumnikelo wokutshiswa e Nkosi ni.

¹³Lomnikelo wawo wokudla uzakuba zingxenye ezimbili etshumini zempuphu ecolekileyo ixubene lamafutha, ube ngumnikelo owenzelwe i Nkosi ngomlilo, kube luqhatshi olumnandi; lomnikelo wawo wokunathwayo uzakuba ngowewayini, ingxenye yesine yehini*.

¹⁴Njalo kaliyikudla isinkwa, lamabele akhanzingiweyo, lezikhwebu ezintsha, kuze kufike lona lolosuku, lize lilethe umnikelo kaNkulunkulu wenu. Kuyisimiso esilaphakade ezizukulwaneni zenu, kuyo yonke imizi yenu.

¹⁵Njalo lizazibalela kusukela ngosuku olulandela isabatha, kusukela ngosuku elaletha ngalo isithungo somnikelo wokuzunguzwa; kuzakuba ngamasabatha ayisikhombisa apheleleyo,

¹⁶kuze kufike usuku olulandela isabatha lesikhombisa libale insuku ezingamatshumi amahlanu; khona lizanikela umnikelo omutsha wokudla e Nkosi ni.

¹⁷Lethani okuvela emizini yenu izinkwa ezimbili zokuzunguzwa; zizakuba zingxenye ezimbili etshumini zempuphu ecolekileyo; zizabhakwa lemvubelo; ziyizithelo zokuqala e Nkosi ni.

¹⁸Njalo lizanikela kanye lesinkwa amawundlu ayisikhombisa angelasici alomnyaka owodwa, lejongosi elilodwa ithole lenkomo, lenqama ezimbili; zizakuba ngumnikelo wokutshiswa e Nkosi ni, kanye lomnikelo wazo wokudla leminikelo yazo yokunathwayo, umnikelo owenziwe ngomlilo, kube luqhatshi olumnandi e Nkosi ni.

¹⁹Lizanikela njalo izinyane lembuzi elilodwa libe ngumnikelo wesono, lamawundlu amabili alomnyaka owodwa abe ngumhlatshelo weminikelo yokuthula.

²⁰Umpristi uzazizunguza-ke kanye lesinkwa sezithelo zokuqala zibe ngumnikelo wokuzunguzwa phambi kwe Nkosi, kanye lamawundlu amabili; zizakuba ngcwele e Nkosi ni, zibe ngezompristi.

²¹Lizamemezela ngalona lolosuku; kuzakuba yinhlangano ebiziweyo engcwele kini, lingenzi lamsebenzi wezisebenzi. Kuyisimiso esaphakade kuyo yonke imizi yenu ezizukulwaneni zenu.

²²Lalapho livuna isivuno selizwe lakini, ekuvuneni kwakho ungaqedi emngceleni wensimu yakho; futhi ungabuthi okuseleyo kwesivuno sakho; ukutshiyele umyanga lowemzini. Ngiyi Nkosi uNkulunkulu wenu.

²³I Nkosi yasikhuluma kuMozisi isithi:

²⁴Tshono ebantwaneni bakoIsrayeli uthi: Ngenyanga yesikhombisa ngolokuqala lwenyanga kuzakuba kini lisabatha, isikhumbuzo sokutshaywa kwezimpondo, inhlangano ebiziweyo engcwele.

²⁵Lingenzi lamsebenzi wezisebenzi; kodwa nikelani umnikelo owenzelwe i Nkosi ngomlilo.

²⁶I Nkosi yasikhuluma kuMozisi isithi:

²⁷Yebo, ngolwetshumi lwalinyanga yesikhombisa kuzakuba lusuku lwenhlawulo yokuthula; lizakuba lenhlangano ebiziweyo engcwele; lizathobisa imiphefumulo yenu, linikele umnikelo owenzelwe i Nkosi ngomlilo.

²⁸Langalona lolosuku lingenzi lamsebenzi, ngoba kulusuku lwenhlawulo yokuthula, ukulenzela lina inhlawulo yokuthula phambi kwe Nkosi uNkulunkulu wenu.

²⁹Ngoba loba yiwuphi umphefumulo ongazithobiyo ngalona lolosuku uzaqunywa usuke ebantwini bakibo.

³⁰Laloba yiwuphi umphefumulo owenza loba yiwuphi umsebenzi ngalona lolosuku ngizawubhubhisa lowomphefumulo usuke phakathi kwabantu bakibo.

³¹Lingenzi lamsebenzi. Kuyisimiso esilaphakade ezizukulwaneni zenu kuyo yonke imizi yenu.

³²Lisabatha lokuphumula kini; lizathobisa imiphefumulo yenu; ngolwesificamunwemunye lwenyanga, ntambama, kusukela kusihlwa kuze kube kusihlwa, lizagcina isabatha lenu.

³³I Nkosi yasikhuluma kuMozisi isithi:

³⁴Tshono ebantwaneni bakoIsrayeli uthi: Ngosuku lwetshumi lanhlanu lwale inyanga yesikhombisa kuzakuba lomkhosi wamadumba insuku eziyisikhombisa e Nkosi ni.

³⁵Ngosuku lokuqala kuzakuba lenhlangano ebiziweyo engcwele; lingenzi lamsebenzi wezisebenzi.

³⁶Insuku eziyisikhombisa lizanikela umnikelo owenzelwe i Nkosi ngomlilo. Ngosuku lwesificaminwembili kuzakuba lenhlangano ebiziweyo engcwele kini, linikele umnikelo owenzelwe i Nkosi ngomlilo. Kungumhlangano onzulu, lingenzi lamsebenzi wezisebenzi.

³⁷Le yimikhosi emisiweyo ye Nkosi elizayimemezela ibe zinhlangano ezibiziweyo ezingcwele, ukunikela umnikelo owenzelwe i Nkosi ngomlilo, umnikelo wokutshiswa, lomnikelo wokudla, umhlatshelo, leminikelo yokunathwayo, kube ngulowo lalowo ngosuku lwawo,

³⁸ngaphandle kwamasabatha e Nkosi, langaphandle kwezipho zenu, langaphandle kwezithembiso zenu zonke, langaphandle kweminikelo yenu yonke yesihle, elayinikela e Nkosi ni.

³⁹Kodwa ngosuku lwetshumi lanhlanu lwenyanga yesikhombisa, lapho selibuthile isivuno selizwe, gcinani umkhosi we Nkosi insuku eziyisikhombisa. Ngosuku lokuqala kuzakuba lokuphumula langosuku lwesificaminwembili kuzakuba lokuphumula.

⁴⁰Langosuku lokuqala zithatheleni izithelo zezihlahla ezinhle, izingatsha zezihlahla zelala, lezingatsha zezihlahla ezilamahlamvu aminyeneyo, leminyezane yemifula, lithabe phambi kwe Nkosi uNkulunkulu wenu insuku eziyisikhombisa.

⁴¹Lizawugcina ube ngumkhosi e Nkosi ni insuku eziyisikhombisa ngomnyaka. Kuyisimiso esilaphakade ezizukulwaneni zenu; liwugubhe ngenyanga yesikhombisa.

⁴²Lizahlala emadumbeni insuku eziyisikhombisa; bonke abazalwa koIsrayeli bazahlala emadumbeni,

⁴³ukuze izizukulwana zenu zazi ukuthi ngabahlalisa abantwana bakoIsrayeli emadumbeni ekubakhupheni kwami elizweni leGibhithe. Ngiyi Nkosi uNkulunkulu wenu.

⁴⁴Ngokunjalo uMozisi wabatshela abantwana bakoIsrayeli imikhosi emisiweyo ye Nkosi.