Read Ndebele-IBhayibhili Elingcwele 2006 Ulevitikusi 3 Bible Online

Ulevitikusi 3 - Ndebele-IBhayibhili Elingcwele 2006 bible

Ulevitikusi 3

¹Uba-ke umnikelo wakhe ungumhlatshelo weminikelo yokuthula, nxa enikela okwenkomo, ingabe iduna kumbe insikazi, uzawunikela ungelasici phambi kwe Nkosi.

²Uzabeka isandla sakhe enhlokweni yomnikelo wakhe, awuhlabe emnyango wethente lenhlangano; amadodana kaAroni angabapristi azafafaza-ke igazi phezu kwelathi inhlangothi zonke.

³Uzanikela okuvela kuwo umhlatshelo weminikelo yokuthula umnikelo owenzelwe i Nkosi ngomlilo, idanga, lamahwahwa wonke asemibilini,

⁴lezinso zombili lamahwahwa akuzo asezinkalweni, lamahwahwa angaphezu kwesibindi uzawasusa lezinso.

⁵Njalo amadodana kaAroni azawatshisa elathini phezu komnikelo wokutshiswa ophezu kwenkuni eziphezu komlilo; kungumnikelo owenziwe ngomlilo oloqhatshi olumnandi e Nkosi ni.

⁶Uba-ke umnikelo wakhe ongumhlatshelo weminikelo yokuthula e Nkosi ni ungowomhlambi, iduna kumbe insikazi, uzawunikela ungelasici.

⁷Uba enikela iwundlu, libe ngumnikelo wakhe, uzalinikela phambi kwe Nkosi,

⁸abeke isandla sakhe enhlokweni yomnikelo wakhe, awuhlabe phambi kwethente lenhlangano; amadodana kaAroni azafafaza-ke igazi lawo phezu kwelathi inhlangothi zonke.

⁹Uzanikela okuvela kuwo umhlatshelo weminikelo yokuthula, umnikelo owenzelwe i Nkosi ngomlilo, amahwahwa awo, umsila wonke ononileyo ewuquma eduze lomgogodla, ledanga, lamahwahwa wonke asemibilini,

¹⁰lezinso zombili lamahwahwa akuzo asezinkalweni, lamahwahwa angaphezu kwesibindi uzawasusa lezinso.

¹¹Umpristi uzakutshisa-ke elathini, kuyikudla komnikelo owenzelwe i Nkosi ngomlilo.

¹²Uba-ke umnikelo wakhe uyimbuzi, uzawunikela phambi kwe Nkosi,

¹³abeke isandla sakhe enhlokweni yayo, ayihlabe phambi kwethente lenhlangano; amadodana kaAroni azafafaza-ke igazi layo phezu kwelathi inhlangothi zonke.

¹⁴Uzanikela okuvela kiyo umnikelo wakhe, umnikelo owenzelwe i Nkosi ngomlilo, idanga, lamahwahwa wonke asemibilini,

¹⁵lezinso zombili lamahwahwa akuzo asezinkalweni, lamahwahwa angaphezu kwesibindi uzawasusa lezinso.

¹⁶Njalo umpristi uzakutshisa elathini, kuyikudla komnikelo owenziwe ngomlilo, kube luqhatshi olumnandi. Wonke amahwahwa ngawe Nkosi.

¹⁷Yisimiso saphakade ezizukulwaneni zenu, emizini yenu yonke, sokuthi lingadli ngitsho amahwahwa lagazi.