Read Ndebele-IBhayibhili Elingcwele 2006 Ulevitikusi 5 Bible Online

Ulevitikusi 5 - Ndebele-IBhayibhili Elingcwele 2006 bible

Ulevitikusi 5

¹Umphefumulo, uba usona-ke usuzwe ilizwi lesifungo, njalo ube ngumfakazi, kumbe ukubonile loba ukwazi, uba ungakukhulumi, uzathwala ububi bawo.

²Loba uba umphefumulo uthinta loba yiyiphi into engcolileyo, loba iyisidumbu senyamazana engcolileyo, loba isidumbu sesifuyo esingcolileyo, kumbe isidumbu salokho okuhuquzelayo okungcolileyo, lanxa kufihliwe kuye, kube kanti ungcolile ulecala.

³Loba uba uthinta ukungcola komuntu, loba kuyini ukungcola kwakhe angcola ngakho, njalo kufihliwe kuwo, lapho usukwazi uzakuba lecala.

⁴Loba uba umphefumulo ufunga, ukhuluma ngamawala ngendebe zawo ukwenza okubi loba ukwenza okuhle, loba kuyini umuntu angakhuluma ngakho ngamawala ngesifungo, njalo kufihliwe kuwo, lapho usukwazi uzakuba lecala kokunye kwalokho.

⁵Kuzakuthi-ke nxa ulecala kwenye yalezizinto, uvume ngalokho okonileyo,

⁶ulethe umnikelo wawo wecala e Nkosi ni ngesono sawo osonileyo, ensikazi emhlanjini, iwundlu loba izinyane lembuzi, kube ngumnikelo wesono, umpristi abesewenzela inhlawulo yokuthula ngesono sawo.

⁷Kodwa uba isandla sawo singafinyeleli okwanela imvu, ungaletha e Nkosi ni ngecala lawo olonileyo amajuba amabili loba amaphuphu enkwilimba amabili, elinye libe ngumnikelo wesono lelinye libe ngumnikelo wokutshiswa;

⁸ubusuwaletha kumpristi ozanikela elingelomnikelo wesono kuqala, atshuphule inhloko yalo entanyeni yalo, kodwa angakwehlukanisi,

⁹afafaze okwegazi lomnikelo wesono ehlangothini lwelathi, legazi eliseleyo likhanyelwe phansi kwelathi; kungumnikelo wesono.

¹⁰Elesibili uzalenza libe ngumnikelo wokutshiswa njengokwesimiso, lompristi amenzele inhlawulo yokuthula ngesono sakhe asonileyo, njalo uzathethelelwa.

¹¹Kodwa uba isandla sawo singafinyeleli emajubeni amabili loba emaphuphini enkwilimba amabili, lowo owonileyo angaletha umnikelo wakhe ingxenye yetshumi ye-efa* yempuphu ecolekileyo ube ngumnikelo wesono; angabeki mafutha phezu kwayo, angabeki nhlaka phezu kwayo, ngoba ingumnikelo wesono.

¹²Njalo uzayiletha kumpristi, umpristi acuphe-ke kuyo isandla sakhe esigcweleyo kube yisikhumbuzo sayo, akutshise elathini, phezu kweminikelo ye Nkosi eyenziwe ngomlilo; kungumnikelo wesono.

¹³Ngalokho umpristi uzamenzela inhlawulo yokuthula ngesono sakhe asonileyo lakuyiphi yalezizinto, njalo uzathethelelwa. Njalo kuzakuba ngokompristi, njengomnikelo wokudla.

¹⁴I Nkosi yasikhuluma kuMozisi isithi:

¹⁵Uba umphefumulo uphambeka ngesiphambeko wone ungazi umelana lezinto ezingcwele ze Nkosi, uzaletha umnikelo wawo wecala e Nkosi ni, inqama engelasici emhlanjini, elesilinganiso sakho sentengo samashekeli* esiliva ngokweshekeli lendlu engcwele, kube ngumnikelo wecala.

¹⁶Lalokho okonileyo okumelene lento engcwele uzakubuyisela, wengezelele kukho ingxenye yesihlanu yakho, oyinike umpristi, lompristi awenzele inhlawulo yokuthula ngenqama yomnikelo wecala, njalo uzathethelelwa.

¹⁷Uba-ke umphefumulo usona, wenze okumelene lomunye wayo yonke imilayo ye Nkosi, okungafanele ukwenziwa, lanxa ungakwazi, kube kanti ulecala, njalo uzathwala ububi bawo.

¹⁸Uzaletha-ke kumpristi inqama engelasici evela emhlanjini, elesilinganiso sakho sentengo, kube ngumnikelo wecala, lompristi uzawenzela inhlawulo yokuthula ngokuphambanisa kwawo ophambanisa ngakho ungakwazi, njalo uzathethelelwa.

¹⁹Kungumnikelo wecala; ngeqiniso ulecala e Nkosi ni.