Read Ndebele-IBhayibhili Elingcwele 2006 Ulevitikusi 6 Bible Online

Ulevitikusi 6 - Ndebele-IBhayibhili Elingcwele 2006 bible

Ulevitikusi 6

¹I Nkosi yasikhuluma kuMozisi isithi:

²Uba umphefumulo usona, uphambeke isiphambeko e Nkosi ni ukhohlise umakhelwane wawo mayelana lalokho okunikelwa kuwo ukuthi ukulondoloze, loba mayelana lesibambiso sesandla, loba ngokuphangiweyo, loba umcindezele umakhelwane wawo,

³kumbe ufica lokho obekulahlekile, uqambe amanga ngakho, ufunge amanga, loba kukuphi kwazo zonke lezo izinto umuntu azenzayo, one ngakho,

⁴kuzakuthi-ke ngoba onile elecala, uzabuyisela impango ayiphangileyo, loba lokho owakuzuza ngokucindezela, loba lokho okwanikelwa kuye ukuthi akulondoloze, loba lokho obekulahlekile akuficileyo,

⁵kumbe kukho konke afunge amanga ngakho; uzakubuyisa ngesiqokoqela sakho, engezelele kukho ingxenye yesihlanu yakho, amnike lowo engeyakhe ngosuku lomnikelo wakhe wecala.

⁶Njalo uzaletha umnikelo wakhe wecala e Nkosi ni, inqama engelasici emhlanjini, elesilinganiso sakho sentengo, kube ngumnikelo wecala, ayise kumpristi,

⁷njalo umpristi uzamenzela inhlawulo yokuthula phambi kwe Nkosi, njalo uzathethelelwa, loba kukuphi kwakho konke akwenzileyo alecala ngakho.

⁸I Nkosi yasikhuluma kuMozisi isithi:

⁹Laya uAroni lamadodana akhe uthi: Lo ngumlayo womnikelo wokutshiswa. Kungumnikelo wokutshiswa ngenxa yokutshisa phezu kwelathi ubusuku bonke kuze kuse, lomlilo welathi uzabhebha kulo.

¹⁰Umpristi-ke uzagqoka isembatho sakhe selembu elicolekileyo, lokabhudula wakhe wangaphansi welembu elicolekileyo uzamfaka emzimbeni wakhe, athathe umlotha umlilo usuqede umnikelo wokutshiswa elathini, awubeke eceleni kwelathi.

¹¹Abesekhulula izembatho zakhe, embathe ezinye izembatho, akhuphele umlotha ngaphandle kwenkamba endaweni ehlambulukileyo.

¹²Lomlilo ophezu kwelathi uzabhebha kulo, ungacitshwa; njalo umpristi uzabasa inkuni phezu kwalo ukusa ngokusa, abeke kuhle umnikelo wokutshiswa phezu kwalo, atshise kulo amahwahwa eminikelo yokuthula.

¹³Umlilo uzabhebha njalonjalo elathini, ungacitshi.

¹⁴Lalo ngumlayo womnikelo wokudla. Amadodana kaAroni azawunikela phambi kwe Nkosi, phambi kwelathi.

¹⁵Njalo uzacupha okwayo isandla sakhe esigcweleyo, emputshini ecolekileyo yomnikelo wokudla, lemafutheni awo, lenhlaka yonke ephezu komnikelo wokudla, akutshise elathini, uqhatshi olumnandi, isikhumbuzo sawo, e Nkosi ni.

¹⁶Lokuseleyo kuwo uAroni lamadodana akhe bazakudla, kuzadliwa kungelamvubelo endaweni engcwele, lokhu bazakudla egumeni lethente lenhlangano.

¹⁷Kakuyikubhakwa ngemvubelo. Kuyisabelo sabo engisinike kuminikelo yami eyenziwe ngomlilo; kuyingcwelengcwele, njengomnikelo wesono lanjengomnikelo wecala.

¹⁸Bonke abesilisa ebantwaneni bakaAroni bazakudla. Kuyisimiso esilaphakade ezizukulwaneni zenu, esivela eminikelweni ye Nkosi eyenziwe ngomlilo; wonke okuthintayo uzakuba ngcwele.

¹⁹I Nkosi yasikhuluma kuMozisi isithi:

²⁰Lo ngumnikelo kaAroni lamadodana akhe abazawunikela e Nkosi ni ngosuku lokugcotshwa kwakhe; ingxenye yetshumi ye-efa* lempuphu ecolekileyo ibe ngumnikelo wokudla njalonjalo, ingxenye yayo ekuseni lengxenye yayo kusihlwa.

²¹Uzakwenzelwa emganwini oyincence ngamafutha. Uzawuletha uxutshanisiwe, unikele ngencezu ezibhakiweyo zomnikelo wokudla, zibe luqhatshi olumnandi e Nkosi ni.

²²Lompristi wamadodana akhe, ogcotshiweyo esikhundleni sakhe, uzakwenza. Kuyisimiso saphakade e Nkosi ni. Uzatshiswa ngokupheleleyo.

²³Wonke-ke umnikelo wokudla wompristi uza tshiswa ngokupheleleyo, ungadliwa.

²⁴I Nkosi yasikhuluma kuMozisi isithi:

²⁵Tshono kuAroni lakumadodana akhe uthi: Lo ngumlayo womnikelo wesono. Endaweni lapho okuhlatshelwa khona umnikelo wokutshiswa umnikelo wesono uzahlatshwa khona phambi kwe Nkosi; uyingcwelengcwele.

²⁶Umpristi owunikelela isono uzawudla; uzadlelwa endaweni engcwele, egumeni lethente lenhlangano.

²⁷Konke okuthinta inyama yawo kuzakuba ngcwele; lofafaza okwegazi lawo esigqokweni, lokhu afafaze kikho wena uzakugezisa endaweni engcwele.

²⁸Njalo imbiza yebumba okuphekelwe kuyo izaphahlazwa; kodwa uba kuphekelwe embizeni yethusi, kayiphalwe ihlanjululwe ngamanzi.

²⁹Wonke owesilisa kubapristi uzawudla. Kuyingcwelengcwele.

³⁰Kodwa loba yiwuphi umnikelo wesono okwegazi lawo lingeniswe ethenteni lenhlangano ukwenza inhlawulo yokuthula endaweni engcwele kawuyikudliwa; uzatshiswa ngomlilo.