Read Ndebele-IBhayibhili Elingcwele 2006 Ujoromiya 31 Bible Online

Ujoromiya 31 - Ndebele-IBhayibhili Elingcwele 2006 bible

Ujoromiya 31

¹Ngalesosikhathi, kutsho i Nkosi, ngizakuba nguNkulunkulu wemizi yonke yakoIsrayeli; bazakuba ngabantu bami.

²I Nkosi ithi: Abantu abasele enkembeni bathola umusa enkangala. UIsrayeli wathi edinga ukuphumula,

³I Nkosi yabonakala kimi endulo isithi: Yebo, ngikuthandile ngothando olulaphakade, ngakho ngikudonsile ngobubele.

⁴Ngizabuya ngikwakhe, wakheke, wena ntombi emsulwa yakoIsrayeli. Uzavunula, uthathe amachacho akho, ungene ekugideni kwabathokozayo.

⁵Uzalima izivini phezu kwezintaba zeSamariya; abahlanyeli bazahlanyela, badle izithelo zazo.

⁶Ngoba luzakuba khona usuku lapho abalindi bazamemeza entabeni yakoEfrayimi, bathi: Sukani, siye eZiyoni, e Nkosi ni uNkulunkulu wethu.

⁷Ngoba i Nkosi ithi: Mhlabeleleni uJakobe ngentokozo, liyimemezele inhloko yezizwe; limemeze, lidumise lithi: I Nkosi yabakhulula abantu bayo abaseleyo koIsrayeli.

⁸Khangelani, ngizabakhupha elizweni lenyakatho, ngibabuthe emikhawulweni yomhlaba; phakathi kwabo kukhona iziphofu labaqhulayo, labesifazana abakhulelweyo kanye labahelelwayo, belibandla elikhulu bazabuya lapha.

⁹Bazabuya bekhala, ngibaduduze ekubakhokheleni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

¹⁰Zwanini ilizwi le Nkosi, lina zizwe, lilizwakalise ezihlengeni ezikhatshana, lithi: Yena owachitha uIsrayeli uzambutha, ameluse njengomelusi eselusa umhlambi wakhe.

¹¹Ngoba i Nkosi imhlawulele uJakobe, yamhlenga kwabalamandla kulaye.

¹²Bazakuza bahlabele entabeni yeZiyoni, bazathokoza kakhulu ngokuhle kwe Nkosi, ngamabele lewayini elitsha, langamafutha, bathokoze ngamazinyane ezimvu, langamathole enkomo; umphefumulo wabo ube njengensimu ethelelwayo, bangabe besaba losizi futhi.

¹³Khona intombi emsulwa izathokoza ekugideni, amajaha labadala bajabule kanyekanye. Ngizaphendula ukukhala kwabo kube yintokozo, ngizabaduduza, ngibanike intokozo endaweni yosizi;

¹⁴nginike abapristi ukudla okumnandi, labantu bami bazakholisiswa yikulunga kwami, kutsho i Nkosi.

¹⁵I Nkosi ithi: Ilizwi liyezwakala eRama, ukulila lokukhala inyembezi okubabayo. URasheli ukhalela abantwana bakhe, uyala ukududuzwa ngabantwana bakhe, ngoba bengasekho.

¹⁶I Nkosi ithi: Thula, ungakhali, lamehlo akho angabi lezinyembezi; ngoba umsebenzi wakho uzakuba lomvuzo, bazabuya bevela elizweni lesitha, kutsho i Nkosi.

¹⁷Kuzalunga esikhathini esizayo, kutsho i Nkosi; abantwana bakho bazabuya elizweni lakibo.

¹⁸Ngizwile lokuzwa uEfrayimi ezikhalela esithi: Ungitshayile, njalo ngatshaywa, njengethole elingathambanga; ngibuyisa, njalo ngizabuya, ngoba uyi Nkosi uNkulunkulu wami.

¹⁹Isibili emva kokubuya kwami ngazisola, lemva kokulaywa kwami ngatshaya ithangazi lami; ngaba lenhloni, njalo ngayangeka, ngoba ngathwala ihlazo lobutsha bami.

²⁰Kambe uEfrayimi uyindodana yami yini eligugu kimi, ungumntwana wami othandekayo? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; isibili ngizakuba lesihawu kuye kutsho i Nkosi.

²¹Zimisele izitshengiso, uzimise, iziqondiso zendlela, uqaphelise kakhulu umgwaqo omkhulu, indlela owahamba ngayo. Buya, ntombi emsulwa yakoIsrayeli, ubuyele emizini yakini.

²²Koze kube nini uzilazila, wena ndodakazi engathembekanga? I Nkosi idale into entsha emhlabeni, owesifazana uvukela indoda.

²³I Nkosi yamabandla, uNkulunkulu kaIsrayeli, ithi: Bazabuya batsho lamazwi elizweni lakoJuda lemizini yakhona, lapho sengibabuyisile abantu bakibo bathi: I Nkosi ikubusise, wena khaya lokulunga, lawe ntaba engcwele.

²⁴UJuda layo yonke imizi yakhe izahlala khona, abalimi labahamba lemihlambi yabo.

²⁵Ngizabenelisa bonke abakhatheleyo. ngiqinise labo bonke abasesizini.

²⁶Ngasengiphaphama, ngakhangela; ubuthongo bami babumnandi kimi.

²⁷Khangela, insuku ziyeza, kutsho i Nkosi, lapho ngizahlanyela indlu kaIsrayeli lendlu kaJuda ngenhlanyelo yabantu lenhlanyelo yenyamazana.

²⁸Kuzakuthi njengalokho ngibalindile ukuthi ngisiphune lokuthi ngidilize lokuthi ngichithe lokuthi ngibhubhise, ngilethe okubi, ngokunjalo-ke sengizabalinda ukuze ngakhe, ngihlanyele, kutsho i Nkosi.

²⁹Ngalezonsuku kabasayikutsho ukuthi: Oyise badlile izithelo zevini ezimunyu, amazinyo abantwana asetshelela.

³⁰Kodwa wonke umuntu uzakufa ngobubi bakhe; wonke umuntu odla izithelo zevini ezimunyu, ngawakhe amazinyo azatshelela.

³¹Khangela, insuku ziyeza, kutsho i Nkosi, lapho ngizakwenza isivumelwano esitsha lendlu kaIsrayeli lendlu kaJuda,

³²esingenjengesivumelwano engasenza laboyise mhla ngibabamba ngesandla sami ukubakhupha elizweni leGibhithe, ngitsho isivumelwano sami abasephulayo, lanxa ngangiyiNkosi yabo, kutsho i Nkosi.

³³Kodwa yilesi isivumelwano engizasenza lendlu kaIsrayeli emva kwalezonsuku, kutsho i Nkosi. Ngizafaka umlayo wami emibilini yabo, ngiwubhale enhliziyweni yabo, ngibe nguNkulunkulu wabo, labo babe ngabantu bami.

³⁴Kabasayikufundisa ngulowo lalowo umakhelwane wakhe, lalowo lalowo umfowabo esithi: Yazi i Nkosi. Ngoba bazangazi bonke, kusukela komncinyane wabo kuze kufike komkhulu wabo, kutsho i Nkosi. Ngoba ngizathethelela ububi babo, lesono sabo kangisayikusikhumbula.

³⁵Itsho njalo i Nkosi, enika ilanga libe yikukhanya emini, izimiso zenyanga lezenkanyezi zibe yikukhanya ebusuku, evusa ulwandle ukuthi amagagasi alo ahlokome, i Nkosi yamabandla libizo layo.

³⁶Uba ukumiswa kwalezizinto kungasuka phambi kwami, kutsho i Nkosi, lenzalo yakoIsrayeli izaphela, kumbe isaba yisizwe phambi kwami kuze kube nininini.

³⁷I Nkosi ithi: Uba amazulu engalinganiswa, lomhlaba phansi ungahlolwa, khona mina ngingayilahla yonke inzalo yakoIsrayeli ngakho konke abakwenzileyo.

³⁸I Nkosi ithi: Khangela, insuku ziyeza lapho umuzi we Nkosi uzakwakhiwa, kusukela eMphotshongweni kaHananeli kuze kufike esangweni leNgonsi.

³⁹Lentambo yokulinganisa izasuka ize iyefika eqaqeni lweGarebi, itshibilike lapho iye eGowa.

⁴⁰Sonke isihotsha sezidumbu lesomlotha, lawo wonke amasimu kuze kufike esifuleni seKidroni, kuze kufike engonsini yeSango lebhiza ngempumalanga, kuzakuba yindawo engcwele ye Nkosi. Kakusayikusitshunwa, kudilizwe futhi, kuze kube nininini.