Read Ndebele-IBhayibhili Elingcwele 2006 Ujoromiya 37 Bible Online

Ujoromiya 37 - Ndebele-IBhayibhili Elingcwele 2006 bible

Ujoromiya 37

¹UZedekhiya indodana kaJosiya waba yinkosi esikhundleni sikaKoniya indodana kaJehoyakhimi, wabekwa nguNebukadinezari inkosi yeBhabhiloni ukuze abuse elizweni lakoJuda.

²Kodwa yena lenceku zakhe labantu belizwe kabawalalelanga amazwi e Nkosi eyayiwakhulume ngoJeremiya umprofethi.

³Inkosi uZedekhiya yathuma uJehukali indodana kaShelemiya loZefaniya umpristi indodana kaMahaseya kuJeremiya umprofethi, yathi: Ake usikhulekele e Nkosi ni uNkulunkulu wethu.

⁴UJeremiya wayesahamba phakathi kwabantu engakafakwa entolongweni.

⁵Ibutho likaFaro laliphumile eGibhithe; kwathi lapho amaKhaladiya ayevimbezela iJerusalema ekuzwa lokho, asuka eJerusalema.

⁶Ilizwi le Nkosi lafika kuJeremiya umprofethi lathi:

⁷I Nkosi, uNkulunkulu kaIsrayeli, ithi: Lizakuthi enkosini yakoJuda elithume ukubuza kimi: Khangela, ibutho likaFaro elize ukulisiza selizabuyela eGibhithe, elizweni lalo.

⁸AmaKhaladiya azabuya, alwe emelene lumuzi, awuthumbe, awutshise ngomlilo.

⁹I Nkosi ithi: Lingazikhohlisi ngokuthi: AmaKhaladiya kawasayikubuya kithi. Ngoba azabuya isibili.

¹⁰Loba lilitshaya ibutho lonke lamaKhaladiya alwa emelene lani, kusale nje abantu abalimeleyo, bazasukuma bonke baphume emathenteni abo, bawutshise lumuzi ngomlilo.

¹¹Kwathi lapho ibutho lamaKhaladiya selisukile eJerusalema selizwile ukuthi ibutho likaFaro liyeza,

¹²uJeremiya wasephuma eJerusalema ukuya elizweni lakoBhenjamini ukuthi emukele isabelo sakhe selifa khona phakathi kwabantu.

¹³Kwathi lapho eseSangweni lakoBhenjamini, induna yabalindi ethiwa nguIrija indodana kaShelemiya, kaHananiya, wambamba uJeremiya umprofethi, wathi: Uyabalekela kumaKhaladiya.

¹⁴UJeremiya wathi: Kungamanga; kangibalekeli kumaKhaladiya. Kodwa uJerija kazamlalela; wambamba uJeremiya, wamletha ezikhulwini.

¹⁵Iziphathamandla zathukuthela ngoJeremiya, zamtshaya, zamfaka entolongweni, endlini kaJonathani umbhali, ngoba zaziyenze yaba yintolongo.

¹⁶UJeremiya wafakwa endlini engumgodi, wahlala khona insuku ezinengi.

¹⁷Inkosi uZedekhiya yambiza, yamemukela. Yambuza ensitha endlini yayo yathi: Kambe likhona ilizwi elivela e Nkosi ni? UJeremiya wathi: Likhona. Uzanikelwa esandleni senkosi yeBhabhiloni.

¹⁸UJeremiya wathi futhi kuZedekhiya inkosi: Ngoneni kuwe lezincekwini zakho lakulababantu ukuthi lingifake entolongweni?

¹⁹Bangaphi abaprofethi benu abaprofetha kini besithi: Inkosi yeBhabhiloni kayiyikufika ukulihlasela lina lalelilizwe?

²⁰Zwana-ke, ngiyakuncenga wena nkosi, ake ulalele isikhalazo sami, ungangibuyiseli endlini kaJonathani umbhali, hlezi ngifele khona.

²¹Ngakho inkosi uZedekhiya waselaya ukuthi bamfake uJeremiya egumeni labalindi, lokuthi anikwe isinkwa sibe sinye insuku zonke esivela kubapheki bezinkwa, kwaze kwaphela zonke izinkwa emzini. Ngakho uJeremiya wahlala egumeni labalindi.