Read Ndebele-IBhayibhili Elingcwele 2006 Ujoromiya 42 Bible Online

Ujoromiya 42 - Ndebele-IBhayibhili Elingcwele 2006 bible

Ujoromiya 42

¹Zasezisondela zonke induna zebutho, loJohanani indodana kaKareya, loAzariya indodana kaHoshaya, labo bonke abantu abancinyane labakhulu,

²bathi kuJeremiya umprofethi: Ake uzwe ukunxusa kwethu, usikhulekele e Nkosi ni uNkulunkulu wakho, ukhulekele bonke laba abaseleyo, ngoba sisele sibalutshwana nje kwabanengi, njengalokho lawe ubona,

³ukuze i Nkosi, uNkulunkulu wakho, isitshengise indlela esifanele ukuhamba ngayo, lalokho esifanele ukukwenza.

⁴UJeremiya umprofethi wathi kibo: Sengilizwile; khangela, ngizakhuleka e Nkosi ni uNkulunkulu wenu njengokucela kwenu, lalokho i Nkosi ekutshoyo ngizalitshela khona, kangiyikuthula.

⁵Basebesithi kuJeremiya: I Nkosi kayibe ngumfakazi oqinisileyo lothembekileyo ngathi, uba singenzi njengelizwi le Nkosi, uNkulunkulu wakho, elithumela kithi ngawe.

⁶Loba kukuhle loba kukubi, sizalalela ilizwi le Nkosi, uNkulunkulu wethu, esikuthuma kuyo, ukuze kusilungele lapho sililalela ilizwi le Nkosi, uNkulunkulu wethu.

⁷Kwathi emva kwensuku ezilitshumi, ilizwi le Nkosi lafika kuJeremiya.

⁸Wasebiza uJohanani indodana kaKareya, lazo zonke induna zebutho ezazilaye, labantu bonke abancinyane labakhulu;

⁹wathi kibo: I Nkosi, uNkulunkulu kaIsrayeli, elingithume kiyo ukuthi ngilinxusele, ithi:

¹⁰Uba lihlala kulelilizwe, ngizalakha ngingalidilizi, ngiligxumeke, ngingalisiphuni; ngoba ngiyazisola ngokubi engikwenzileyo kini.

¹¹Lingayesabi inkosi yeBhabhiloni eliyesabayo, kutsho i Nkosi; ngoba mina ngilani ukuze ngilisize ngilophule esandleni sayo.

¹²Ngizaliphatha ngomusa, ukuze ibe lomusa kini, iliyekele ukuthi lihlale elizweni lakini.

¹³Kodwa uba lisithi: Kasiyikuhlala kulelilizwe; lingalilaleli ilizwi le Nkosi uNkulunkulu wenu,

¹⁴lithi: Hatshi bo! sizakuya elizweni leGibhithe lapho esingayikubona impi khona, singayikuzwa ukukhala kophondo, singayikulamba, sihlale khona;

¹⁵zwanini-ke ilizwi le Nkosi, lina eliseleyo koJuda. I Nkosi yamabandla, uNkulunkulu kaIsrayeli, ithi: Uba lifisa ukuya eGibhithe ukuze lihlale khona,

¹⁶inkemba eliyesabayo izalifica khona elizweni leGibhithe, lendlala eliyesabayo izalinamathela eGibhithe, lifele khona.

¹⁷Bonke abantu abafisa ukuya eGibhithe ukuze bahlale khona bazabulawa ngenkemba langendlala langomatshayabhuqe wesifo, kungasali muntu aphunyuke kokubi engizabehlisela khona.

¹⁸I Nkosi yamabandla, uNkulunkulu kaIsrayeli, ithi: Njengoba ukuthukuthela kwami lolaka lwami kwehlela kwabakhileyo eJerusalema, ngokunjalo ulaka lwami luzakwehlela kini nxa lisiya eGibhithe. Lizakuba yinto eyenyanyekayo leyesabekayo, into yokuthukwa lokuhlekwa, lingaphindi liyibone lindawo futhi.

¹⁹I Nkosi ithe kini, lina abaseleyo koJuda: Lingayi eGibhithe. Yazini isibili ukuthi ngilixwayisile lamuhla.

²⁰Lizifake engozini ngokungithuma e Nkosi ni, uNkulunkulu wenu, lisithi: Sikhulekele e Nkosi ni uNkulunkulu wethu; lokho i Nkosi uNkulunkulu wethu ekutshoyo, sizakwenza.

²¹Sengilitshelile lamuhla, kodwa kalililalelanga ilizwi le Nkosi uNkulunkulu wenu kukho konke engitshele khona ukuthi ngilitshele.

²²Yazini isibili ukuthi lizabulawa ngenkemba langendlala langomatshayabhuqe wesifo endaweni elifisa ukuyahlala kiyo.