Read Ndebele-IBhayibhili Elingcwele 2006 Ujoromiya 50 Bible Online

Ujoromiya 50 - Ndebele-IBhayibhili Elingcwele 2006 bible

Ujoromiya 50

¹Ilizwi i Nkosi eyalikhuluma ngeBhabhiloni, ngelizwe lamaKhaladiya, ngoJeremiya umprofethi, lisithi:

²Memezani phakathi kwezizwe, litshumayele; misani uphawu, litshumayele, lingakufihli, lithi: IBhabhiloni inqotshiwe, uBhali uyangekile, loMerodaki uchithiwe. Izithombe zayo ziyangisiwe, lemifanekiso yayo emibi ichithekile.

³Ngoba kuzile kuyo isizwe esivela enyakatho, esizachitha ilizwe layo, abantu lenyamazana kuzabaleka, kungabi khona ohlala kuyo.

⁴Ngalezonsuku langalesosikhathi, kutsho i Nkosi, abantwana bakoIsrayeli labantwana bakoJuda bazabuthana ndawonye, bazahamba bekhala inyembezi, bedinga i Nkosi uNkulunkulu wabo.

⁵Bazabuza indlela eya eZiyoni, bekhangele ngakuyo, bathi: Wozani, sizihlanganise le Nkosi ngesivumelwano esilaphakade esingayikukhohlakala.

⁶Abantu bami bebeyizimvu ezilahlekileyo; abelusi babo babaduhisile, bebebelusela ezintabeni; besuka entabeni besiya eqaqeni, bakhohlwa isibaya sabo.

⁷Bonke ababatholayo babadla, lezitha zabo zathi: Kasilacala ngoba bonile e Nkosi ni, i Nkosi elikhaya labo eliqotho lethemba laboyise.

⁸Balekani liphume eBhabhiloni, liphume elizweni lamaKhaladiya, libe njengezintondolo phambi komhlambi.

⁹Ngoba khangela, ngivusela iBhabhiloni ixuku lezizwe ezinkulu; zizavela elizweni lenyakatho, zehlele ngakuyo, ziyithathe khona. Imitshoko yazo injengeqhawe elihlakaniphileyo elingabuyi lingelalutho.

¹⁰IKhaladiya izaphangwa, labayiphangayo bonke bazakweneliswa, kutsho i Nkosi.

¹¹Ngoba lithokoza, ngoba lijabula, lina baphangi belizwe lami, ngoba liqolotsha njengethokazi elisetshanini, likhale njengamabhiza amaduna,

¹²unyoko uzakuba lenhloni, lowalizalayo ayangeke. Khangela, iBhabhiloni izakuba ngeyokucina phakathi kwezizwe, ibe yinkangala eyomileyo legwadule.

¹³Ngenxa yolaka lwe Nkosi kayiyikuhlalwa muntu, kodwa izachitheka isibili; wonke umuntu odlula eBhabhiloni uzamangala, ancife ngenxa yazo zonke inhlupheko zayo.

¹⁴Zihleleleni iBhabhiloni inhlangothi zonke, lina lonke eligobisa amadandili, liyitshoke, lingatshiyi mtshoko, ngoba yonile e Nkosi ni.

¹⁵Memezani kuyo inhlangothi zonke; isizinikele, inqaba zayo sezidilikile, lemiduli yayo ibhidliziwe; ngoba lokho kuyimpindiselo ye Nkosi; phindiselani kuyo, lenze kuyo njengokwenza kwayo.

¹⁶Qumani umhlanyeli asuke eBhabhiloni, kanye laye ophatha isikela ngesikhathi sokuvuna; ngenxa yenkemba ecindezelayo, wonke umuntu uzabuyela kwabakibo, wonke umuntu uzabalekela kwelakibo ilizwe.

¹⁷UIsrayeli uyimvu ezingelwayo, exotshwa yizilwane. Kuqala wadliwa yinkosi yeAsiriya, emva kwalokho uNebukadinezari inkosi yeBhabhiloni uqhobile amathambo akhe.

¹⁸Ngakho-ke i Nkosi yamabandla, uNkulunkulu kaIsrayeli, ithi: Khangela, ngizayitshaya inkosi yeBhabhiloni lelizwe layo, njengalokho ngayitshaya inkosi yeAsiriya.

¹⁹Ngizabuyisela uIsrayeli edlelweni lakhe, uzakudla eKharmeli leBashani, lokufisa kwakhe kukholisiswe entabeni yakoEfrayimi leGileyadi.

²⁰Ngalezonsuku langalesosikhathi, kutsho i Nkosi, kuzadingwa ukona koIsrayeli, kodwa kungatholakali; kudingwe lesono koJuda, kodwa singatholwa; ngoba ngizabathethelela labo engibatshiyayo.

²¹Hambani liye elizweni leMerathayimi lilwe lalo, lilwe labakhileyo ePekodi, libabulale, libatshabalalise, kutsho i Nkosi, lenze konke engililayele khona,

²²Kukhona umsindo wempi elizweni, lokuchitheka okukhulu.

²³Yeka ukufa lokwephuka kwesando somhlaba wonke! Yeka ukwenziwa kweBhabhiloni into eyesabekayo phakathi kwezizwe!

²⁴Ngakuthiya ngomjibila, wabanjwa, wena Bhabhiloni, ungakakwazi; watholwa, wabanjwa, ngoba walwa le Nkosi.

²⁵I Nkosi ivalile indlu yayo yezikhali, yakhupha izikhali zolaka lwayo, ngoba iNkosi uJehova wamabandla ilomsebenzi elizweni lamaKhaladiya.

²⁶Lifikeleni, livela inhlangothi zonke, livule iziphala zayo, liyibuthelele njengenqumbi yamabele, liyitshabalalise, kungasali lutho kuyo.

²⁷Bulalani amajongosi ayo wonke, kawasiwe ekuhlatshweni. Maye kuwo! Ngoba usuku lwawo lufikile, isikhathi sempindiselo yawo.

²⁸Zwanini-ke, ababalekayo labaphunyukayo bavela elizweni leBhabhiloni, ukuze bamemeze eZiyoni impindiselo ye Nkosi uNkulunkulu wethu, impindiselo yethempeli layo.

²⁹Bizani abaphatha imitshoko, balwe leBhabhiloni bonke abagobisa idandili; limise inkamba limelane layo liyihanqe, kungabi khona ophunyukayo, liyiphindisele njengezenzo zayo, lenze kuyo njengakho konke ekwenzileyo; ngoba iyidelele i Nkosi, oNgcwele kaIsrayeli.

³⁰Ngakho-ke amajaha ayo azakuwa emagumeni ayo, lawo wonke amabutho ayo azabhujiswa ngalolosuku, kutsho i Nkosi.

³¹Khangela, ngilwa lawe, wena ozikhukhumezayo, kutsho iNkosi uJehova wamabandla; ngoba usuku lwakho selufikile, isikhathi sokuphindiselwa kwakho.

³²Ozikhukhumezayo uzakhubeka awe. kungabi khona omvusayo; ngizaphemba umlilo emizini yakhe ozatshisa konke okuseduze laye.

³³I Nkosi yamabandla ithi: Abantwana bakoIsrayeli bacindezelwe kanye labantwana bakoJuda; bonke ababathumbileyo bababambile, bayala ukubayekela.

³⁴Kanti umhlengi wabo ulamandla, ubizwa ngokuthi yi Nkosi yamabandla. Isibili uzamela udaba lwabo, ukuze anike umhlaba ukuthula, kodwa anyakazise abakhileyo eBhabhiloni.

³⁵Kayifike inkemba phezu kwamaKhaladiya, kutsho i Nkosi, laphezu kwabakhileyo eBhabhiloni, phezu kweziphathamandla zayo, labahlakaniphileyo bayo.

³⁶Kayifike inkemba phezu kwabavumisi ukuze baphenduke iziphukuphuku, laphezu kwamaqhawe ukuze abhujiswe.

³⁷Kayifike inkemba phezu kwamabhiza laphezu kwenqola zayo, laphezu kwawo wonke amabutho awezizwe aphakathi kwayo, ukuze baphenduke babe ngabesifazana; inkemba ifike phezu kwenotho yayo, ukuze iphangwe.

³⁸Kufike ukubalela kwelanga phezu kwamanzi ayo ukuze acitshe, ngoba iyilizwe lezithombe ezibaziweyo, lemifanekiso yabo iyabahlanyisa.

³⁹Ngakho-ke amakhanka lezimpisi lezintshe kuzahlala eBhabhiloni; kakusayikuhlala abantu khona kuze kube nininini, kakusayikwakhelwa kulo ezizukulwaneni zonke.

⁴⁰Njengoba uNkulunkulu wagenqula iSodoma leGomora lemizi eyakhelene layo, kutsho i Nkosi, ngokunjalo kakusayikusala muntu khona, kakusayikuhlala indodana yomuntu khona.

⁴¹Khangela, kuvela abantu enyakatho, isizwe esikhulu lamakhosi amanengi avuka emikhawulweni yomhlaba.

⁴²Baphethe idandili lomkhonto, balesihluku, kabalasihawu. Umdumo wabo unjengowolwandle, bagade amabhiza, behleliwe njengabantu bempi lawe, Bhabhiloni.

⁴³Inkosi yeBhabhiloni yezwa umbiko ngabo, izandla zayo zaba buthakathaka; usizi lwayibamba, lobuhlungu obunjengowesifazana ohelelwayo.

⁴⁴Khangela, njengesilwane esiphuma ehlathini leJordani sisiya esibayeni sezimvu esiqinileyo, ngokucwayiza kwelihlo ngibaxotshe, basuke kuyo, ngilibekele lowo engimkhethileyo. Ngoba ngubani ofanana lami? Ngubani ozangibiza? Nguwuphi umelusi ongema phambi kwami?

⁴⁵Ngakho-ke zwanini icebo i Nkosi elenzayo ngeBhabhiloni, lemikhumbulo elayo ngelizwe lamaKhaladiya ukuthi: Abancinyane bomhlambi bazadonswa basuswe, lendawo yabo imangale ngokuphela kwabo.

⁴⁶Ngomsindo wokuthunjwa kweBhabhiloni umhlaba uzathuthumela, lelizwi lokukhala kwayo lizazwakala phakathi kwezizwe.