Read Ndebele-IBhayibhili Elingcwele 2006 Uhezekiyeli 4 Bible Online

Uhezekiyeli 4 - Ndebele-IBhayibhili Elingcwele 2006 bible

Uhezekiyeli 4

¹Wena, ndodana yomuntu, zithathela isitina, usibeke phambi kwakho, ubhale kiso ngokugubha umfanekiso womuzi, umuzi weJerusalema;

²udwebe indawo zokuwuvimbezela, lomduli wokuwuvimbezela, ledundulu; udwebe lenkamba futhi, lezigodo zokudiliza inhlangothi zonke.

³Uthathe umganu oyincence wensimbi, uwumise phakathi kwakho lomuzi, ube ngumduli wensimbi; wena ukhangele ngakuwo umuzi, umuzi ube ngovinjezelweyo, wena ube ngumvimbezeli. Lokhu kuzakuba yisibonakaliso kundlu kaIsrayeli.

⁴Ubusulala ngomhlubulo wakho wangasekhohlo, ngizabeka phezu kwakho isono sikaIsrayeli; uzathwala isono sabo insuku zonke zokulala kwakho ngalowomhlubulo.

⁵Usuku olulodwa luzamela umnyaka wokona kwabo; ngimisile ukuthi ukuthwale insuku ezilikhulu lamatshumi ayisificamunwemunye. Ngokunjalo-ke uzathwala ukona kwakoIsrayeli.

⁶Lapho usuziphelelisile lezonsuku, uzalala phansi ngokwesibili, kodwa ngomhlubulo wangakwesokunene, uthwale ukona kwakoJuda insuku ezingamatshumi amane; usuku olulodwa ngilumisele umnyaka.

⁷Uzakhangela ekuvinjezelweni kweJerusalema, ingalo yakho yembuliwe, uprofethe ngawo umuzi.

⁸Khangela, ngizakubopha ngamagoda ukuze ungatshibilikeli emhlubulweni omunye lomunye kuze kuphelele insuku zokuvinjezelwa kwakho.

⁹Uthathe ingqoloyi lebhali* lendumba lendlubu lenyawuthi lophoko, ukuhlanganise esitsheni sinye, wenze ngakho ukudla. Insuku olala ngazo ngomhlubulo wakho ezingamakhulu amathathu lezificamunwemunye uzakudla khona.

¹⁰Uzalinganisa ukudla kwakho, udle amashekeli* angamatshumi amabili ngelanga, ukudle ngesikhathi ngesikhathi.

¹¹Amanzi akho okunatha lawo uwalinganise, unathe ingxenye yesithupha yehini*, uwanathe ngesikhathi ngesikhathi.

¹²Ukudla kwakho uzakudla kwenziwe njengezinkwa zebhali*, ukupheke ngamalongwe abantu, ukuphekele lapho abantu abangakubona khona.

¹³I Nkosi yathi: Ngokunjalo-ke abantwana bakoIsrayeli bazakudla ukudla okungcolileyo ezizweni engizabaxotshela kizo.

¹⁴Ngasengisithi: O Nkosi Jehova! Khangela, kangizanga ngingcoliswe. Kusukela ebutsheni bami kuze kube lamuhla kangizanga ngidle ingcuba lokubulewe zinyamazana, lenyama engcolileyo kayizanga ingene emlonyeni wami.

¹⁵Yasisithi kimi: Khangela, ngikunika amalongwe enkomo endaweni yamalongwe abantu ukuze upheke ngawo ukudla kwakho.

¹⁶Yathi futhi kimi: Ndodana yomuntu, khangela, ngizanciphisa ukudla kwabo kwensuku zonke eJerusalema; abantu bazakudla ukudla ngesisindo benqineka, balinganise lamanzi abawanathayo benqineka.

¹⁷Ukudla kwabo lamanzi abo kuzancipha, baze baphelelwe ngamandla lapho bebonana, baphele nya ngenxa yezono zabo.