Read Ndebele-IBhayibhili Elingcwele 2006 Uhezekiyeli 44 Bible Online

Uhezekiyeli 44 - Ndebele-IBhayibhili Elingcwele 2006 bible

Uhezekiyeli 44

¹Wasengibuyisela esangweni elingaphandle lendlu engcwele, elikhangele empumalanga, lalivaliwe.

²Wathi kimi: Isango leli lizahlala livaliwe, kaliyikuvulwa, kakuyikungena muntu ngalo; ngoba iNkosi uJehova kaIsrayeli ingene ngalo, ngakho lizahlala livaliwe.

³Yisiphathamandla sodwa esingahlala kilo sidle isinkwa phambi kwe Nkosi. Sizangena ngendlela yendlu esekungeneni kwesango, siphume ngayo futhi.

⁴Wasengihambisa ngendlela yesangweni elingenyakatho, wangiletha ngaphambi kwethempeli. Ngabona, khangela, inkazimulo ye Nkosi igcwalise ithempeli le Nkosi, ngathi mbo ngobuso.

⁵I Nkosi yathi kimi: Ndodana yomuntu, qaphelisa kuhle ubone ngamehlo akho uzwe ngendlebe zakho konke engizakutshela khona mayelana lemithetho yethempeli le Nkosi lemilayo yalo yonke. Uqaphelise kuhle labo abangavunyelwa ukungena ethempelini lalabo abazatshiywa phandle kwendlu engcwele.

⁶Utsho kibo abakoIsrayeli abahlamukayo ukuthi iNkosi uJehova ithi: Wena Israyeli, kawaphele wonke amanyala akho,

⁷okungenisa abezizwe labangasokanga enhliziyweni lenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisephulile isivumelwano sami ngamanyala enu wonke.

⁸Kalilondolozanga izinto zami ezingcwele, kodwa limisile abezizwe ukwenza umsebenzi wami endlini yami engcwele.

⁹Ngalokho iNkosi uJehova ithi: Kakulamuntu wezizwe ongasokanga enhliziyweni lenyameni kubo bonke abezizwe abaphakathi kwabantwana bakoIsrayeli ozangena endlini yami engcwele.

¹⁰Kodwa amaLevi asuka kimi, ayakhatshana, eduhela ezithombeni zawo ekuduheni kukaIsrayeli, azathwala ukutshaywa kwawo.

¹¹Azakuba yizikhonzi endlini yami engcwele, alinde amasango ethempeli, asebenze ethempelini, ahlabe umnikelo wokutshiswa lomhlatshelo wabantu, akhangele abantu ukuze abasebenzele.

¹²Ngoba abasebenzela phambi kwezithombe zabo, aba yisikhubekiso sobubi kuIsrayeli, ngakho ngifungile mayelana labo ukuthi azathwala ukutshaywa kwawo, kutsho iNkosi uJehova.

¹³Kawayikusondela kimi ukuze angisebenzela njengabapristi, angasondeli ezintweni zami ezingcwele lezintweni ezingcwelengcwele, kodwa azathwala ihlazo lawo ngenxa yamanyala awenzayo.

¹⁴Kanti ngizawamisa ukulondoloza indlu, lokwenza umsebenzi walo lakho konke okufanele ukwenziwa kilo.

¹⁵Kodwa abapristi abangamaLevi, amadodana kaZadoki, abalondoloza indlu yami engcwele ekuduheni kwabakoIsrayeli, bazasondela kimi ukukhonza, beme phambi kwami ukunginika amahwahwa legazi, kutsho iNkosi uJehova.

¹⁶Bazangena endlini yami engcwele basondele etafuleni lami ukungikhonza, bagcine umlindo wami.

¹⁷Nxa bengena ngamasango eguma elingaphakathi, bazagqoka izembatho ezenziwe ngelembu elicolekileyo, bangagqoki lutho olwenziwe ngoboya lapho bekhonza emasangweni eguma elingaphakathi, laphakathi ethempelini.

¹⁸Bathwale amaqhiye enziwe ngelembu elicolekileyo emakhanda abo, bagqoke okabhudula bangaphansi abenziwe ngelembu elicolekileyo enkalweni zabo, kabayikuzibopha ngalutho oluginqisayo.

¹⁹Nxa sebephumela egumeni elingaphandle besiya ebantwini, bazakhulula izembatho abebezigqoke ekukhonzeni kwabo, bazibeke ezindlini ezingcwele, bagqoke ezinye izigqoko hlezi bathelele abantu ubungcwele ngezembatho zabo.

²⁰Kabayikuphuca amakhanda abo, kabayikuyekela inwele zabo zikhule zibe zinde, kodwa bazaquma inwele zamakhanda abo.

²¹Kakulampristi ozanatha iwayini lapho ezangena egumeni elingaphakathi.

²²Kabayikuthatha umfelokazi loba owesifazana owehlukene lendoda, kodwa bazathatha intombi ezigcweleyo eyosendo lwakoIsrayeli, loba umfelokazi ongumfelokazi wompristi.

²³Bazafundisa abantu bami umehluko phakathi kokungcwele lokungangcwele, babatshengise ukwehlukanisa phakathi kokungcolileyo lokuhlambulukileyo.

²⁴Lapha kukhona ukuphikisana bazakwahlulela, bahlulele ngokufanele izahlulelo zami. Bazagcina imilayo yami lezimiso zami kiyo yonke imikhosi yami emisiweyo, bagcine amasabatha ami abe ngcwele.

²⁵Kabayikuzingcolisa ngokusondela emuntwini ofileyo Kodwa ngaboyise langabonina, ngendodana langendodakazi, ngomfowabo langabodadewabo abangendanga bangazingcolisa.

²⁶Emva kokungcola kwabo bazabala insuku eziyisikhombisa besebehlambuluka.

²⁷Mhla bengenayo endaweni engcwele, egumeni elingaphakathi, ukukhonza endaweni engcwele, bazanikela umnikelo wabo wesono, kutsho iNkosi uJehova.

²⁸Kabayikuba lelifa, mina ngiyilifa labo; kaliyikubanika isabelo selizwe koIsrayeli; mina ngiyisabelo sabo.

²⁹Bazakudla umnikelo wokudla lomnikelo wesono lomnikelo wecala, konke okwehlukanisiweyo koIsrayeli kuzakuba ngokwabo.

³⁰Okokuqala kwazo zonke izithelo zokuqala zakho konke, lokweminikelo yenu yonke yenhlobo zonke kuzakuba ngokwabapristi; linike futhi abapristi okokuqala kwempuphu yenu egayekileyo, ukuze isibusiso sehlele endlini yenu.

³¹Abapristi kabayikudla inyoni kumbe ingcuba loba ebanjwe ngenye.