Read Ndebele-IBhayibhili Elingcwele 2006 Uhezekiyeli 5 Bible Online

Uhezekiyeli 5 - Ndebele-IBhayibhili Elingcwele 2006 bible

Uhezekiyeli 5

¹Ndodana yomuntu, thatha inkemba ebukhali, uyisebenzise njengempuco yomgeli, uyihambise ekhanda lakho lesilevini sakho; ubusuthatha izilinganiso zokulinganisa, ulinganise inwele uzehlukanise.

²Ingxenye yesithathu uzayitshisa ngomlilo phakathi komuzi lapho insuku zokuvimbezela seziphelile. Enye ingxenye yesithathu uyithathe, uyitshayatshayele endaweni zonke zomuzi ngenkemba; lenye ingxenye yesithathu uyichithachithe emoyeni, ngizayilandela ngiphethe inkemba.

³Uzathatha inwele eziyingcosana, uzigoqele ngomphetho wesembatho sakho.

⁴Ubusuthatha ezinye zazo, uziphosele emlilweni zitshe; umlilo uzavela kuzo utshise uIsrayeli.

⁵INkosi uJehova ithi: Lumuzi weJerusalema ngiwumisile phakathi kwezizwe, amanye amazwe awuphahlile.

⁶Uhlamukele imithetho yami lezimiso zami ngokwenza okubi okwedlula ezinye izizwe lamazwe awuphahlileyo; bayilahlile imithetho yami, kabahambanga ngezimiso zami.

⁷Ngakho-ke iNkosi uJehova ithi: Njengoba lihlamukile okwedlula izizwe eziliphahlileyo, lingalondolozi imithetho yami, lingagcini lezimiso zami, lingagcini lezimiso zezizwe eziliphahlileyo.

⁸Ngalokho iNkosi uJehova ithi: Khangela, mina ngimelene lani, ngizakwenza izigwebo phakathi kwenu, ukuze izizwe zonke zibone.

⁹Ngenxa yamanyala enu wonke ngizakwenza kini engingazake ngikwenze lengingasayikukwenza futhi.

¹⁰Ngakho oyise bazakudla abantwana babo phakathi kwenu, labantwana badle oyise. Ngizakwenza izigwebo phakathi kwenu, labo abaseleyo ngizabachithachithela emimoyeni yonke.

¹¹Ngakho-ke ngiyazifunga, kutsho iNkosi uJehova, ngoba lingcolisile isibili indlu yami engcwele ngakho konke okuzondekayo langamanyala enu wonke, ngizalibhubhisa ngingalihawukeli, ngingaliyekeli.

¹²Ingxenye yesithathu yenu izabulawa ngomatshayabhuqe wesifo, iqedwe yindlala phakathi kwenu; ingxenye yesithathu izabulawa ngenkemba endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe inkemba.

¹³Kuzaphela-ke ukuthukuthela kwami, ngenelise ukufutheka kwami ngabo, bazakwazi ukuthi mina, Nkosi, ngikhulumile ngomona wami lapho sengiphelelise ukufutheka kwami kibo.

¹⁴Futhi ngizalichitha, ngilenze libe lihlazo phakathi kwezizwe eziliphahlileyo lakubo bonke abadlulayo.

¹⁵Lizakuba lihlazo lenhlekisa lesixwayiso lento eyesabekayo ezizweni eziliphahlileyo nxa ngisenza izigwebo phakathi kwenu ngokuthukuthela langokufutheka, ngilitshaya ngokubuhlungu; mina Nkosi ngikhulumile.

¹⁶Lapha ngilitshoka ngemitshoko ebulalayo yendlala, imitshoko yokubhubhisa, ngizayitshokela ukulibhubhisa ngayo, ngizalilethela indlala nginciphise ukudla kwenu kwensuku zonke.

¹⁷Ngizalithumela indlala lezilo zeganga, zibulale abantwana benu; umatshayabhuqe wesifo legazi kudabule phakathi kwenu; ngizalilethela inkemba. Mina Nkosi ngikhulumile.