Read Ndebele-IBhayibhili Elingcwele 2006 Uhosiya 5 Bible Online

Uhosiya 5 - Ndebele-IBhayibhili Elingcwele 2006 bible

Uhosiya 5

¹Zwanini lokhu, lina bapristi, lilalele, lina Israyeli, libeke indlebe, lani ndlu yenkosi. Ngoba isigwebo simayelana lani, ngoba belingumjibila eMizipa, lembule elendlalwe eThabhori.

²Bahlamukile, batshona ebubini, ngakho-ke ngizabatshaya bonke.

³Ngiyamazi uEfrayimi, loIsrayeli kafihlakalanga kimi, ngoba khathesi, wena Efrayimi, ufebile. uIsrayeli ungcolisiwe.

⁴Izenzo zabo kazibavumeli ukubuyela kuNkulunkulu wabo. Ngoba umoya wokuwula uphakathi kwabo, kabayazi i Nkosi.

⁵Ukuzigqaja kukaIsrayeli kuyafakaza phambi kwakhe; uEfrayimi uzakubeka ngokona kwakhe, loJuda akhubeke kanye laye.

⁶Bazahamba lezimvu zabo lenkomo zabo ukuyahlabela i Nkosi, kodwa kabayikuyithola, ngoba isukile kibo.

⁷Bayikhohlisile i Nkosi, ngoba bazele abantwana bezizweni. Khathesi-ke ohlaselayo uzabachitha lamazwe abo.

⁸Vuthelani uphondo eGibeya, liluvuthele eRama, lihlabe umkhosi eBetiAveni, uthuthumele, wena Bhenjamini.

⁹UEfrayimi uzachitheka esukwini lokutshaywa; phakathi kwezizwe zakoIsrayeli ngiyatshengisa okuliqiniso.

¹⁰Ababusi bakoJuda sebenjengabantu abasiphuna izikhonkwane zemingcele; ngizakwehlisela kibo ulaka lwami njengamanzi.

¹¹UEfrayimi ucindezelwe wachotshozwa ngesahlulelo, ngoba wavuma ukulandela umlayo.

¹²Ngakhoke mina ngizakuba njengenundu koEfrayimi, lanjengokubola koJuda.

¹³Kwathi lapho uEfrayimi ebona umkhuhlane wakhe, loJuda ebona isilonda sakhe, uEfrayimi wasesiya eAsiriya, wathumela ilizwi enkosini enkulu. Kodwa kayilamandla ukulelapha, lokupholisa izilonda zenu.

¹⁴Ngizakuba njengesilwane koEfrayimi, ngibe njengebhongo lesilwane koJuda. Mina, uqobo lwami, ngizabadabudabula, besengihamba, ngibathwale njengempango yami, kungabi khona ongemukayo.

¹⁵Ngizabuyela futhi endaweni yami, baze bavume icala labo, bangidinge; esizini lwabo bangidingisise.