Read Ndebele-IBhayibhili Elingcwele 2006 Uhosiya 9 Bible Online

Uhosiya 9 - Ndebele-IBhayibhili Elingcwele 2006 bible

Uhosiya 9

¹Ungajabuli, wena Israyeli, ungathokozi njengabezizwe, ngoba uwulile ngokutshiya uNkulunkulu wakho; uthandile umvuzo wewule emabaleni wonke okubhulela amabele.

²Ibala lokubhulela lesikhamelo sewayini kakuyikubanika abantu ukudla, lewayini elitsha lizabaphelela.

³Kabayikuhlala elizweni le Nkosi, kodwa abakoEfrayimi bazabuyela eGibhithe, badle ukudla okungcolileyo eAsiriya.

⁴Kabayikuthululela iminikelo yewayini e Nkosi ni, kabayikuyithokozisa ngemihlatshelo yabo. Ukudla kwabo kuzakuba njengokudla kwabalilayo, bonke abakudlayo bazangcola; ngoba ukudla kwabo kuzakuba ngokwabo kuphela, kakuyikunikelwa ethempelini le Nkosi.

⁵Bazakwenza njani ngosuku lomkhosi omisiweyo, langosuku lwedili le Nkosi?

⁶Ngoba khangela, bazabaleka endaweni yokuchitheka, iGibhithe lizabemukela, iMemfisi libe lingcwaba labo, izinto zabo eziligugu zesiliva zigcwale imbabazane, lameva agcwale emathenteni abo.

⁷Insuku zokuhanjelwa sezifikile, lensuku zempindiselo sezifikile. UIsrayeli uzakwazi lokhu. Umprofethi uzakuba njengesithutha. lomuntu olomoya abe njengohlanyayo ngenxa yobubi benu obukhulu lenzondo yenu enkulu.

⁸Ngolaka olukhulu uEfrayimi ucathamele abantu bakaNkulunkulu umprofethi uyisifu endleleni zabo zonke, lomjibila endlini kaNkulunkulu.

⁹Bazonakalisile kakhulu njengensukwini zeGibeya. UNkulunkulu uzakhumbula ububi babo, abaphindisele ngenxa yezono zabo.

¹⁰Ngamthola uIsrayeli njengezithelo zevini egangeni, ngababona oyihlo njengezithelo zokuqala zomkhiwa. Kodwa bafika eBhali-Peyori, bazinikela kuBhali, baba yisinengiso njengento abayithandileyo.

¹¹Udumo lukaEfrayimi luzaphapha luhambe njengenyoni, kungabikho ukuzala, lokuthatha isisu, lokukhulelwa.

¹²Loba bekhulisa abantwana, ngizabemuka bona, kungasali loyedwa. Maye kibo lapho ngisuka kibo!

¹³Njengokubona kwami abantwana bakoEfrayimi bazakuba yimpango; uEfrayimi kakhuphele abantwana bakhe ukubulawa.

¹⁴Banike, Nkosi ! Uzabanikani? Banike isisu esiphumayo lamabele angelalutho.

¹⁵Bonke ububi babo baqala eGiligali, ngalokho ngabazonda khona. Ngenxa yobubi bezenzo zabo ngizabaxotsha endlini yami. Kangisayikubathanda; bonke ababusi babo bayahlamuka.

¹⁶AbakoEfrayimi batshayiwe; impande yabo yomile, kabayikuthela izithelo. Loba bezala, ngizabulala isithelo sesizalo sabo esithandekayo.

¹⁷UNkulunkulu wami uzabalahla, ngoba kabamlalelanga; bazakuba ngabazulayo phakathi kwezizwe.