Read Ndebele-IBhayibhili Elingcwele 2006 U-Amosi 2 Bible Online

U-Amosi 2 - Ndebele-IBhayibhili Elingcwele 2006 bible

U-Amosi 2

¹I Nkosi ithi: Ngenxa yeziphambeko ezinengi zamaMowabi kangiyikuwayekela, ngoba atshisa amathambo enkosi yeEdoma aze aba likalaga.

²Ngakho ngizathumela umlilo koMowabi ozaqeda izinqaba zeKeriyothi, uMowabi afele phakathi kokuxokozela lokumemeza lokukhala kophondo;

³ngizaquma umahluleli asuke phakathi kwakhe, ngibulale zonke izikhulu kanye laye; kutsho i Nkosi.

⁴I Nkosi ithi: Ngenxa yeziphambeko ezinengi zakoJuda kangiyikubayekela, ngoba bawalile umlayo we Nkosi, kabagcinanga izimiso zayo, baduhiswe yizithombe zabo abazikhonzayo oyise.

⁵Ngakho ngizathumela umlilo koJuda ozaqeda izinqaba zeJerusalema.

⁶I Nkosi ithi: Ngenxa yeziphambeko ezinengi zakoIsrayeli kangiyikubayekela, ngoba bathengisa abalungileyo ngesiliva labaswelayo ngamanyathela;

⁷abalangatha uthuli lomhlaba phezu kwekhanda labayanga, baphambukisa indlela yabamnene. Umuntu loyise baya entombini nye, ukuze bangcolise ibizo lami elingcwele.

⁸Bacambalala emaceleni awo wonke amalathi ezembathweni ezinikwe zaba yisibambiso, banathe endlini kaNkulunkulu wabo iwayini labahlawulisiweyo.

⁹Kanti mina ngachitha amaAmori phambi kwabo, ubude bawo babulingana lobude bezihlahla zomsedari ezinde, lokuqina kwawo kunjengezihlahla zamaokhi*; kodwa ngachitha izithelo zawo ngaphezulu, lempande zawo ngaphansi.

¹⁰Futhi mina ngalikhupha elizweni leGibhithe, ngalikhokhela enkangala iminyaka engamatshumi amane, ukuze lithumbe ilizwe lamaAmori.

¹¹Ngavusa abanye emadodaneni enu ukuze babe ngabaprofethi, labanye emajaheni enu ukuze babe ngamaNaziri. Kakunjalo yini lina bantwana bakoIsrayeli? kutsho i Nkosi.

¹²Kodwa lawanathisa iwayini amaNaziri, labatshela abaprofethi ukuthi bangaprofethi.

¹³Khangelani, ngizalinyathela endaweni yenu njengenqola egcwele izithungo inyathela umuntu.

¹⁴Olejubane uzaphelelwa yisiqubu, lolamandla ephelelwe ngamandla, leqhawe kaliyikuzisiza;

¹⁵ophethe idandili kayikuqina, lolejubane kayikuphunyuka, logade ibhiza kayikuzikhulula,

¹⁶lolesibindi phakathi kwamaqhawe uzabaleka eze ngalolosuku; kutsho i Nkosi.