Read Ndebele-IBhayibhili Elingcwele 2006 U-Amosi 3 Bible Online

U-Amosi 3 - Ndebele-IBhayibhili Elingcwele 2006 bible

U-Amosi 3

¹Zwanini lelilizwi i Nkosi elikhulume ngani, lina bantwana bakoIsrayeli, ngesizwe sonke eyasikhupha elizweni leGibhithe, ithi:

²Yini kuphela engilikhethileyo, ngalilondoloza ezizweni zonke zomhlaba; ngakho-ke ngizalitshaya ngenxa yabo bonke ububi benu.

³Ababili bangahamba bonke kanyekanye uba bengavumelananga yini?

⁴Isilwane singabhonga ehlathini singabambanga lutho yini? Ibhongo lesilwane libhonge ebhalwini lwaso singelalutho yini?

⁵Inyoni ingabanjwa lapho engathiywanga khona yini? lomjibila ungathanya uba ungabambanga lutho yini?

⁶Uphondo lungavuthelwa emzini abantu bengethuki yini? Umuzi ungehlelwa ngokubi i Nkosi ingakuvumelanga yini?

⁷Isibili iNkosi uJehova kayenzi lutho ingazambulelanga inceku zayo abaprofethi imfihlakalo yayo.

⁸Isilwane sesibhongile, ngubani ongayikwesaba? INkosi uJehova isikhulumile, ngubani ongayekela ukuprofetha?

⁹Memezelani ezinqabeni zeAsiriya lezinqabeni zelizweni leGibhithe, lithi: Buthanani phezu kwezintaba zeSamariya, libone iziphithiphithi ezinkulu eziphakathi kwayo locindezelo olukiyo.

¹⁰Ngoba kabakwazi ukwenza okulungileyo, kutsho i Nkosi, bagcwalisa inqaba zabo ngomvuzo wokugebenga lokuphanga.

¹¹Ngakho iNkosi uJehova ithi: Izitha zizazingelezela ilizwe lakini, zichithe amandla enu, ziphangwe inqaba zenu.

¹²I Nkosi ithi: Njengalokho umelusi ekhupha emlonyeni wesilwane imilenze emibili loba isiqa sendlebe, ngokunjalo-ke abantwana bakoIsrayeli abahlala eSamariya bazakhutshwa, abalala emibhedeni elamalembu amahle.

¹³Zwanini lifakaze ngendlu kaJakobe, kutsho iNkosi uJehova wamabandla; ithi:

¹⁴Mhla ngiphindisela uIsrayeli ngenxa yeziphambeko zakhe ngizaphindisela amalathi eBhetheli, kwaphuke impondo zelathi ziwele phansi.

¹⁵Ngizatshaya indlu yasebusika lendlu yasehlobo, izindlu zempondo zendlovu zizadilika, lezindlu ezinengi ziwohloke; kutsho i Nkosi.