Read Ndebele-IBhayibhili Elingcwele 2006 U-Amosi 5 Bible Online

U-Amosi 5 - Ndebele-IBhayibhili Elingcwele 2006 bible

U-Amosi 5

¹Zwanini lelilizwi engilitsho ngani, libe yisililo, lina ndlu kaIsrayeli.

²Iwile intombi emsulwa yakoIsrayeli, kayisayikuvuka futhi; iwele phansi emhlabathini wayo, kakho ongayivusa.

³INkosi uJehova ithi: Emzini okwaphuma kiwo abayinkulungwane kuzasala ikhulu nje, lokwaphuma kiwo abalikhulu kuzasala itshumi nje koIsrayeli.

⁴Ngoba i Nkosi ithi kuIsrayeli: Ngidingani ukuze liphile;

⁵kodwa lingadingi iBhetheli, lingangeni eGiligali, loba lidlulele eBherishebha, ngoba iGiligali lizathunjwa, leBhetheli lizachitheka.

⁶Dingani i Nkosi ukuze liphile, hlezi ilumathe endlini kaJosefa njengomlilo otshisa uqothule, kungabi khona owucitshayo eBhetheli,

⁷lina elihlanekela isahlulelo likwenze kube yinto ebabayo, liphosele phansi ukulunga.

⁸Yiyo eyenza inkanyezi ezithiwa yisiLimela lezithiwa yiziNja, lephendula umnyama omkhulu ube yikusa, iphendule imini ibe yibusuku, ibize amanzi olwandle iwanisele phezu komhlabathi; yi Nkosi ibizo layo.

⁹Yehlisela abalamandla ukuchitheka. lencithakalo phezu kwenqaba.

¹⁰Liyamzonda obakhuzayo enkundleni abonayo, linengwe ngokhuluma iqiniso.

¹¹Ngenxa yokuthi linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

¹²Ngoba ngiyazi ukuthi iziphambeko zenu zinengi kangakanani, lokuthi izono zenu zinkulu kangakanani, lina elihlupha abalungileyo, lemukele umvuzo wokuthengwa, lixotshe abaswelayo enkundleni.

¹³Ngakho-ke ohlakaniphileyo uzazithulela ngalesosikhathi, ngoba kuyisikhathi esibi.

¹⁴Dingani okuhle, hatshi okubi, ukuze liphile, ukuze ibe lani iNkosi uJehova wamabandla njengokutsho kwenu.

¹⁵Zondani ububi lithande okuhle, limise ukwahlulela esangweni; mhlawumbe i Nkosi uNkulunkulu wamabandla ingaba lomusa kunsali yakoJosefa.

¹⁶I Nkosi uNkulunkulu wamabandla, iNkosi, ithi: Edangeni yenu yonke kuzakuba khona ukulila, lakuzo zonke indlela bazakuthi: Maye! Maye! Bazabiza abalimi ukuze balile, labakwaziyo ukukhala ukuze balile.

¹⁷Lakuzo zonke izivini kuzakuba khona ukulila, ngoba ngizadabula phakathi kwenu, kutsho i Nkosi.

¹⁸Maye kini, lina elifisa usuku lwe Nkosi ! Usuku lwe Nkosi luzalisizani? Ngoba lungumnyama, kalusikho ukukhanya.

¹⁹Kunjengomuntu obalekele isilwane, ehlangane lebhere, loba angene endlini abambelele ngesandla emdulini, alunywe yinyoka.

²⁰Angithi usuku lwe Nkosi lungumnyama, kalusikho ukukhanya, usuku lomnyama ongelakukhanya?

²¹Ngiyayizonda, ngiyayidelela imikhosi yenu, kangithokozi ngemihlangano yenu enzulu.

²²Lanxa linikela kimi iminikelo yenu yokutshiswa leminikelo yenu yokudla, kangiyikuyemukela, leminikelo yokuthula yezifuyo yenu ezinonileyo kangiyikuyinanza.

²³Susani kimi umsindo wezingoma zenu. kangiyikulalela lokukhala kwamachacho enu.

²⁴Kodwa okufaneleyo kakugobhoze njengamanzi, lokulunga kugeleze njengemifula engacitshiyo.

²⁵Lina ndlu kaIsrayeli lake laletha kimi imihlatshelo leminikelo enkangala okweminyaka engamatshumi amane yini?

²⁶Lizathwala uSakuthi inkosi yenu loKayiwane inkanyezi kaNkulunkulu wenu, izithombe zenu elizenzele zona.

²⁷Ngakho-ke ngizalenza ukuthi lithunjelwe ngaphambi kweDamaseko, kutsho i Nkosi, ebizwa ngokuthi nguNkulunkulu wamabandla.