Read Ndebele-IBhayibhili Elingcwele 2006 U-Amosi 8 Bible Online

U-Amosi 8 - Ndebele-IBhayibhili Elingcwele 2006 bible

U-Amosi 8

¹INkosi uJehova yangitshengisa lokhu, khangela, isitsha sezithelo zasehlobo.

²Yathi kimi: Amosi, ubonani? Ngathi: Ngibona isitsha sezithelo zasehlobo. I Nkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi.

³Izingoma zethempelini zizaphenduka zibe yikukhala mhlalokho, kutsho iNkosi uJehova; izidumbu zizagcwala yonke indawo, zikhutshelwe phandle. Thulanike!

⁴Zwanini lokhu, lina elinyathelela phansi abaswelayo, elichitha abayanga belizwe,

⁵elithi: Ukuthwasa kwenyanga kuzadlula nini ukuze sithengise amabele? lesabatha lizaphela nini ukuze sidingise amabele ethu, senze isikali sokulinganisa sibe sincinyane, lemali ibe nengi, sikhohlise ngesilinganiso,

⁶ukuze sithenge abayanga ngesiliva labaswelayo ngamanyathela, sithengise amakhoba amabele yini?

⁷I Nkosi ifungile ngokuzigqaja kukaJakobe, yathi: Isibili kangiyikuzikhohlwa izenzo zabo kuze kube nininini.

⁸Kawuyikuqhaqhazela umhlaba wonke ngalokhu, balile bonke abakhileyo kiwo, ukhukhumale wonke njengomfula inile, uphoseke le lale, ubuye ubohle njengeNile leGibhithe yini?

⁹Ngalolosuku, itsho iNkosi uJehova, ngizatshonisa ilanga emini, ngenze kube mnyama emhlabeni emini ekhanyayo.

¹⁰Ngizaphendula imikhosi yenu ibe yikukhala, lengoma zenu zonke zibe yikulila, livunule amalembu amasaka enkalweni zonke liphuce amakhanda enu, kube yisililo esinjengesokulilela indodana eyodwa, kube lusuku olubabayo.

¹¹Khangelani, insuku ziyeza, kutsho iNkosi uJehova, lapho ngizathumela indlala elizweni, kungabi yindlala yokudla, kungabi ngeyokomela amanzi, kodwa kube ngeyokuzwa amazwi e Nkosi.

¹²Abantu bazazula kusukela elwandle kuze kube selwandle, kusukela enyakatho kuze kube sempumalanga, bagijimele le lale, bedinga ilizwi le Nkosi, bangalitholi.

¹³Ngalolosuku intombi ezigcweleyo ezinhle lamajaha azaqaleka ngenxa yokoma.

¹⁴Abafunga isithombe seSamariya besithi: Unkulunkulu wakho, Dani, uyaphila! lokuthi: Indlela yeBherishebha; bazakuwa, bangabe besavuka.