Read Ndebele-IBhayibhili Elingcwele 2006 Unumeri 14 Bible Online

Unumeri 14 - Ndebele-IBhayibhili Elingcwele 2006 bible

Unumeri 14

¹Lenhlangano yonke yasiziphakamisa, yazwakalisa ilizwi layo; abantu basebekhala inyembezi ngalobobusuku.

²Bonke abantwana bakoIsrayeli basebengunguna bemelene loMozisi loAroni; lenhlangano yonke yathi kubo: Kungathi ngabe safela elizweni leGibhithe, kumbe kungathi ngabe safela kule inkangala !

³Njalo kungani i Nkosi isilethe kulelilizwe ukuthi siwe ngenkemba? Omkethu labantwanyana bethu bazakuba yimpango. Bekungebe ngcono kithi ukubuyela eGibhithe yini?

⁴Basebesithi omunye komunye: Asimiseni inhloko, sibuyele eGibhithe.

⁵UMozisi loAroni basebesithi mbo ngobuso babo phambi kwebandla lonke lenhlangano yabantwana bakoIsrayeli.

⁶UJoshuwa indodana kaNuni loKalebi indodana kaJefune ababengabalabo abahlola ilizwe, basebedabula izembatho zabo,

⁷bakhuluma kunhlangano yonke yabantwana bakoIsrayeli besithi: Ilizwe esadabula kulo ukuze silihlole yilizwe elihle kakhulukazi.

⁸Uba i Nkosi ithokoza ngathi, izasingenisa kulelilizwe, isinike lona, ilizwe eligeleza uchago loluju.

⁹Kuphela lingayivukeli i Nkosi; futhi lina lingesabi abantu belizwe, ngoba bayikudla kwethu. Umthunzi wabo usukile kubo; le Nkosi ilathi; lingabesabi.

¹⁰Kodwa inhlangano yonke yathi kabakhandwe ngamatshe. Inkazimulo ye Nkosi yasibonakala ethenteni lenhlangano kubo bonke abantwana bakoIsrayeli.

¹¹I Nkosi yasisithi kuMozisi: Koze kube nini lababantu bengidelela? Koze kube nini bengangikholwa, ngazo zonke izibonakaliso engizenze phakathi kwabo?

¹²Ngizabatshaya ngomatshayabhuqe wesifo, ngibathathele ilifa, ngikwenze ube yisizwe esikhulu lesilamandla kulabo.

¹³UMozisi wasesithi e Nkosi ni: Khona amaGibhithe azakuzwa; ngoba wenyuse lababantu phakathi kwawo ngamandla akho.

¹⁴Njalo azatshela abahlali balelilizwe. Bazwile ukuthi wena Nkosi uphakathi kwalababantu, ukuthi wena Nkosi ubonwa ubuso ngobuso, lokuthi iyezi lakho lima phezu kwabo, uhamba phambi kwabo usensikeni yeyezi emini lensikeni yomlilo ebusuku.

¹⁵Uba ubulala lababantu njengomuntu oyedwa, izizwe ezizwe ngendumela yakho zizakhuluma zisithi:

¹⁶Ngoba i Nkosi yayingelakho ukungenisa lababantu elizweni eyabafungela lona, ngakho ibabulele enkangala.

¹⁷Khathesi-ke, ngiyancenga, kawabe makhulu amandla eNkosi yami, njengokutsho kwakho usithi:

¹⁸I Nkosi iyaphuza ukuthukuthela, njalo inkulu emuseni, ithethelela ububi leziphambeko, kodwa engayikumyekela lokumyekela olecala, iphindisela ububi baboyise phezu kwabantwana kwesesithathu lesesine isizukulwana.

¹⁹Thethelela, ngiyancenga, ububi balababantu njengobukhulu bomusa wakho, lanjengalokho ubathethelele lababantu kusukela eGibhithe kuze kube khathesi.

²⁰I Nkosi yasisithi: Sengibathethelele njengokwelizwi lakho.

²¹Kodwa isibili, njengalokhu ngiphila, umhlaba wonke uzagcwala ngenkazimulo ye Nkosi.

²²ngoba wonke amadoda abone inkazimulo yami lezibonakaliso zami engazenza eGibhithe lenkangala, langilingileyo lezizikhathi ezilitshumi, kawezwanga ilizwi lami,

²³isibili kabayikubona ilizwe engalifungela oyise; futhi kakho owalabo abangideleleyo ozalibona.

²⁴Kodwa inceku yami uKalebi, ngoba omunye umoya ubulaye, wangilandela ngokupheleleyo; ngakho ngizamngenisa elizweni ayengene kilo; lenzalo yakhe izakudla ilifa lalo.

²⁵(AmaAmaleki lamaKhanani ahlala-ke esigodini.) Kusasa phendukani, lisuke liziyele enkangala ngendlela yoLwandle oluBomvu.

²⁶I Nkosi yasikhuluma kuMozisi lakuAroni isithi:

²⁷Koze kube nini ngila linhlangano embi, engingungunelayo? Ngizwile ukungunguna kwabantwana bakoIsrayeli abangunguna ngakho bemelene lami.

²⁸Tshono kibo uthi: Sibili njengoba ngiphila, kutsho i Nkosi, njengalokhu likhulume endlebeni zami, ngizakwenza njalo kini.

²⁹Izidumbu zenu zizawela enkangala le, labo bonke ababaliweyo benu, njengokwenani lonke lenu, kusukela koleminyaka engamatshumi amabili langaphezulu, lina abangingunguneleyo;

³⁰sibili lina kaliyikungena elizweni engiliphakamisele isandla sami ukulihlalisa kulo, ngaphandle kukaKalebi indodana kaJefune loJoshuwa indodana kaNuni.

³¹Kodwa abantwanyana benu elathi ngabo bazakuba yimpango, ngizabangenisa, bazalazi ilizwe elalilahlayo.

³²Lina-ke, izidumbu zenu zizawela kulinkangala.

³³Labantwana benu bazakuba zinzulane enkangala iminyaka engamatshumi amane, bathwale ukuphinga kwenu, izidumbu zenu zize ziphele enkangala.

³⁴Njengokwenani lezinsuku elahlola ngazo ilizwe, insuku ezingamatshumi amane, usuku ngomnyaka, usuku ngomnyaka, lizathwala ububi benu, iminyaka engamatshumi amane, lazi ukumelana kwami lani.

³⁵Mina Nkosi ngikhulumile. Isibili ngizakwenza lokhu kulinhlangano yonke embi ebuthene imelene lami; kulinkangala bazaphela, bafele khona.

³⁶Njalo amadoda uMozisi awathumayo ukuhlola ilizwe, esephenduka, enza inhlangano yonke yamngungunela ngokuletha umbiko omubi mayelana lelizwe,

³⁷lamadoda aletha umbiko omubi ngelizwe afa ngenhlupheko phambi kwe Nkosi.

³⁸Kodwa uJoshuwa indodana kaNuni loKalebi indodana kaJefune, kulawomadoda ayeyehlola ilizwe, asala ephila.

³⁹Njalo uMozisi wakhuluma lamazwi kubo bonke abantwana bakoIsrayeli; abantu basebelila kakhulu.

⁴⁰Basebevuka ekuseni kakhulu, benyukela engqongeni yentaba, besithi: Khangelani silapha, sizakwenyukela endaweni i Nkosi eyithembisileyo; ngoba sonile.

⁴¹Kodwa uMozisi wathi: Kungani-ke liseqa umlayo we Nkosi? Ngoba kakuyikuphumelela.

⁴²Lingenyuki, ngoba i Nkosi kayikho phakathi kwenu, ukuze lingatshaywa phambi kwezitha zenu.

⁴³Ngoba amaAmaleki lamaKhanani alapho phambi kwenu; njalo lizakuwa ngenkemba, ngoba njengoba liphendukile ekulandeleni i Nkosi, i Nkosi kayiyikuba lani.

⁴⁴Kodwa ngokuziqhenya benyukela engqongeni yentaba, kodwa umtshokotsho wesivumelwano se Nkosi loMozisi kawuphumanga phakathi kwenkamba.

⁴⁵AmaAmaleki asesehla, lamaKhanani ahlala kulezozintaba, abatshaya, abahlakaza kwaze kwaba seHorma.