Read Ndebele-IBhayibhili Elingcwele 2006 Unumeri 26 Bible Online

Unumeri 26 - Ndebele-IBhayibhili Elingcwele 2006 bible

Unumeri 26

¹Kwathi emva kwenhlupheko i Nkosi yakhuluma kuMozisi lakuEleyazare indodana kaAroni umpristi, isithi:

²Thathani inani lonke lenhlangano yonke yabantwana bakoIsrayeli, kusukela koleminyaka engamatshumi amabili langaphezulu, ngezindlu zaboyise, bonke abaphuma ukuya ebuthweni koIsrayeli.

³UMozisi loEleyazare umpristi basebekhuluma labo emagcekeni akoMowabi, eJordani eJeriko, besithi:

⁴Babale kusukela koleminyaka engamatshumi amabili langaphezulu, njengokulaya kwe Nkosi kuMozisi labantwana bakoIsrayeli abaphuma elizweni leGibhithe.

⁵URubeni, izibulo likaIsrayeli. Amadodana kaRubeni: UHanoki, okwavela kuye usendo lwabakoHanoki; koPalu, usendo lwabakoPalu;

⁶koHezironi, usendo lwabakoHezironi; koKarimi, usendo lwabakoKarimi.

⁷Lezi zinsendo zabakoRubeni; lalabo ababalwayo babo babeyizinkulungwane ezingamatshumi amane lantathu lamakhulu ayisikhombisa lamatshumi amathathu.

⁸Lamadodana kaPalu; uEliyabi.

⁹Lamadodana kaEliyabi; oNemuweli loDathani loAbiramu. Yibo oDathani loAbiramu, ababizwa yinhlangano, abaphikisana loMozisi loAroni, eqenjini likaKora, lapho bephikisana le Nkosi.

¹⁰Lomhlaba wavula umlomo wawo, wabaginya loKora ekufeni kwaleloqembu, lapho umlilo waqothula amadoda angamakhulu amabili lamatshumi amahlanu; asesiba yisibonelo.

¹¹Kodwa abantwana bakaKora kabafanga.

¹²Amadodana kaSimeyoni ngensendo zawo: KoNemuweli, usendo lwabakoNemuweli; koJamini, usendo lwabakoJamini; koJakini, usendo lwabakoJakini;

¹³koZera, usendo lwabakoZera; koShawuli, usendo lwabakoShawuli.

¹⁴Lezi zinsendo zabakoSimeyoni; izinkulungwane ezingamatshumi amabili lambili lamakhulu amabili.

¹⁵Amadodana kaGadi ngensendo zawo: KoZefoni, usendo lwabakoZefoni; koHagi, usendo lwabakoHagi; koShuni, usendo lwabakoShuni;

¹⁶koOzini, usendo lwabakoOzini; koEri, usendo lwabakoEri;

¹⁷koArodi, usendo lwabakoArodi; koAreli, usendo lwabakoAreli.

¹⁸Lezi zinsendo zamadodana kaGadi, njengababaliweyo babo, inkulungwane ezingamatshumi amane lamakhulu amahlanu.

¹⁹Amadodana kaJuda ayengoEri loOnani; oEri loOnani basebefela elizweni leKhanani.

²⁰Njalo amadodana kaJuda ngensendo zawo yila: KoShela, usendo lwabakoShela; koPerezi, usendo lwabakoPerezi; koZera, usendo lwabakoZera.

²¹Lamadodana kaPerezi yila: KoHezironi, usendo lwabakoHezironi; koHamuli, usendo lwabakoHamuli.

²²Lezi zinsendo zikaJuda, njengababaliweyo babo, inkulungwane ezingamatshumi ayisikhombisa lesithupha lamakhulu amahlanu.

²³Amadodana kaIsakari ngensendo zawo: K oThola, usendo lwabakoThola; koPhuwa, usendo lwabakoPhuwa;

²⁴koJashubi, usendo lwabakoJashubi; koShimroni, usendo lwabakoShimroni.

²⁵Lezi zinsendo zikaIsakari, njengababaliweyo babo, inkulungwane ezingamatshumi ayisithupha lane lamakhulu amathathu.

²⁶Amadodana kaZebuluni ngensendo zawo: KoSeredi, usendo lwabakoSeredi; koEloni, usendo lwabakoEloni; koJaleli, usendo lwabakoJaleli.

²⁷Lezi zinsendo zabakoZebuloni, njengababaliweyo babo, inkulungwane ezingamatshumi ayisithupha lamakhulu amahlanu.

²⁸Amadodana kaJosefa ngensendo zawo ayengoManase loEfrayimi.

²⁹Amadodana kaManase: KoMakiri, usendo lwabakoMakiri; uMakiri wasezala uGileyadi; koGileyadi, usendo lwabakoGileyadi.

³⁰La ngamadodana kaGileyadi: K oIyezeri, usendo lwabakoIyezeri; koHeleki, usendo lwabakoHeleki;

³¹la ko Asiriyeli, usendo lwabakoAsiriyeli; la ko Shekema, usendo lwabakoShekema;

³²la ko Shemida, usendo lwabakoShemida; la ko Heferi, usendo lwabakoHeferi.

³³Njalo uZelofehadi indodana kaHeferi wayengelamadodana, kodwa amadodakazi. Lamabizo amadodakazi kaZelofehadi ayengoMahla, loNowa, uHogila, uMilka, loTiriza.

³⁴Lezi zinsendo zikaManase, lababaliweyo babo, inkulungwane ezingamatshumi amahlanu lambili lamakhulu ayisikhombisa.

³⁵La ngamadodana kaEfrayimi ngensendo zawo: KoShuthela, usendo lwabakoShuthela; koBekeri, usendo lwabakoBekeri; koTahani, usendo lwabakoTahani.

³⁶Lala ngamadodana kaShuthela: KoErani, usendo lwabakoErani.

³⁷Lezi zinsendo zamadodana kaEfrayimi, njengababaliweyo babo, inkulungwane ezingamatshumi amathathu lambili lamakhulu amahlanu. La ngamadodana kaJosefa ngensendo zawo.

³⁸Amadodana kaBhenjamini ngensendo zawo: KoBhela, usendo lwabakoBhela; koAshibeli, usendo lwabakoAshibeli; koAhiramu, usendo lwabakoAhiramu;

³⁹koShefufamu, usendo lwabakoShefufamu; koHufamu, usendo lwabakoHufamu.

⁴⁰Lamadodana kaBhela ayenguAridi loNamani: KoAridi, usendo lwabakoAridi; koNamani, usendo lwabakoNamani.

⁴¹La ngamadodana kaBhenjamini ngensendo zawo; lababaliweyo babo babeyizinkulungwane ezingamatshumi amane lanhlanu lamakhulu ayisithupha.

⁴²La ngamadodana kaDani ngensendo zawo: KoShuhamu, usendo lwabakoShuhamu. Lezi zinsendo zikaDani ngensendo zazo.

⁴³Zonke insendo zabakoShuhamu, njengababaliweyo babo, babeyizinkulungwane ezingamatshumi ayisithupha lane lamakhulu amane.

⁴⁴Amadodana kaAsheri ngensendo zawo: KoJimna, usendo lwabakoJimna; koIshivi, usendo lwabakoIshivi; koBeriya, usendo lwabakoBeriya.

⁴⁵Kumadodana kaBeriya: KoHeberi, usendo lwabakoHeberi; koMalikiyeli, usendo lwabakoMalikiyeli.

⁴⁶Lebizo lendodakazi kaAsheri lalinguSera.

⁴⁷Lezi zinsendo zamadodana kaAsheri, njengababaliweyo babo; inkulungwane ezingamatshumi amahlanu lantathu lamakhulu amane.

⁴⁸Amadodana kaNafithali ngensendo zawo: KoJazeli, usendo lwabakoJazeli; koGuni, usendo lwabakoGuni;

⁴⁹koJezeri, usendo lwabakoJezeri; koShilema, usendo lwabakoShilema.

⁵⁰Lezi zinsendo zikaNafithali ngensendo zazo; lababaliweyo babo babeyizinkulungwane ezingamatshumi amane lanhlanu lamakhulu amane.

⁵¹Laba ngababaliweyo babantwana bakoIsrayeli, inkulungwane ezingamakhulu ayisithupha lanye lamakhulu ayisikhombisa lamatshumi amathathu.

⁵²I Nkosi yasikhuluma kuMozisi isithi:

⁵³Kulaba ilizwe lizakwehlukaniswa libe yilifa njengenani lamabizo.

⁵⁴Kwabanengi uzakwengeza ilifa labo, lakwabalutshwana uzanciphisa ilifa labo; ngulowo lalowo uzanikwa ilifa lakhe njengababaliweyo bakhe.

⁵⁵Loba kunjalo ilizwe lizakwehlukaniswa ngenkatho; ngokwamabizo ezizwe zaboyise bazalidla ilifa.

⁵⁶Ngokwenkatho ilifa lalo lizakwehlukaniswa phakathi kwabanengi labalutshwana.

⁵⁷Lalaba ngababalwayo bamaLevi ngensendo zawo; koGerishoni, usendo lwabakoGerishoni; koKohathi, usendo lwabakoKohathi; koMerari, usendo lwabakoMerari.

⁵⁸Laba zinsendo zabakoLevi; usendo lwabakoLibini, usendo lwabakoHebroni, usendo lwabakoMahli, usendo lwabakoMushi, usendo lwabakoKora. UKohathi wasezala uAmramu.

⁵⁹Lebizo lomkaAmramu lalinguJokebedi, indodakazi kaLevi, unina owamzalela uLevi eGibhithe; njalo wamzalela uAmramu oAroni loMozisi loMiriyamu udadewabo.

⁶⁰UAroni wazalelwa uNadabi loAbihu, uEleyazare loIthamari.

⁶¹Kodwa uNadabi loAbihu bafa lapho banikela umlilo ongejwayelekanga phambi kwe Nkosi.

⁶²Lababalwayo babo babeyizinkulungwane ezingamatshumi amabili lantathu, bonke abesilisa kusukela kolenyanga kusiya phezulu; ngoba babengabalelwanga phakathi kwabantwana bakoIsrayeli, ngoba babenganikwanga ilifa phakathi kwabantwana bakoIsrayeli.

⁶³Laba ngababalwa nguMozisi loEleyazare umpristi, ababala abantwana bakoIsrayeli emagcekeni akoMowabi eJordani eJeriko.

⁶⁴Kodwa phakathi kwalabo kwakungekho muntu wababalwayo nguMozisi loAroni umpristi, lapho bebala abantwana bakoIsrayeli enkangala yeSinayi;

⁶⁵ngoba i Nkosi yayithe ngabo: Bazakufa lokufa enkangala. Njalo kakusalanga muntu kubo ngaphandle kukaKalebi indodana kaJefune, loJoshuwa indodana kaNuni.