Read Ndebele-IBhayibhili Elingcwele 2006 Unumeri 28 Bible Online

Unumeri 28 - Ndebele-IBhayibhili Elingcwele 2006 bible

Unumeri 28

¹I Nkosi yasikhuluma kuMozisi isithi:

²Laya abantwana bakoIsrayeli uthi kubo: Umnikelo wami, isinkwa sami seminikelo eyenziwe ngomlilo, uqhatshi lwami olumnandi, lizakuqaphela ukukunikela kimi ngesikhathi sakho esimisiweyo.

³Uzakuthi kibo: Lo ngumnikelo owenziwe ngomlilo elizawunikela e Nkosi ni; amawundlu amabili alomnyaka owodwa, angelasici, insuku ngensuku, kube ngumnikelo wokutshiswa njalonjalo.

⁴Elinye iwundlu uzalinikela ekuseni, lelinye iwundlu ulinikele kusihlwa,

⁵lengxenye yetshumi ye-efa* lempuphu ecolekileyo ibe ngumnikelo wokudla, ixubene lengxenye yesine yehini* yamafutha agigiweyo.

⁶Kungumnikelo wokutshiswa wezikhathi zonke owamiswa entabeni yeSinayi, ube luqhatshi olumnandi, umnikelo owenzelwe i Nkosi ngomlilo.

⁷Lomnikelo wawo wokunathwayo uzakuba yingxenye yesine yehini ngewundlu linye; uzathululela e Nkosi ni umnikelo wokunathwayo ongo wokunathwayo okulamandla endaweni engcwele.

⁸Lelinye iwundlu uzalinikela kusihlwa; njengomnikelo wokudla wekuseni, lanjengomnikelo wawo wokunathwayo uzalinikela, umnikelo owenziwe ngomlilo, oloqhatshi olumnandi e Nkosi ni.

⁹Langosuku lwesabatha amawundlu amabili, alomnyaka owodwa, angelasici, lengxenye ezimbili zetshumi lempuphu ecolekileyo, kube ngumnikelo wokudla, ixubene lamafutha, lomnikelo wawo wokunathwayo;

¹⁰kungumnikelo wokutshiswa wamasabatha wonke, ngaphandle komnikelo wokutshiswa wezikhathi zonke, lomnikelo wawo wokunathwayo.

¹¹Ekuqaleni kwenyanga zenu lizanikela umnikelo wokutshiswa e Nkosi ni, amajongosi amabili amathole enkomo, lenqama eyodwa, lamawundlu ayisikhombisa alomnyaka owodwa, angelasici,

¹²lengxenye ezintathu zetshumi lempuphu ecolekileyo kube ngumnikelo wokudla, ixubene lamafutha, ngejongosi elilodwa; lokubili kwetshumi kwempuphu ecolekileyo kube ngumnikelo wokudla, ixubene lamafutha, ngenqama eyodwa,

¹³njalo ileyo laleyo ingxenye yetshumi yempuphu ecolekileyo ixubene lamafutha kube ngumnikelo wokudla ngewundlu elilodwa; ngumnikelo wokutshiswa oloqhatshi olumnandi, umnikelo owenzelwe i Nkosi ngomlilo.

¹⁴Leminikelo yayo yokunathwayo izakuba yingxenye eyodwa kwezimbili yehini lewayini ngejongosi, lengxenye yesithathu yehini ngenqama, lengxenye yesine yehini ngewundlu. Lokhu kungumnikelo wokutshiswa wezinyanga zonke ngezinyanga zomnyaka.

¹⁵Futhi kuzanikelwa izinyane lembuzi elilodwa libe ngumnikelo wesono e Nkosi ni, ngaphandle komnikelo wokutshiswa ngezikhathi zonke, lomnikelo wawo wokunathwayo.

¹⁶Futhi ngenyanga yokuqala ngosuku lwetshumi lane lwenyanga kuliphasika le Nkosi.

¹⁷Langosuku lwetshumi lanhlanu lwenyanga le kuzakuba khona umkhosi; kuzadliwa isinkwa esingelamvubelo insuku eziyisikhombisa.

¹⁸Ngosuku lokuqala kuzakuba khona inhlangano ebiziweyo engcwele; lingenzi lamsebenzi wezisebenzi,

¹⁹kodwa lizanikela umnikelo owenziwe ngomlilo, umnikelo wokutshiswa e Nkosi ni, amajongosi amabili amathole enkomo, lenqama eyodwa, lamawundlu ayisikhombisa alomnyaka owodwa; kuzakuba ngokungelasici kini.

²⁰Lomnikelo wakho wokudla kuzakuba yimpuphu ecolekileyo ixubene lamafutha; okuthathu kwetshumi lizakunikela ngejongosi, lokubili kwetshumi ngenqama,

²¹ileyo laleyo ingxenye yetshumi uzayinikelela iwundlu elilodwa, kumawundlu ayisikhombisa;

²²lempongo eyodwa ibe ngumnikelo wesono, ukulenzela inhlawulo yokuthula.

²³Lizanikela lokho ngaphandle komnikelo wokutshiswa wekuseni, ongowomnikelo wokutshiswa wezikhathi zonke.

²⁴Ngalindlela lizanikela insuku zonke, okwensuku eziyisikhombisa, ukudla komnikelo owenziwe ngomlilo, uqhatshi olumnandi e Nkosi ni; kuzanikelwa ngaphandle komnikelo wokutshiswa wezikhathi zonke, lomnikelo wawo wokunathwayo.

²⁵Langosuku lwesikhombisa lizakuba lenhlangano ebiziweyo engcwele; lingenzi lamsebenzi wezisebenzi.

²⁶Langosuku lwezithelo zokuqala, lapho liletha umnikelo wokudla omutsha e Nkosi ni, emva kwamaviki enu, lizakuba lenhlangano ebiziweyo engcwele; lingenzi lamsebenzi wezisebenzi.

²⁷Kodwa lizanikela umnikelo wokutshiswa, kube luqhatshi olumnandi e Nkosi ni; amajongosi amabili amathole enkomo, inqama eyodwa, amawundlu ayisikhombisa alomnyaka owodwa.

²⁸Lomnikelo wakho wokudla wempuphu ecolekileyo ixubene lamafutha, okuthathu kwetshumi ngejongosi elilodwa, lokubili kwetshumi ngenqama eyodwa,

²⁹ileyo laleyo ingxenye yetshumi ngewundlu elilodwa, kumawundlu ayisikhombisa;

³⁰izinyane lembuzi elilodwa, ukulenzela inhlawulo yokuthula.

³¹Lizanikela lokho ngaphandle komnikelo wokutshiswa ngezikhathi zonke, lomnikelo wakho wokudla (kube ngokungelasici kini) leminikelo yakho yokunathwayo.