Read Ndebele-IBhayibhili Elingcwele 2006 Unumeri 33 Bible Online

Unumeri 33 - Ndebele-IBhayibhili Elingcwele 2006 bible

Unumeri 33

¹Lezi zinhambo zabantwana bakoIsrayeli abaphuma elizweni leGibhithe ngamabutho abo, ngesandla sikaMozisi loAroni.

²UMozisi wasebhala ukuphuma kwabo ngezinhambo zabo ngokomlayo we Nkosi. Lalezi zinhambo zabo njengokuphuma kwabo.

³Basebesuka eRamesesi ngenyanga yokuqala ngosuku lwetshumi lanhlanu lwenyanga yokuqala; ngakusisa kwephasika abantwana bakoIsrayeli baphuma ngesandla esiphakemeyo phambi kwamehlo awo wonke amaGibhithe,

⁴lapho amaGibhithe engcwaba labo i Nkosi eyabatshayayo phakathi kwawo, wonke amazibulo; laphezu kwabonkulunkulu bawo i Nkosi yenza isigwebo.

⁵Abantwana bakoIsrayeli basebesuka eRamesesi, bamisa inkamba eSukothi.

⁶Basuka eSukothi, bamisa inkamba eEthama elisekucineni kwenkangala.

⁷Basuka eEthama, babuyela ePi-Hahirothi ephambi kweBhali-Zefoni, bamisa inkamba phambi kweMigidoli.

⁸Basuka ePi-Hahirothi, badabula phakathi kolwandle besiya enkangala; bahamba uhambo lwensuku ezintathu enkangala yeEthama, bamisa inkamba eMara.

⁹Basuka eMara, bayafika eElimi; njalo eElimi kwakukhona imithombo yamanzi elitshumi lambili lezihlahla zelala ezingamatshumi ayisikhombisa; basebemisa inkamba lapho.

¹⁰Basuka eElimi, bamisa inkamba eLwandle oluBomvu.

¹¹Basuka eLwandle oluBomvu, bamisa inkamba enkangala yeSini.

¹²Basuka enkangala yeSini, bamisa inkamba eDofika.

¹³Basuka eDofika, bamisa inkamba eAlushi.

¹⁴Basuka eAlushi, bamisa inkamba eRefidimi lapho okwakungelamanzi khona okuthi abantu banathe.

¹⁵Basebesuka eRefidimi, bamisa inkamba enkangala yeSinayi.

¹⁶Basuka enkangala yeSinayi, bamisa inkamba eKibirothi-Hathava.

¹⁷Basuka eKibirothi-Hathava, bamisa inkamba eHazerothi.

¹⁸Basuka eHazerothi, bamisa inkamba eRithima.

¹⁹Basuka eRithima, bamisa inkamba eRimoni-Perezi.

²⁰Basuka eRimoni-Perezi, bamisa inkamba eLibhina.

²¹Basuka eLibhina, bamisa inkamba eRisa.

²²Basuka eRisa, bamisa inkamba eKehelatha.

²³Basuka eKehelatha, bamisa inkamba entabeni yeSheferi.

²⁴Basuka entabeni yeSheferi, bamisa inkamba eHarada.

²⁵Basuka eHarada, bamisa inkamba eMakelothi.

²⁶Basuka eMakelothi, bamisa inkamba eTahathi.

²⁷Basuka eTahathi, bamisa inkamba eTera.

²⁸Basuka eTera, bamisa inkamba eMithika.

²⁹Basuka eMithika, bamisa inkamba eHashimona.

³⁰Basuka eHashimona, bamisa inkamba eMoserothi.

³¹Basuka eMoserothi, bamisa inkamba eBene-Jakani.

³²Basuka eBene-Jakani, bamisa inkamba eHori-Hagidigadi.

³³Basuka eHori-Hagidigadi, bamisa inkamba eJotibatha.

³⁴Basuka eJotibatha, bamisa inkamba eAbrona.

³⁵Basuka eAbrona, bamisa inkamba eEziyoni-Geberi.

³⁶Basuka eEziyoni-Geberi, bamisa inkamba enkangala yeZini, eyiKadeshi.

³⁷Basuka eKadeshi, bamisa inkamba entabeni yeHori ekucineni kwelizwe leEdoma.

³⁸UAroni umpristi wasesenyukela entabeni yeHori ngokomlayo we Nkosi, wafela khona, ngomnyaka wamatshumi amane emva kokuphuma kwabantwana bakoIsrayeli elizweni leGibhithe, ngenyanga yesihlanu, ngo suku lokuqala lwenyanga.

³⁹Njalo uAroni wayeleminyaka elikhulu lamatshumi amabili lantathu ekufeni kwakhe entabeni yeHori.

⁴⁰UmKhanani, inkosi yeAradi, owayehlala eningizimu elizweni leKhanani, wasesizwa ngokuza kwabantwana bakoIsrayeli.

⁴¹Basebesuka entabeni yeHori, bamisa inkamba eZalimona.

⁴²Basuka eZalimona, bamisa inkamba ePunoni.

⁴³Basuka ePunoni, bamisa inkamba eObothi.

⁴⁴Basuka eObothi, bamisa inkamba eIye-Abarimi, emngceleni wakoMowabi.

⁴⁵Basuka eIyimi, bamisa inkamba eDiboni-Gadi.

⁴⁶Basuka eDiboni-Gadi, bamisa inkamba eAlimoni-Dibilathayimi.

⁴⁷Basuka eAlimoni-Dibilathayimi, bamisa inkamba entabeni zeAbarimi, phambi kweNebo.

⁴⁸Basuka entabeni zeAbarimi, bamisa inkamba emagcekeni akoMowabi eJordani eJeriko;

⁴⁹bamisa inkamba eJordani kusukela eBeti-Jeshimothi kusiya eAbeli-Shithimi, emagcekeni akoMowabi.

⁵⁰I Nkosi yasikhuluma kuMozisi emagcekeni akoMowabi, eJordani eJeriko, isithi:

⁵¹Tshono ebantwaneni bakoIsrayeli uthi kubo: Lapho selichaphe iJordani laya elizweni leKhanani,

⁵²lizaxotsha bonke abakhileyo belizwe libakhuphe emfuyweni yabo phambi kwenu, lichithe yonke imifanekiso yabo, lichithe zonke izithombe zabo ezibunjwe ngokuncibilikisa, liqede zonke indawo zabo eziphakemeyo,

⁵³lidle ilifa lelizwe, lihlale kilo, ngoba ngilinike ilizwe ukuthi lidle ilifa lalo.

⁵⁴Njalo lizakudla ilifa lelizwe ngenkatho ngensendo zenu; kwabanengi lizakwengeza ilifa labo, lakwabalutshwana lizanciphisa ilifa labo. Lapho inkatho ezamphumela khona umuntu, kuzakuba ngokwakhe. Njengezizwe zaboyihlo lizakudla ilifa.

⁵⁵Kodwa nxa lingabakhuphi abakhileyo elizweni emfuyweni yabo phambi kwenu, khona kuzakuthi elibatshiyayo babo bazakuba zimvava emehlweni enu babe ngameva ezinhlangothini zenu, balihluphe elizweni elihlala kilo.

⁵⁶Kuzakuthi-ke, ngizakwenza kini njengalokhu ebengicabanga ukukwenza kubo.