Read Ndebele-IBhayibhili Elingcwele 2006 Unumeri 7 Bible Online

Unumeri 7 - Ndebele-IBhayibhili Elingcwele 2006 bible

Unumeri 7

¹Kwasekusithi ngosuku uMozisi aqeda ngalo ukumisa ithabhanekele, waligcoba, walingcwelisa, lempahla zalo zonke, lelathi lempahla zalo zonke, wakugcoba, wakungcwelisa;

²iziphathamandla zakoIsrayeli, izinhloko zezindlu zaboyise, ezaziyiziphathamandla zezizwe, ezazisongamela labo ababalwayo, zanikela,

³zaletha umnikelo wazo phambi kwe Nkosi, inqola eziyisithupha ezembesiweyo lenkabi ezilitshumi lambili; inqola eyodwa ngeziphathamandla ezimbili, lenkabi ngesisodwa; zazisondeza phambi kwethabhanekele.

⁴I Nkosi yasikhuluma kuMozisi isithi:

⁵Yemukela kuzo, ukuze zibe ngezokusebenza inkonzo yethente lenhlangano, uzinike amaLevi, kulowo lalowo njengomsebenzi wakhe.

⁶Ngakho uMozisi wathatha izinqola lezinkabi, wazinika amaLevi.

⁷Inqola ezimbili lenkabi ezine wazinika amadodana kaGerishoni, njengomsebenzi wawo;

⁸lenqola ezine lenkabi eziyisificaminwembili wazinika amadodana kaMerari, njengomsebenzi wawo, ngesandla sikaIthamari indodana kaAroni umpristi.

⁹Kodwa emadodaneni kaKohathi kanikanga lutho, ngoba umsebenzi wezinto ezingcwele wawuphezu kwawo, awuthwala emahlombe.

¹⁰Leziphathamandla zanikelela ukwehlukaniselwa kwelathi ngosuku elagcotshwa ngalo; iziphathamandla zasondeza umnikelo wazo phambi kwelathi.

¹¹I Nkosi yasisithi kuMozisi: Isiphathamandla esisodwa ngosuku, isiphathamandla esisodwa ngosuku, zizanikelela umnikelo wazo wokwehlukaniselwa kwelathi.

¹²Owanikela-ke umnikelo wakhe ngosuku lokuqala wayenguNashoni indodana kaAminadaba, owesizwe sakoJuda.

¹³Lomnikelo wakhe wawungumganu owodwa wesiliva, osisindo sawo sasingama shekeli * alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

¹⁴ukhezo olulodwa olungama shekeli alitshumi egolide, lugcwele impepha;

¹⁵ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

¹⁶izinyane lembuzi elilodwa libe ngumnikelo wesono;

¹⁷lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokhu kwakungumnikelo kaNashoni indodana kaAminadaba.

¹⁸Ngosuku lwesibili uNethaneli indodana kaZuwari, isiphathamandla sakoIsakari, wanikela.

¹⁹Wanikela umnikelo wakhe: Umganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

²⁰ukhezo olulodwa olungama shekeli alitshumi egolide, lugcwele impepha;

²¹ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

²²izinyane lembuzi elilodwa libe ngumnikelo wesono;

²³lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokhu kwakungumnikelo kaNethaneli indodana kaZuwari.

²⁴Ngosuku lwesithathu uEliyabi indodana kaHeloni, isiphathamandla sabantwana bakoZebuluni:

²⁵Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

²⁶ukhezo olulodwa olungama shekeli alitshumi egolide, lugcwele impepha;

²⁷ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

²⁸izinyane lembuzi elilodwa libe ngumnikelo wesono;

²⁹lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaEliyabi indodana kaHeloni.

³⁰Ngosuku lwesine uElizuri indodana kaShedewuri, isiphathamandla sabantwana bakoRubeni:

³¹Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

³²ukhezo olulodwa olungama shekeli alitshumi egolide, lugcwele impepha;

³³ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

³⁴izinyane lembuzi elilodwa libe ngumnikelo wesono;

³⁵lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaElizuri indodana kaShedewuri.

³⁶Ngosuku lwesihlanu uShelumiyeli indodana kaZurishadayi, isiphathamandla sabantwana bakoSimeyoni:

³⁷Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

³⁸ukhezo olulodwa olungama shekeli alitshumi egolide, lugcwele impepha;

³⁹ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

⁴⁰izinyane lembuzi elilodwa libe ngumnikelo wesono;

⁴¹lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaShelumiyeli indodana kaZurishadayi.

⁴²Ngosuku lwesithupha uEliyasafi indodana kaDehuweli, isiphathamandla sabantwana bakoGadi:

⁴³Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

⁴⁴ukhezo olulodwa olungama shekeli alitshumi egolide, lugcwele impepha;

⁴⁵ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

⁴⁶izinyane lembuzi elilodwa libe ngumnikelo wesono;

⁴⁷lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaEliyasafi indodana kaDehuweli.

⁴⁸Ngosuku lwesikhombisa uElishama indodana kaAmihudi, isiphathamandla sabantwana bakoEfrayimi:

⁴⁹Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

⁵⁰ukhezo olulodwa olungama shekeli alitshumi egolide, lugcwele impepha;

⁵¹ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

⁵²izinyane lembuzi elilodwa libe ngumnikelo wesono;

⁵³lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaElishama indodana kaAmihudi.

⁵⁴Ngosuku lwesificaminwembili uGamaliyeli indodana kaPedazuri, isiphathamandla sabantwana bakoManase:

⁵⁵Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

⁵⁶ukhezo olulodwa olungama shekeli alitshumi egolide, lugcwele impepha;

⁵⁷ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

⁵⁸izinyane lembuzi elilodwa libe ngumnikelo wesono;

⁵⁹lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaGamaliyeli indodana kaPedazuri.

⁶⁰Ngosuku lwesificamunwemunye uAbidani indodana kaGideyoni, isiphathamandla sabantwana bakoBhenjamini:

⁶¹Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

⁶²ukhezo olulodwa olungama shekeli alitshumi egolide, lugcwele impepha;

⁶³ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

⁶⁴izinyane lembuzi elilodwa libe ngumnikelo wesono;

⁶⁵lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaAbidani indodana kaGideyoni.

⁶⁶Ngosuku lwetshumi uAhiyezeri indodana kaAmishadayi, isiphathamandla sabantwana bakoDani:

⁶⁷Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

⁶⁸ukhezo olulodwa olungama shekeli alitshumi egolide, lugcwele impepha;

⁶⁹ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

⁷⁰izinyane lembuzi elilodwa libe ngumnikelo wesono;

⁷¹lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaAhiyezeri indodana kaAmishadayi.

⁷²Ngosuku lwetshumi lanye uPagiyeli indodana kaOkirani, isiphathamandla sabantwana bakoAsheri:

⁷³Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

⁷⁴ukhezo olulodwa olungama shekeli alitshumi egolide, lugcwele impepha;

⁷⁵ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

⁷⁶izinyane lembuzi elilodwa libe ngumnikelo wesono;

⁷⁷lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaPagiyeli indodana kaOkirani.

⁷⁸Ngosuku lwetshumi lambili uAhira indodana kaEnani, isiphathamandla sabantwana bakoNafithali:

⁷⁹Umnikelo wakhe wawungumganu owodwa wesiliva, osisindo sawo sasingama shekeli alikhulu lamatshumi amathathu, umganu wokufafaza owodwa wesiliva wamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wokudla;

⁸⁰ukhezo olulodwa olungama shekeli alitshumi egolide, lugcwele impepha;

⁸¹ijongosi elilodwa ithole lenkomo, inqama eyodwa, iwundlu elilodwa elilomnyaka owodwa, kube ngumnikelo wokutshiswa;

⁸²izinyane lembuzi elilodwa libe ngumnikelo wesono;

⁸³lokomhlatshelo weminikelo yokuthula, izinkabi ezimbili, inqama ezinhlanu, impongo ezinhlanu, amawundlu amahlanu alomnyaka owodwa. Lokho kwakungumnikelo kaAhira indodana kaEnani.

⁸⁴Lokhu kwakuyikwehlukaniselwa kwelathi ngosuku lokugcotshwa kwalo kweziphathamandla zakoIsrayeli. Imiganu yesiliva elitshumi lambili, imiganu yokufafaza yesiliva elitshumi lambili, inkezo zegolide ezilitshumi lambili.

⁸⁵Lowo lalowo umganu wesiliva wawungama shekeli alikhulu lamatshumi amathathu; lalowo lalowo umganu wokufafaza wamatshumi ayisikhombisa; sonke isiliva semiganu sasingama shekeli azinkulungwane ezimbili lamakhulu amane, ngokweshekeli lendlu engcwele.

⁸⁶Inkezo zegolide ezilitshumi lambili, zigcwele impepha; yilolo lalolokhezo lwalungama shekeli alitshumi ngokweshekeli lendlu engcwele; igolide lonke lenkezo lalingama shekeli alikhulu lamatshumi amabili.

⁸⁷Zonke izifuyo zomnikelo wokutshiswa zazingamajongosi alitshumi lambili, inqama ezilitshumi lambili, amawundlu alomnyaka owodwa alitshumi lambili, lomnikelo wazo wokudla; lamazinyane embuzi alitshumi lambili omnikelo wesono.

⁸⁸Lazo zonke izifuyo zomhlatshelo weminikelo yokuthula zazingamajongosi angamatshumi amabili lane, inqama ezingamatshumi ayisithupha, impongo ezingamatshumi ayisithupha, amawundlu angamatshumi ayisithupha alomnyaka owodwa. Lokhu kwakuyikwehlukaniselwa kwelathi, emva kokugcotshwa kwalo.

⁸⁹Lapho uMozisi esengena ethenteni lenhlangano ukukhuluma laye, wezwa ilizwi likhuluma kuye, livela ngaphezu kwesihlalo somusa esiphezu komtshokotsho wobufakazi, livela phakathi kwamakherubi* amabili; wasekhuluma kuye.