Read Ndebele-IBhayibhili Elingcwele 2006 Unumeri 8 Bible Online

Unumeri 8 - Ndebele-IBhayibhili Elingcwele 2006 bible

Unumeri 8

¹I Nkosi yasikhuluma kuMozisi isithi:

²Tshono kuAroni uthi kuye: Nxa ulumathisa izibane, izibane eziyisikhombisa zizakhanyisa phambili phambi koluthi lwesibane.

³UAroni wasesenza njalo; phambili phambi koluthi lwesibane walumathisa izibane zalo, njengokulaya kwe Nkosi kuMozisi.

⁴Lalo umsebenzi woluthi lwesibane wawungowegolide elikhandiweyo, kuze kube sesidindini salo kuze kuye emalubeni alo lwalukhandiwe; njengesifanekiso i Nkosi eyamtshengisa sona uMozisi, walwenza njalo uluthi lwesibane.

⁵I Nkosi yasikhuluma kuMozisi isithi:

⁶Khupha amaLevi phakathi kwabantwana bakoIsrayeli, uwahlambulule;

⁷wenze ngokunjalo kuwo ukuwahlambulula; ufafaze phezu kwawo amanzi okuhlambulula, njalo adlulise impuco emzimbeni wawo wonke, awatshe izigqoko zawo, azihlambulule.

⁸Athathe ijongosi ithole lenkomo, lomnikelo walo wokudla, impuphu ecolekileyo ixubene lamafutha, uthathe lelinye ijongosi ithole lenkomo, libe ngumnikelo wesono.

⁹Njalo uzasondeza amaLevi phambi kwethente lenhlangano, ubuthanise inhlangano yonke yabantwana bakoIsrayeli.

¹⁰Usondeze amaLevi phambi kwe Nkosi, njalo abantwana bakoIsrayeli bazabeka izandla zabo phezu kwamaLevi,

¹¹loAroni azunguze amaLevi, abe ngumnikelo wokuzunguzwa phambi kwe Nkosi, evela ebantwaneni bakoIsrayeli, ukuze abe ngasebenza umsebenzi we Nkosi.

¹²AmaLevi azabeka-ke izandla zawo enhlokweni yamajongosi; unikele elinye libe ngumnikelo wesono, lelinye libe ngumnikelo wokutshiswa e Nkosi ni, ukuwenzela amaLevi inhlawulo yokuthula.

¹³Njalo uzawamisa amaLevi phambi kukaAroni laphambi kwamadodana akhe, uwazunguze abe ngumnikelo wokuzunguzwa e Nkosi ni.

¹⁴Ngakho uzakwehlukanisa amaLevi uwakhuphe phakathi kwabantwana bakoIsrayeli, ukuthi amaLevi abe ngawami.

¹⁵Lemva kwalokho amaLevi azangena ukukhonza ethenteni lenhlangano. Njalo uzawahlambulula, uwazunguze abe ngumnikelo wokuzunguzwa.

¹⁶Ngoba wona aphiwe lokuphiwa mina ephuma phakathi kwabantwana bakoIsrayeli. Esikhundleni salokho okuvula sonke isizalo, izibulo laye wonke wabantwana bakoIsrayeli, ngizithathele wona.

¹⁷Ngoba lonke izibulo phakathi kwabantwana bakoIsrayeli ngelami, phakathi kwabantu laphakathi kwezifuyo. Ngosuku engatshaya ngalo lonke izibulo elizweni leGibhithe ngazingcwelisela wona;

¹⁸sengithethe amaLevi esikhundleni sawo wonke amazibulo phakathi kwabantwana bakoIsrayeli.

¹⁹Ngiwanikile amaLevi njengabaphiweyo kuAroni lakumadodana akhe, ephuma phakathi kwabantwana bakoIsrayeli, ukukhonza inkonzo yabantwana bakoIsrayeli ethenteni lenhlangano, lokwenzela abantwana bakoIsrayeli inhlawulo yokuthula, ukuze kungabi lenhlupheko phakathi kwabantwana bakoIsrayeli, nxa abantwana bakoIsrayeli besondela endlini engcwele.

²⁰UMozisi loAroni lenhlangano yonke yabantwana bakoIsrayeli basebesenza kumaLevi njengakho konke i Nkosi eyakulaya uMozisi mayelana lamaLevi; benza njalo abantwana bakoIsrayeli kuwo.

²¹LamaLevi azihlambulula, awatsha izembatho zawo; uAroni wasewazunguza aba ngumnikelo wokuzunguzwa phambi kwe Nkosi; loAroni wawenzela inhlawulo yokuthula ukuwahlambulula.

²²Lemva kwalokho amaLevi angena ukwenza inkonzo yawo ethenteni lenhlangano phambi kukaAroni laphambi kwamadodana akhe. Njengalokhu i Nkosi yamlaya uMozisi ngamaLevi, benza njalo kuwo.

²³I Nkosi yasikhuluma kuMozisi isithi:

²⁴Yilokhu okuqondene lamaLevi: Kusukela koleminyaka engamatshumi amabili lanhlanu langaphezulu azangena ukulwa impi, enkonzweni yethente lenhlangano.

²⁵Njalo kusukela koleminyaka engamatshumi amahlanu azaphuma empini yenkonzo, angabe esasebenza;

²⁶kodwa azasiza abazalwane bawo ethenteni lenhlangano ukugcina umlindo, kodwa angasebenzi umsebenzi. Uzakwenza njalo kumaLevi kumfanelo zawo.